خلاص الحمد لله استقريت على السيراتو الجديده اول فئه

**elmashtoly** · 11-04-2013 04:04 AM

الحمد لله وبعد طول معاناه مع الريو اللى كنت خلاص
هجيبها ولكن اتصدمت ولقيت سعرها وصل ل 150 الف
قلت طب ليه اركب ريو اما ممكن اركب النترا او نيو سيراتو
وبنفس السعر وكنت عملت مقارنه ما بين الالنترا والنيو سيراتو
وناس كتير اجمعت على السيراتو الشكل الجديد علشان محدش ماشى
بيها كتير فى الشارع وكده وهتبقى حاجه جديده وكمان علشان توكيل
كيا محترم جدا وبما ان الميزانيه كانت مينفعش باى حال من الاحوال
تزيد عن 150 الف علشان كده اضطريت اجيب اول فئه الفاضيه وحاسس
انها فقيره جدا جدا مع انى مش عارف امكانياتها وعايزكوا تقولولى
ايه الامكانيات بتاعه الفئه دى وكمان ايه افضل الالوان فى الشكل ده
وادعولى استلم على خير علشان هغرقكوا تقارير باذن الله

**S O P H O S** · 11-04-2013 04:32 AM

موفق وان شاء الله تستلم علي خير

**khaabas** · 11-04-2013 04:41 AM

اختيار موفق جدا
بس كنت افضل الالنترا لسبب واحد بس الانتشار
لكن نيو سيراتو جميلة جدا فى كل حاجة

**el diesel** · 11-04-2013 04:45 AM

مبرووووووووووك

**elmashtoly** · 11-04-2013 04:48 AM

الله يبارك فيكوا يارب ويكرمكوا
بس محدش قاللى ايه افضل الالوان فى السيراتو
الشكل ده وكمان ايه الامكانيات اللى فى الفئه دى
والاعلى منها على طول بكام بالظبط

**ahmed asem** · 11-04-2013 06:30 AM

الف مبروك ان شاء الله تنال منها كل خير
السيراتو اجمل الالوان الاسود الابيض الفضي
الابيض جذاب جدا عليها
الالوان اذواق اولا واخيرا

**dozo** · 11-04-2013 06:35 AM

المشاركة الأصلية كتبت بواسطة elmashtoly

الله يبارك فيكوا يارب ويكرمكوا
بس محدش قاللى ايه افضل الالوان فى السيراتو
الشكل ده وكمان ايه الامكانيات اللى فى الفئه دى
والاعلى منها على طول بكام بالظبط

تستلم على خير ان شاء الله .
ادخل على kia motors egypt حتلاقى المواصفات لكل فئه .
اول فئه اتو 148 و تانى فئه اتو 156 . اما الالوان دى اذواق

**ahmed asem** · 11-04-2013 06:35 AM

الفئات هنا
http://www.kia.com.eg/ar/vehicles/Cerato/

**yasserelsayad** · 11-04-2013 06:42 AM

اول الفئة بـ 148 فيها جنوط حديد 15 - مرايات كهرباء - زجاج كهرباء - امكانية ضبط عجلة القيادة فى 4 اتجاهات - فوجات امامية - مسند يد امامى - نقاط تثبيت كراسى الاطفال بالخلف - راديو CD MP3 USB AUX - نظام مانع السرقة Immobilizer - وتكييف مانيوال.

الفئة اللى بعدها بـ 156 الف وبتزيد جنوط 16 رياضية - ايرباج للسواق - امكانية التحكم فى ارتفاع كرسى السائق - نور قراءة امامى وجراب لحفظ النظارة - تحكم فى الكاسيت من عجلة القيادة.

واللى بعدها 165 الف بتزيد ABS - ايرباج للراكب - اشارات ليد فى الرايات الجانبية - مرايات ضم - مسند يد امامى متحرك - فتحات تكييف خلفية - مسند يد خلفى بحامل اكواب - مثبت سرعة بتحكم من عجلة القيادة - ريموت كنترول للابواب.

اللى بعدها بـ 183 الف وبتزيد جنوط 17 - عجلة قيادة جلد - عصاية الفتيس جلد - التحكم فى مستوى باور عجلة القيادة (Comfort - Normal - Sport) - شيفتات التحكم فى الفتيس من عجلة القيادة - مقابض الابواب الخارجية كروم - فتحة سقف - نظام التحكم فى النور اتوماتيكيا - فوانيس ليدات امامية - فوانيس ليدات خلفية - تبريد فى الدرج الامامى - بلوتوث بامكانية التحكم من عجلة القيادة - سمارت كى - حساسات ركن امامية وخلفية - انوار فى المرايات الخارجية ومقابض الابواب.

اللى بعدها بـ 196 الف وبتزيد كرسى السائق كهرباء 10 اتجاهات و2 ذاكرة لضبط الكرسى - فرش جلد (رمادى - ابيض - بنى) - كاسيت تاتش - كاميرا خلفية - تكييف تاتش Dual zone مزود بـ ايونيزر - شاشة LCD بين العدادات.