الموضوع: محتاج رايكم ضرورى بخصوص منظف الانجكشن ؟؟؟

السلام عليكم ورحمه الله وبركاته

انا النهارده نويت انى انظف البوابه بتاعت العربيه الاوبل
والعربيه انجكشن لان السحب بتاعها ما كنش عاجبنى
فقلت لواحد صحبى يجيب لى منظف الانجكشن وهو جاى من الشغل
ونعمله سوا وفعلا جابه
اللى هو الامريكى ابرو
ونظفت البوابه والحمد لله وكانت ما شاء الله زى الزفت
وبعد ما نظفتها قلت اقرا اللى على العلبه كده
واحنا قاعدين فى العربيه
وافاجا انه مكتوب عليه منظف كربراتيير مش انجكشن
فهل فى ضرر منه لان ده مخصص للكربراتيير مش الانجكشن
فطمنونى قبل ما اخلص على صحبى وانظفه بيه بدل البوابه
منتظر ارائكم

المشاركة الأصلية كتبت بواسطة ramyayash

انا عامل سيارتي النهاردة في السعودية منظف كربريتر تنضف بيه البوابة نوعه ديلكو.. عادي جدا بس انا فكيت البوابة ونضفتها من جميع الاتجاهات ونضفتها بالبنزين والهوا .. وفعلا الموتور صوته بقي اهدى بس السحب مفرقش عن الاول... يمكن عشان البنزين هنا نضيف مفيهوش مشاكل

الف شكر لحضرتك طمنتنى

المشاركة الأصلية كتبت بواسطة walid_m

لا إطمن خالص .................. تقدر تنظف بيه صاحبك بس يا ريت تنظيفه حلوه !!!

ههههههههههههههههههههه

نيجي للجد بقى ...... إنت عنوان المشاركة بتسأل عن منظف الإنجكشن وبتقول إن اللي جابهولك صاحبك منظف كربراتير ونظقت بيه البوابة .
لو أنا فاهم صح ..... منظف الكربراتير اللي صاحبك جابو كويس للبوابة
إنما منظف الإنجكشن حاجة ثانية ده مالوش علاقة بالبوابة ده بتجيب عبوة وتحطها على تفويلة بنزين وحتحس بفرق جامد بعد ما تمشي بالعربية 10 دقائق كده !!!

وأي إستفسار احنا بالخدمة

تحياتي

بردك هنضفه بيه على شان ياخد باله بعد كده هههههههه
الف شكر لاهتمامك وانا قصدى ان العربيه انجكشن مش كربراتيير
والمنظف الاسبراى بتاع البوابه فيه منه مكتوب للانجكشن وفيه منه مكتوب للكربراتيير وهو جاب بتاع الكربراتيير ولكن لم اقصد اللى بيتحط مع التفويله
وشاكر مره اخرى لحضرتك

المشاركة الأصلية كتبت بواسطة dr.hazem

انا دخلت الموضوع متوقع حد بيسال على منظف الانجكشن فعلا....


تحياتي

اعتذر لعدم وضوح العنوان بالشكل المطلوب

المشاركة الأصلية كتبت بواسطة dr-a.7.m.a.d

سؤال بعد إذنك
احط منظف الإنجكشن دا ف التانك بعد التفويلة ولا احطو فين
و كام سعر العبوة و انضف نوع ايه؟
و عربيتي عاملة 17 الف كيلو بس و بحط بنزين 92 دايما؛ كدا انا محتاج اجيب المنظف دا ولا لسة قدام شوية و شكرا مقدما

المشاركة الأصلية كتبت بواسطة walid_m

منظف الإنجكشن بيتحط داخل التانك مع تفويلة بنزين

سعره يتراوج ما بين 15 و65 جنيه , أنا ارتحت مع الليكوي مولي , إنما الباقي شغال كويس برضه .

17,000 كم لسه جديده وموش محتاجه قوي , يعني لو حطيته موش حتحس بالفرق الكبير في السحب .
دي حاجه بتنظف دورة الوقود عموماً يعني حاجه كويسة , ممكن تعمل الحكاية دي كل 10,000 كم مثلاً للمحافظة على الاداء الجيد للعربية , ومعالجة مشاكل البنزين الغير جيد والتوقف الكثير في الزحام ودي اكثر الأشياء المؤثرة بالسلب على دورة الوقود وميكانيكا المحرك عموماً .

تحياتي

اشكرك لتجاوبك مع الموضوع والاهتمام