تقرير مصور لاستبدال الكاوتش لالنترا md والمفاجئة... ببلاش

بسم الله الرحمن الرحيم

والسلام عليكم و رحمة الله و بركاته

نبتدي التقرير بالتفصيل الممل، مش عشان اغيظكوا، بس عشان الفائدة تعم بقدر الإمكان ان شاء الله.

من أسبوعين و قبل رجوعي من الأسكندرية لإصدار الباسبور البحري - الله يحرقه - قلت يا واد يا نشأت بص علي الكاوتش للاطمئنان قبل ما اطلع علي الطريق.

والمفاجئة !!!!! :I_angr1[1]:

http://nileup.com/up/uploads/nilemotors_13655956571.jpg

الفردة الأمامية اليمين طلعلها كاللو..

المهم، بعد الاندهاشة عشان مش عارف بقالي قد ايه بالظبط ماشي بالمنظر المريع ده، نزلت الاستبن و غيرته و طلعت علي القاهرة.

نظراً لظروف والدي الصحية المتدهورة جداً - ادعوله بالشفاء - أهملت الموضوع لفترة.

ربنا الهمني ان انا و انا بستلم العربية، استلمت ضمان منفصل للكاوتش من هانكوك، و عليها روحت مطلعه و لقيت نمرة تليفون لفرع مصر.

اتصلت لقيته في الإسكندرية، لكن ليهم فرع في القاهرة في الدقي. شركة مصر للتجارة العالمية - هانكوك. اخدت نمرتهم واتصلت بيهم، قالولي تيجي يوم الاثنين من الساعة ٣ الي ٥ و ده وقت تواجد الخبير الكوري كل اسبوع و هو المسئول عن الضمان.

طنشت اسبوع عشان نفس الظروف السابق ذكرها و روحت اول امبارح الاثنين ٨ أبريل ٢٠١٣..

استقبلني موظف محترم هناك و آخد بياناتي و بيانات العربية و الكيلومتر.

الخواجة الكور ي وصل في تمام الساعة ٣:١٥ و عاين الكاوتش و صوره.

http://nileup.com/up/uploads/nilemotors_13655956572.jpg

و بعدين راح قايس عمق الكاوتش عشان يحدد كمية الاستهلاك.

و استخدم في ذلك digital vernier او digital tire depth gauge

http://nileup.com/up/uploads/nilemotors_13655968581.jpg

http://nileup.com/up/uploads/nilemotors_13655968582.jpg

آخد ثلاث قرائات في أماكن مختلفة و طلعت ٧.١ و ٧.٢ و ٦.٩. آخد أعلي قيمة و قسمها علي ٧.٧ و هو العمق الأصلي للفردة الجديدة قاللي نسبة استهلاكك ٦٪ " و انا باعتذر لحضرتك عشان انت حا تضطر تدفع ٤٥ جنيه نظير استهلاكك و تاخد الفردة الجديدة ديه"

http://nileup.com/up/uploads/nilemotors_13655956573.jpg

و اعتذر تاني لعدم توفر نفس النقشة، بس قالي ده افضل عشان V و قاللي خليها استبن و لما تيجي تشتري كاوتش ابقي هات نفس النقشة ده بعد كده عشان كمان صوتها اهدي Ventus me 01 و هي افضل من Kinergy eco و خاصتاً في السرعات العالية. و قاللي احنا مش بنستورد النوع و ده خط إنتاج خاص بهيونداي.

اخدت الفردة مع صنايعي من الشركة و روحنا ركبناها عند محل اصلاح علي شارع الدقي الرئيسي و ها هي بعد التركيب.


http://nileup.com/up/uploads/nilemotors_13655956585.jpg

نصيحة أخيرة بلاش تركبها عند محل الإصلاح ده عشان جرحلي الجنط من الاطراف بالمكنة اللي بيطلع بيها الكاوتش من الجنط عشان كبس زيادة عليه.

http://nileup.com/up/uploads/nilemotors_13655956574.jpg

أرجو اني أكون أفدت قدر الإمكان.

