ابيع الشيروكي واجيب نيسان قشقاي ولا بيجو ٣٠٠٨ ولا بلاش ابيع ارجو النصيحه

**amroelras** · 10-04-2013 04:04 PM

انا معايا جيب شيروكي 2010 kk وبفكر ابيعها علشان البنزين والضريبه انا بفكر في نيسان قشقاي اتوماتيك او بيجو ٣٠٠٨ انا هام حاجه عندي تكون العربيتين في ثبات الشيروكي ان ما كانش اكبر ويكون التكييف والصيانه والعفشه مريحين في السفر لاني انا مش مرتاح في الشيروكي من نتحيه العفشه والتكييف اما الثبات فهو معقول لان العربيه عاليه عن الارض وارتفاعها ٢٤ سم فانا عايز رايكم اجيب قشقاي ولا بيجو ٣٠٠٨ ولا ما اغيرش الشيروكي بس يا ريت يكون حد ساق العربيات الثلاثه دول علشان حكمه يكون عادل

**kfma1** · 12-04-2013 10:02 AM

البيجو 3008 واطية جدا ارتفاعها عن الارض حوالى 16 سم

**eslam3344** · 13-04-2013 02:30 AM

اضم صوتي لصوت استاذ kfma1 ال 3008 ارتفاعها مش العالي اوي وانا بصراحه جربت القشقاي جامده جدا بتاعت واحد والد زميل ليا بسم الله ما شاء الله ربنا يباركلهم فيها حاجه كده من الاخر قوة اداء وموتور وثبات ما شاء الله وتكييفها معرفهوش لان لسه الصيف مدخلش وده اول صبف ليها بس صالونها كويس جدا ومريح ومن الداخل السقف اعليمن ال jeep بس لو عليا القشقاي هجيبها وقتي

**amroelras** · 13-04-2013 05:38 PM

يا اسلام باشا حضرتك سوقت القشقاي وجريت بيها وملفات وغرز ولا سوقتها كده بالراحه وحضرتك سوقت جيب قبل كده ولا لا علشان اعرف مدي استجابه القشقاي

**eslam3344** · 13-04-2013 08:00 PM

بص انا جربت الليبرتي 2004 جري وشد وقرص وغرز عشان كانت بتاعت واحد صاحبي وكانت حالتها كويسه مش متهانه بس بردوا حسيت انها مش علي قد المستوي من القشقاي هي اه في فرق في المواتير بس صدقني القشقاي في ظل ظروف البنزين هتكسب بمراحل
ولما سوقت القشقاي كان اقصي حاجه اني زودت الدوسه شويه وعليت الار بي ام علي 6 والعربيه بسم الله ما شاء الله تجميع ولا اروع مع ان الناس بتقول ان نيسان استهلاكه لبنزين غير منتظم بس انا بيتهيالي ان ده راجع لان العربيه لسه جديده ومحدش لحق يحفظها

**phantom0xx0** · 13-04-2013 10:37 PM

المشاركة الأصلية كتبت بواسطة amroelras

انا معايا جيب شيروكي 2010 kk وبفكر ابيعها علشان البنزين والضريبه انا بفكر في نيسان قشقاي اتوماتيك او بيجو ٣٠٠٨ انا هام حاجه عندي تكون العربيتين في ثبات الشيروكي ان ما كانش اكبر ويكون التكييف والصيانه والعفشه مريحين في السفر لاني انا مش مرتاح في الشيروكي من نتحيه العفشه والتكييف اما الثبات فهو معقول لان العربيه عاليه عن الارض وارتفاعها ٢٤ سم فانا عايز رايكم اجيب قشقاي ولا بيجو ٣٠٠٨ ولا ما اغيرش الشيروكي بس يا ريت يكون حد ساق العربيات الثلاثه دول علشان حكمه يكون عادل

أنا بفكر نفس التفكير دة بس لسة مش عارف أخد قرار ، معايا kk 2009

**yyy** · 14-04-2013 12:14 AM

بيجو 3008
اجمد من القشقاي في الموتور و الاوبشن و ثباتها جامد
بس عيبها سعر اعاده البيع

**amroelras** · 14-04-2013 02:56 AM

يا اسلام باشا مع احترامي لحضرتك الليبرتي من ٢٠٠٢ الي ٢٠٠٧ عباره عن مراجيح مولد النبي موتور فقط بدون ثبات العربيه فعلا تخوف اما الموديل اللي بعده kk فده ارحم بكتير من الليبرتي ٢٠٠٤ اللي حضرتك سوقتها انا كده لازم بقي اجرب القشقاي ةالبيجو ٣٠٠٨ بنفسي علشان المغامره

**amroelras** · 14-04-2013 03:00 AM

الاستاذ phantom0xx0
لما حضرتك تلاقي حل في مشكلتنا ابقي طمني علشان البنزين والضريبه خربوا بيتي

-

الموضوع: ابيع الشيروكي واجيب نيسان قشقاي ولا بيجو ٣٠٠٨ ولا بلاش ابيع ارجو النصيحه

LinkBack

أدوات الموضوع

عرض

-

-

-

المواضيع المتشابهه

جيب شيروكي ليميتيد ٢٠١٣ ولا بيجو ٣٠٠٨ موديل ٢٠١٣

يا جماعة أجيب سبورتاج ولا بيجو ٣٠٠٨ ولا ....

يا جماعة إيه رايكم سبورتاج ولا بيجو ٣٠٠٨

ابيع الساجا بكام واجيب بيرسونا ولا ساجا تانى

ابيع البونتو واجيب سيريون ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة