الموضوع: استفسار بخصوص توكيل رسمى عام

السلام عليكم

انا اشتريت عربية بتوكيل رسمى عام
ينفع اعمل توكيل او عقد بيع بية ؟؟
يعنى عايز ابيعها
ابيعها عادى من غير ما ارجع لصاحب العربية القديم او بطاقتة ؟؟
هو التوكيل مكتوب فية البيع لنفسة وللغير وتوكيل الغير ..
بس مش مكتوب رقم العربية او الموتور
هو مكتوب جميع العربيات ماركة هيونداى النترا الى بيمتلكها
ارجو الرد للاهمية ... وشكرا

اذاى بقا المفروض انته بتشترى العربية

بيتعملك توكيل ليك انته بصفتك وشخصيتك وبيانات العربيه كلها للبيع لنفسك وللغير ولو هو تمام يعملك تعما معا المرور لو عاوز تجددها باسمه
لكن غريبه توكيل عام رسمى
بعربيه النترا
افرض اصلا الراجل ده باع العربيه لحد غير وعادى عملك التوكيل العام وانته روحت تبيع العربيه لحد تانى
لقيتها متباعه اصلا
على العموم
التوكيل الى معاك اداة عمله كاتى
هتروح الشهر العقارى ومعاك رخصه العربيه وتكون سارية
وهتعمل بيه توكيل بيع لاى شى يعجبك ولازم تكون الرخصه باسم صاحب التوكيل
والافضل وعشان تائمن نفسك
اعمل الاول توكيل بيع وشراء لنفسك بموجب التوكيل العام الى معاك وبعدها بيعها لاى حد عادى
او اعمل عقد مسجل باسمك بالعربيه وبعدها ابقى اعمل اى توكيل لاى حد انته هتباعه
هذا بس الاطمان وضمان الحق
وبعد كده لما تيجى تشترى عربهي
يتعملك توكيل بالبيع لنفسك وللغير وبيانات العربيه تبقى مكتوبه فى التوكيل +البائع يجبلك شهاده مخالفات وبيانات للعربيه وتكون ساريه ومن المرور مش كمبيوتر