اشتريت اسكوتر ورجعته ودلوقتي عايز واحد تاني

**النوبي** · 10-04-2013 08:33 PM

انا ماليش في المتوسيكلات ومش بعرف اسوق من كام يوم كنت مع صديق واشترينا cb4 ومن ساعتها وانا هتجنن علي مكنه حلوه
واحد صاحبي نصحني بالياباني وبالفعل جابلي سكوتر هوندا c70 جميل وظريف وكل حاجه بس مع الاسف الحجم صغير خالص
وكل مااركنه في حته الاقي الاطفال حواليه (موقف محرج جدا)
المهم رجعته برغم ان عيني فيه ومن ساعتها وانا عايز موتوسيكل او سكوتر اي حاجه بس تكون بتمشي وتقضي مصلحه
فكرت في الصيني بس مفيش حاجه عجباني ياللسعر غالي يالمكنه وحشه (طبعا غالي لاني مش هدفع مبلغ جامد في الصيني)
المهم انا معايا حركه 7 نقول 8 وممكن نوصل 10 لو حاجه تحفه بس الاقي حاجه تشعشع معايا
انا مشاويري كلها لا تتخطي 50 كيلو في الشهر ومفيش مشوار واحد مااقدرش اقضيه علي رجلي يعني انا مش هبهدل الحاجه اللي هجيبها لاني شغلي خفيف لوحده
بس دخلت دماغي بجد ونفسي في حاجه نضيفه
بدل ماادفع 5 ولا 6 في صيني ادفعهم في حاجه محترمه
وياسلام لو حاجه استيراد من هنا ولا هنا تبقي فل الفل
معلش بقي مغرم جديد والشوق قاتلني

**alfath8** · 10-04-2013 10:18 PM

بجاج وبلاش صينى

**SaSa.FireBlade** · 10-04-2013 10:51 PM

خليك فى البجاج وممكن تستنى شوية او تكملهم 14 15 وتجبلك cb400f وممكن تقولى الاسكوتر دة جبتو بكام؟

**Hobgoblin** · 11-04-2013 04:04 AM

Bajaj Boxer 150

**MohssenRashed** · 11-04-2013 10:28 AM

يالأسعار دي قامك الاتي:

SYM Fiddle 150 cc
SYM Jet 4 150 cc
SYM Symphony 150 cc

راي عن تجربة متجبش اسكوتر غير يكون منتشر عشان قطع الغيار و كده

**النوبي** · 11-04-2013 03:03 PM

بالفعل ناس كتير نصحتي بالبجاج بس انا مش بتاع موتسيكلات انا عجبتني فكره الاسكوتر نفسها
المهم اتعرض عليا شراء مستعمل في حدود المبلغ اللي معايا وانا رفضت انا استقريت علي يماها ماجيستي
الصراحه حاجه تحفه بس طبعا غاليه شويه علشان كده هستني شويه ويارب يكون لينا نصيب فيها
والف شكر ياشباب علي تعبكم ونصائحكم الغاليه وبالفعل انا لو ماكنتش لقيت الياماها واقنعني مستحيل كنت هختار غير البجاج الهندي