شكرا باشمهندس نشأت علي المعلومات الجميلة و التقرير الرائع ده

و الموضوع أن شاء الله سيتم ضمه لفهرس موضوعات الالنترا md

و ألف سلامة للسيد الوالد و تمنياتي له بالشفاء أن شاء الله

مبروك عليك الفرده

ياااااااه هو لسه فيه توكيلات محترمه كده !!!! ولا عشان الخبير الكورى وجوده هو الى اوجد الاحترام ؟؟!!

بس غريبه ان الفرده تجيب بالونه وهيا مقاسها 16 هو انت كنت بتاكل مطبات ؟؟

وهو انت ليه معملتهاش استبن فعلا ؟؟

وهل Ventus me 01 يوازى my01 فى بردجستون؟؟

تحياتى

ابتدى يبقى فيه احترام للمستهلك موضوع قمة فى الروعة

و ألف سلامة للسيد الوالد و تمنياتي له بالشفاء أن شاء الله

اقتباس:

---

المشاركة الأصلية كتبت بواسطة hossam_elwani

مبروك عليك الفرده

ياااااااه هو لسه فيه توكيلات محترمه كده !!!! ولا عشان الخبير الكورى وجوده هو الى اوجد الاحترام ؟؟!!

بس غريبه ان الفرده تجيب بالونه وهيا مقاسها 16 هو انت كنت بتاكل مطبات ؟؟

وهو انت ليه معملتهاش استبن فعلا ؟؟

وهل ventus me 01 يوازى my01 فى بردجستون؟؟

تحياتى

---

هو فعلا عشان الراجل الكوري.. الصنايعي اللي هناك قاللي ان كان فيه واحد مصري قبليه مدوخ البشر و معذبهم و فين و فين لما يغير فردة في الضمان.

و مين ما بياكلشي مطبات... ده انا ساعات بروح البيت شبعان من كتر اكل المطبات :):)

هي فعلا استبن دلوقتي.

بخصوص سوئالك عن بريدجستون، ما عنديش فكرة الصراحة

نسيت أقول ان ثمن الفردة في حالة الشراء قبل الخصم ٧٥٠ جنيه و بعد ٦٢٥ جنيه و في حالة الاستبدال في الضمان لا يتم تطبيق الخصم وتحتسب نسبة الاستهلاك من الثمن الأصلي

اقتباس:

---

المشاركة الأصلية كتبت بواسطة samir elshahawy

شكرا باشمهندس نشأت علي المعلومات الجميلة و التقرير الرائع ده

و الموضوع أن شاء الله سيتم ضمه لفهرس موضوعات الالنترا md

و ألف سلامة للسيد الوالد و تمنياتي له بالشفاء أن شاء الله

---

شكرا يا هندسة، اقابلك في صلاة الجمعة ان شاء الله.

اقتباس:

---

المشاركة الأصلية كتبت بواسطة nashaat rady

هو فعلا عشان الراجل الكوري.. الصنايعي اللي هناك قاللي ان كان فيه واحد مصري قبليه مدوخ البشر و معذبهم و فين و فين لما يغير فردة في الضمان.

و مين ما بياكلشي مطبات... ده انا ساعات بروح البيت شبعان من كتر اكل المطبات :):)

هي فعلا استبن دلوقتي.

بخصوص سوئالك عن بريدجستون، ما عنديش فكرة الصراحة

---

غريبه هو انت الاستبن عندك جنط ؟؟

اقتباس:

---

المشاركة الأصلية كتبت بواسطة hossam_elwani

غريبه هو انت الاستبن عندك جنط ؟؟

---

طبعا.... انت فاكرها ألماني ولا ايه!!!!! :new:

الف سلامة للوالد
وبصراحة خطوة رائعة ..

