تقرير شراء كرستالة طالع عينها بس اساسها نضيف
السلام عليكم...
انا اشتريت كرستالة لاخويا زى بتاعتى بالظبط من واحد زميلى فى الشغل لكن ما كنش مهتم بيها خاااااااااااااااااالص ... متبهدلة بمعنى الكلمة لانه كان مخصصها لمشوار المزرعة بتاعتة ومعاة عربية تانية لمشاويرة وشغلة
البداية انى شفتها ادام الشركة لما جية بيها مرة وعرفت ان صاحبها معانا فى الشركة وانا ساعتها كنت بدور على عربية لاخويا ولما قلت لاخويا عليها ورغم انى وريتة صورتها افش فيها وقالى طالما زى بتاعتك يبقى انت اللى هتظبطهالى :F_eyeb1[1]:
قابلت صاحبها وقالى انة عاوز يبيعها لكن مستنى يتفق على واحدة تانية اعلى علشان مشوار المزرعة وقالى طبعا زى مانت شايف هتحتاج مصاريف كتير و شفتها ولقيتها فابريقة دواخل وقالى انة اشتراها سنة 2002 كسر زيرو ومافيهاش اى حاجة دواخل وقالى والله انا ما فاضى علشان اعملها انا هبيعها زى ما هى وقالى انا مغير الكبالين وطقم الدبرياج والبارات ومحتاجة مساعدين امامى وعاملة دلوقتى 290 الف وفيها رخصة حتى 2015 وقدرت مصاريفها واتفقنا وخلصتها بعد ما اتفق هو على عربية تانية.....
نزلت بقى اشترتلها الاتى .....
اتنين مساعدين امامى بالسوست استيراد 500 جنية
فانوسين خلفى استيراد 450
عاكس شنطة واحد خلفى ديبو تيوانى جديد 50 جنية
اتنين اشارة امامى ديبو تيوانى 60 جنية
اتنين فانوس امامى ديبو تيوانى 280 جنية
شبكة امامية 50 جنية
اكصدام امامى تايلاندى 190 جنية
سير كاتبنة ايطالى (مش عارف كويس ولا اية ) 70 جنية
اربع شدادات خلفى تايلاندى (بس نضاف) 200 جنية
اتنين صداد للمساعدين الخلفى 40 جنية
علبة فريون 1 كم 100 جنية (علشان كانت عاوزة تتشحن)
طبعا بخلاف الفلاتر والزيت وتصليح الكاسيت و الكلاكس
ركبت جميع ما سبق وبقت احسن من بتاعتى فى السواقة ...:H_angry[1]:
اجمالى المصاريف حتى الان 2270 جنية
وواقفة على السمكرة والدهان وان شاء الله لما اخلص السمكرة والدهان هبقى اقولكم على التكاليف النهائية
