هقسط عربية باسمي وهبيعها لواحد تاني !! ؟
السلام عليكم
هدخل في الموضوع مباشرة
دلوقتي انا شغال في شركة والشركة ممكن تجبلي عربية بالتقسيط - فيرنا او لانوس - لمدة 5 سنين
وهتدفعلي قيمة القسط - 1500 جنيه - طول مانا شغال في الشركة
بس انا مش محتاج العربية لسبب اني مش ضامن اني افضل شغال في الشركة لمدة 5 سنين !! فستعها لو مشيت من الشركة لاي سبب كان هلبس تمن الاقساط !! ؟
وهبقى بدفع اقساط حاجة انا مش محتاجها وفي نفس الوقت انا ناوي اني ان شاء الله في خلال فترة قريبة اني اغير الياريس اللى معايا واجيب حاجة اعلى فمافيش داعي حاليا لعربيتين
بس من النحية التانية لو انا ماقبلتش اني اخد العربية هيضيع عليا تمن القسط اللى الشركة هتدفعهولي اللى هو يعتبر زيادة في المرتب !! ؟
واحد اعرفه عرض عليا اني استلم العربية وبعدها هيديها هو لواحد صاحبه محتاج العربية
في مقابل ان صاحبه هيديني قيمة القسط 1500 جنيه شهريا
مقابل اني بعد 5 سنين هتنازله عن العربية !!! وطبعا هنكتب اوراق تثبت انه يتحمل مسؤلية العربية قضائيا وجنائيا وانها معاه شخصيا
وطبعا هو ماشتراش زيرو تقسيط من البداية عشان موضوع الضمانات والمقدم والقصص دي
فانتو ايه رايكم ؟؟ هل الموضوع فيه خطورة او ما الى ذلك ؟؟ خصوصا ان اقساط البنك و ورق العربية والرخصة هتبقى باسمي