اقتباس:

---

المشاركة الأصلية كتبت بواسطة Nashaat Rady

طبعا.... انت فاكرها ألماني ولا ايه!!!!! :new:

---

:F_eyeb1[1]: أولاً ألف سلامة على الوالد و ربنا يقومهولك بالسلامة ، ثانياً مبروك على الكاوتش و الحمد لله انك أخدت بالك قبل ما كان يحصل أى حاجة ، ثالثاً العربيات الصينى الاستبن بينزل فيها جنط :3mla:

تقرير ممتاز والف سلامة على الوالد
والف مبروك على الفردة الجديدة وربنا يبعد عننا الكالوووووووووووووو

يا بختك بالخبير الكورى

اولا الف سلامه على والدك يا هندسه وربنا يقومه بالسلامه

مبروك عليك الكاوتش ومعلش على تجريحة الجنط. ممكن تحاول تلمعه يمكن الخدش يقل شوية

السلام عليكم:
الف سلامة على الوالد
و ان شاء الله يقوم بالسلامة
و مبروك على الكاوتش الجديد
بس ممكن اعرف عنوان التوكيل الى فى الدقى و رقم الموبيل
لانى ناوي اغير الكاوتشات ان شاء الله
و شكرا

اقتباس:

---

المشاركة الأصلية كتبت بواسطة dr_walid

السلام عليكم:
الف سلامة على الوالد
و ان شاء الله يقوم بالسلامة
و مبروك على الكاوتش الجديد
بس ممكن اعرف عنوان التوكيل الى فى الدقى و رقم الموبيل
لانى ناوي اغير الكاوتشات ان شاء الله
و شكرا

---

7 ش المساحة، الدقى, الجيزة

02-33356420

ألف سلامة على والد حضرتك

ومبروك عليك الفرده الجديده
مع ان المفروض ما كانوش ياخدوا حاجة لأن دة عيب من الكاوتش مش من إستخدامك
بس عموما أحسن من مفيش فى البلد دى

ألف مبروك على الفردة الجديدة ياباشا..أنا كنت أفضل لو اداك فردة بنفس النقشة بتاعة الكاوتش اللي عندك عشان يبقو كلهم نقشة واحدة.
وألف سلامة على الواد ربنا يتم شفاءه على خير ان شاء الله.

ياسلام هي دي الثقافه البيعيه الصحيحه

انا شارى فى الضمان يبقى اطمن

ومعدل استهلاكك للفرده طبعا طبيعي تدفعه

بس فى الدول المتقدمه لو لقدر الله حصلك حاجه بسبب الكاوتش

الشركه بتدفعلك تعويض

ياريت نوصل لثقافه الضمان دي

سواء من المشترى او البائع

حصلت معايا في الاكسنت ان الفرده شمال ورا كانت بتريح كل شويه وده عند صيانة الالف
كشفت عليها بره قال لي ان الفرده محتاجه شمبر داخلي لان الكاوتش مشقق من كتر الركنه
عملت شمبر وخلتها استبن
معرفش كان ممكن اغيرها ضمان ولا لأ وبعد لما غيرت قعدت اقول لنفسي الصنايعي ده اشتغلني وخلاني اشتري سمبر علي الفاضي ولا كان كلامه صح... مع ان كان معايا ضمان هانوكوك بس مفكرتش انه متفعل في مصر

واهي ماشيه والحمد لله

مبروووووووووك ياباشا .. تغيير فردة الكاوتش

وفعلا ناس محترمه أوي

وألف سلامه للسيد الوالد .. ربنا يشفيه ويشفي مرضانا جميعا

تحيـــــــــــاتي

هو ضمان الكاوتش كام كيلو ؟؟

ألف مبروك يا باشا
بس السؤال هل حسيت ان نوف الكاوتش الجديد ده أحسن من نوع الكاوتش القديم وان الصوت احسن ولا إيه؟؟؟؟