الrpm المفترض على كام شاركونوا فى هزا الموضوع

**هيثم احمد** · 11-04-2013 09:10 AM

عندى لانوس 1 الrpm عندى بيكون بعد ما العربية بتسخن على 10 وبيعلى صوت الماتور شوية يا ترى اذاى اوطيه لاانى اعرف ان المظبوط المفروض يكون على 8 ارجوا مشارتكم وارائكم

**ayman2** · 11-04-2013 12:02 PM

هذا تكتب هذا وليس (هزا) والرجاء من الاداره التصحيح علشان شكلنا مش تمام ان احنا مش عارفين نكتب لغه القرآن ... واسف على الازعاج

**هيثم احمد** · 12-04-2013 03:53 PM

معلش يا باش مهندس كنت باكتب بسرعة ومقرتش بعد ما كتبت متهيقلى هى غلطة من السرعة على الكى بورد متهيقلى محدش يعرف يكت هذا وعيب عليك لما تقول احنا مش عارفين نكتب لغة القران واى عضو هيشوف الغلطة هيفهم انه من سرعة الكتابة على الكى بورد هدى اعصابك شويه وبلاش الاتهامات المغرضة واحنا هنا فى المنتدى مش بنصحح الاملاء

**tefa22m** · 12-04-2013 05:34 PM

ممكن يكون بلف الايدل مش نظيف او مش شغال كويس
او تسريب فى جوان المنافول او البوابه
نظف الايدل و البوابه كويس اوى و بعدين احكم عليها

**kagawa** · 12-04-2013 06:32 PM

المشاركة الأصلية كتبت بواسطة ayman2

هذا تكتب علشان شكلنا مش تمام ان احنا مش عارفين نكتب لغه القرآن ... واسف على الازعاج

الاستاذ ايمن
سوف اتحدث اليك بالفصحي اللتي تريدنا ان نتحدثها ونكتبها بالرغم من انك كتبت
مداخلتك بالعاميه ... ( علشان -- شكلنا -- مش -- عارفين )

1- اذا بحثت ودققت سوف تجد ان الاجيال الجديده ليس لديها مخزون من مفردات اللغه
العربيه الفصحي في الوقت نفسه سوف تفاجئ بان اباءنا وامهاتنا يستطيعون ادراك
مفردات الفصحي بكل بسر عندما يودون ذلك ...
وسوف تصيبك الدهشه حين تعلم ان بعض القساوسه من كبار السن بعظون الناس
باللغه العربيه الفصحي داخل الكنائس .... رغم انهم لا يقراءون القران
هل تعلم لماذا ؟ ذلك بسبب تكدس منهج اللغه العربيه الان بالكثير بما يجعلك
تمقتها بدلا من ان تحبها

2- تركبا .... ايران .... اندونسيا... اكبر الدول الاسلاميه في العالم لا تتحدث العربيه
لغه القران ... بعض القبائل في السعوديه نفسها مهد الحضاره الاسلاميه
لا تفهم ايه لغه يتكلمون
3- الاتجاه الان لدي المهتمين بدراسه الالسن ومحو الاميه
هو كبف تتعلم ان تكتب اللغه اللتي تتكلمها بايه طريقه واكثر لغات العالم تخلصت من كثير من التعقيدات اللتي تعوق محو اميه الاشخاص
فمثلا حرفا الذال والزين والدال والضاض والثاء والسين والصاد والكاف والقاف
سوف تختذل في المستقبل القريب

الان هل تسطيع ان تناقشني بالفصحي اذا استطعت مجرد خمسه اسطر
دون ان تمزجها بالعاميه فسيكون لك الحق فيما نهرت الصديق هيثم عنه

والسلام علبك ورحمه الله وبركاته

.. الصديق هيثم سوف اردد علي موضوع rpm في رد منقصل

..

**هيثم احمد** · 12-04-2013 07:33 PM

مع خالص شكرى واحترامى وتقديرى للصديق kagawa استطاع ان يرد على الا ستاذ ايمن اكثر منى
ومستنى مشاركتك فى الموضوع وياريت توضح لى الى فوق المانوفر اسمه ايه والى تحت شريه اسمه ايه ايهما بلف للايدل وايهما بلف البوابة وشكرا

**lanos2004** · 12-04-2013 09:14 PM

المشاركة الأصلية كتبت بواسطة ayman2

هذا تكتب هذا وليس (هزا) والرجاء من الاداره التصحيح علشان شكلنا مش تمام ان احنا مش عارفين نكتب لغه القرآن ... واسف على الازعاج

هذا
تكتب-هذا-لو للا شارة عن رجل
وتكتب-هذه-لو للا شارة عن انثى
وتكتب- هزا-لو تشير الى جماد
وتكتب-هاسا-للاشارة الى فوق
وتكتب-هاصا -للاشارة الى تحت
وتكتب -هاثا--للاشارة الى اليمين
وتكتب-هاظا-للاشارة الى الشمال
مع تحيات دكتور اللغه العربيه الحديثه
وتكتب -هذهزى--للاشارة عن الاتجاهات الاربعه
جامعه المصطبه العربيه-بين الثريات

**kagawa** · 13-04-2013 01:59 PM

المشاركة الأصلية كتبت بواسطة lanos2004

هذا
تكتب-هذا-لو للا شارة عن رجل
وتكتب-هذه-لو للا شارة عن انثى
وتكتب- هزا-لو تشير الى جماد
وتكتب-هاسا-للاشارة الى فوق
وتكتب-هاصا -للاشارة الى تحت
وتكتب -هاثا--للاشارة الى اليمين
وتكتب-هاظا-للاشارة الى الشمال
وتكتب -هذهزى--للاشارة عن الاتجاهات الاربعه
مع تحيات دكتور اللغه العربيه الحديثه
جامعه المصطبه العربيه-بين الثريات

اهو الراجل ده حط ايده علي اول الخيط لمحو اميه الاجيال القادمه وتطوير لغتنا الجميله
علي فكره طه حسين هو اول من تنبأ بجامعه المصطبه العربيه دي لما قال
"لغتنا العربيه يسر لا عسر ونحن نملكها كما كان القدماء يملكونها ولنا ان نضيف اليها
الفاظ ومعاني لم تكن مستعمله من قبل" ...... طه حسين
يعني ممكن تقول سياره ....صياره .... ثياره اي حرف يسد

بص باعم هيثم اجل موضوع ال rpm شويه لحسن الموضوع احلو
او ممكن يبقي rpm وحصه modern arabic

بص يا هيثم.... في العربيات الزيرو rpm لما العربيه تسخن يبقي علي 7.5
لما العربيه تقدم شويه يبقي علي 8.0... لحد 9.0
العربيبه اللي راحت لواحد ميكانيكي من اياهم بيعلي السلانسيه من عند البكره
فتلافي الrpm عند 10.0 او اعلي وصوت الماتور عالي

..
ارجو من السيد المراقب ان يتفهم اننا نناقش قضيه هامه وان كنا نتناولها
باسلوب لا بخلو من الدعابه في حدود احترامنا لبعضنا البعض

..