ارجو المساعدة فى اختيار نوع كاوتش مناسب للنيسان

برجاء من الاعضاء مساعدتى فى اختيار النوع المناسب
السيارة نيسان صنى سوبر صالون
المقاس اللى عاوز اركبه
15/65/195
اللى وجدته فى السوق بعد اللف الكتير على المحلات


ميشلان المانى 715
ميشلان انجليزى 675
بريدجستون يابانى 750
بريدجستون ايطالى 625
جودير المانى 600
جنرال فرنساوى 550
كونتننتال فرنساوى 600
كونتنناتل المانى 620
فالكين يابانى 575
تويو يابانى 620
تايفون المانى 470
يوكوهاما يابانى 550

دى اخر اسعار وصلتلها ممكن حد يساعدنى ايه النوع المناسب لعربيتى ويكون سعره معقول وامن وطرى وسايلنت مع العلم ان كلهم h

بص

حضرتك جايب الاسعار وده تمام

بس حضرتك مش موضح الموديل بتاع كل فرده

ححاول استنتج

اليوكوهاما لو هيه C Drive ديه احسن حاجه سعر مقابل قيمه

البريدجستون GR-90 طبعا محترمه هيه وال ER-300

الميشلان متهيالي قصدك علي XM2 ال Energy Saver انا مركب الانجليزي منها ومنصحش بيها

معرفش النقشه الالماني منها نفس الانجليزي ولا حاجه اعلي .

وشكرا

طيب معلش انا اللى اقصده البريدجستون gr-90
البريدجستون gr-90 طبعا محترمه هيه وال er-300
بس فى ايطالى ويابانى عاوز اعرف الفرق وتنصحنى بأيه مع العلم ان فى فرق فى السعر كبير اكتر من 125 فى الفردة

انا عربيتي نيسان سوبر صالون 2013 ولسة مغير الاربع فرد gr90 بريدجستون وحلوة جدا في الثبات بس الباور تقل حاجة بسيطة