ازعاج الشرطة الجوية ...!!!
الشرطة النهاردة كانت مشغلة الخدمة الجوية اليوم من بعد الظهر طيارة هليكوبتر زي اللى في الصورة دي شغالة طيران منخفض ورايحة جية وتقف في الجو شوية وديلها مكتوب علية police كل ده فوق وسط البلد كانت بتنظم المرور لأن الضباط في الارض سمعتهم كانوا بيكلموها بالاسلكي وهي بتقلهم على الاماكن اللى فيها زحام ... بصراحة الزحام احسن من الصداع بتاعها ماكنتش متخيل دوشتها كدة ... وماكنتش عارف اتكلم في الموبيل بسببها ...!!! يلا بكرة ناخد عليها ويكون لها تأثير في حل ازمة المرور وتوجيه الشرطة للأختناقات المرورية