لو سمحت يجماعة عايز اروح امريكانا بلازا اللى فيه سينما اى مكس اللى فى 6 اكتوبر وانا جاى من اسكندرية الزراعى هطلع اول طلعة للدائرى وبعدين بقا حد يوصفلى بالتفصيل بعد اذنكو وبراحة كده عشان انا ابيض فى الحجات دى فى اسرع وقت
عرض للطباعة
لو سمحت يجماعة عايز اروح امريكانا بلازا اللى فيه سينما اى مكس اللى فى 6 اكتوبر وانا جاى من اسكندرية الزراعى هطلع اول طلعة للدائرى وبعدين بقا حد يوصفلى بالتفصيل بعد اذنكو وبراحة كده عشان انا ابيض فى الحجات دى فى اسرع وقت
بس خلي بالك مفيش فيها افلام عربي كلو بالانجليزي. والتزكرة ب ٣٥ العادي و ٤٥ الثري دي بس نظيفة الحقيقة
بص انا هوصفلك على شرط الفيلم الي تحضروا تطلع تحكيهولي على طول ماشي :)
بص ياسيدي انا معرفش طريق اسكندرية الزراعي كويس. لكن المهم هتمشي لغايت ما توصل القاهرة في عندك الطريق الدائري هتطلعوا يمين طريق المودي لميدان لبنان .... ( ولو انك جيت مع على الطريق اسكندرية الصحراوي اسهل بس يالله)
هتفضل ماشي ياسيدي على الدائري لغايت مياجيلك يفطة زرقة على يمينك مكتوب عليها. ميدان لبنان. وفتحه قبليها ٦ اكتوبر وسهم كده يمين
المهم هتنزل على طريق اكتوبر وتفضل ماشي. ماشي هيجلك نفق الطريق الصحراوي سيبك منوا وكمل على طول لا يمين ولا شمال. هيقابلك اول مطب سيبك منو رابع مطب هتلاقي على ايدك اليمين هيبر ون. ( سوبر ماركت كبير ) خليك انتا ماشي في الشارع الخدمي البطيء وهتفضل ماشي لغايت ما يجيلك مبنى ضخم برضو على يمينك لسيراميكة كيلو بترا ( لونوا احمر في رمادي كده) وفي شارع جمبيها صغير. تخريمه خش فيه يمين. وامشي شوية هتلاقي اميركن مول
وان فاتتك الفتحه خوش من فتحت زايد ٢٠٠٠ وامشي لغايت متلاقي ميدان كبير وحلو كده خوش فيه يمين. وكمل على طول هتلاقي. مصنع جهينة بتاع العصاير على يمينك سيبك منو وامشي مفيش ٥٠٠ متر او لغايت رابع بلاعة ايهما اقرب وهتلاقي المول على ايديك اليمين اركن عربيتك وخوش جوا هتلاقي السيلمات جوا في الوش والحفلات عندك من الساعة ١٢ الظهر لغايت ١ الفجر
بس ايه ده انتا جي من اسكندرية مخصوص. علشان تتفرج على افلام في المول ده بالذات.!! ... وانا المول ده جمب مني مفكرتش حتى اني اخش اتغدى فيه :) هو شيك وراقي .... يالله. اتمنالك مشاهدة سعيدة وسفر ميسر وتحياتي . :)
ههههههههههههههههههههههه تسلم يباشا انا والله وزمايلى نازلين نغير جو كده بس سمعت ان السينما الاى ماكس غير اى سينما عادية فا اهو تغيير بقا :d:d وبعدين توم كروز منزل فيلم جديد الناس بتقول عليه حكاية :d هدخله ان شاء الله واجى احكهولك
تمام وبما انك. وصلت ٦ اكتوبر ووصلت. بعد ما تخلص السينما اطلع على الطريق الرئيسي تاني وكمل برضوا على طول لغايت ما يجيلك ميدان ( اسمو ميدان جهينة ). هتلاقي من بعدوا. على طول على ايديك اليمين مول العرب بس ايه بقه حاجة بسم الله مشاء الله مهوولة يرمح فيها الخيل اكبر مول في مصر الى الان ... . برضوا فيه مجمع سينمات بس معتقدش فيها 3d واعتقد التذكرة تقريباً ب ٣٠ جنية فقط
وبالتوفيق انشاء الله ... عاوز اقولكم واللهي يا جماعة اتفضلوا عندنا اشربوا كوبيات شاي بس بلاش بقه نعطلكم علشان تلحقوا تستمتعوا بيومكم ... وتحياتي
والله انتا راجل زوق ومفيش موضووع سألت فيه الا مرديت عليا ربنا يكتر من امثالك انا عارف مول العرب ورحته قبل كده بس رحت من عند دريم بارك يعنى دخلت من جنب وادى دجلة لحد موصلت ميدان جهينة ودخلت شمال لقيت مول العرب بس فعلا مول جامد جدا جدا ومش زحمة زى سيتى ستارز كده
الف شكر الموضوع
واللي الصراحة استفدت منه جدا
بس دلوقتي تمام انا وصلت لامريكان بلازا ودخلت السينما و خلصت عايز اروح بقى لمول العرب في عربيات بتروح ولا تاكسي ولا ايه النظام ؟؟
وفي نفس الوقت ازاي ارجع على اي موقف عشان اروح ..من مول العرب او امريكان بلازا
وشكرا مرة اخرى على الطرح
اللي شغال في الايماكس الاسبوع ده سوبر مان و تذكرة الايماكس حفلة ١٠ و ١ ب ٤٠ جنيه و ١٠ جنيه ايجار نظاره حفلة ٤ ، ٧،١٠. ب ٦٠ جنيه و ١٠ جنيه ايجار نظاره.
ان شاء الله تتبسط هي بصراحه رووووعه و الثري دي علي حق
man of steel هو اللي في Imax دلوقتي..
و نصيحة مني بلاش تدخل الفيلم ده, من أسوأ الأفلام اللي شفتها في الفترة الأخيرة, إلا بقى لو أنت رايح تجرب الـImax فالتجربة هتعجبك أكيد..
اسعار تذاكر اى ماكس :
حفله الصبح 10:30 ب 40 جنيه غير شامله سعر النظاره ( 10 جنيه )
اى حفله بعد كده ب (60 جنيه ) برضو غير شامله سعر النظاره (10 جنيه )
يا جدعان انا بسأل على المواصلات مش اسعار التذاكر
مول العرب بعدها بحاجة بسيطة اوى لو معاك عربية اطلع على الطريق تانى وكمل على طول هتلاقيه بعد الصنية على طول على ايدك اليمين لو موصلات معرفش الصراحة بس لو خدت تاكس مش مشكلة المسافة صغيرة يعنى 10 دقايق كده
ليه بس الفيلم كويس وواخد ريت كويس جدا فى imdb تمانية ونص بايناقتباس:
المشاركة الأصلية كتبت بواسطة dede_dodo88
أنا كان هاين عليا أقوم أسيب السينما و أمشي..اقتباس:
المشاركة الأصلية كتبت بواسطة kareem_adel
فيلم سيء سيء.. مبيهزرش يعني..
هو يمكن فيه شوية visual effects بزيادة بس مش اللي تخلي الفيلم يبقى حلو يعني..