اريد المساعده في اختيار مناسب للتنقل يوميا مسافه 10 كيلو

السلام عليكم ورحمه الله وبركاته
اول مره اكتب في القسم ده واول مره افكر اني اجيب متوسيكل او دراجه بخاريه
شغلي مش بعيد جامد عن مسكني و فكرت اني اجيب موتوسيكل توفيرا للمصاريف و تسهيلاً للتحرك
فهل المتوسكيلات ليها ميكانيكية مخصوصين و كهربائية مخصوصين
والصيانه له بتكون كل قد ايه وبتتكلف كام
واستهلاكة للبنزين قد ايه
واجراءات حمايته من السرقة ايه
وايه الانواع اللي كويسة واقدر اشتريها علماً بأن سيكون قاصر على التنقل يومياً للشغل وهناك اتجاة لنقل الشغل وسوف يكون في العاشر من رمضان فهل السفر به سيحقق لي الوفر؟ والامان؟
ارجو الافاده

أهلا وسهلا بيك

الميكانيكى والكهربائى للموتسيكل هو شخص واحد بيفهم فى الآثنين

الصيانة ممكن تكون عند كل تغير زيت يعنى ممكن كل 1000 أو 2000 كيلو تعمل صيانة

الآستهلاك ممتاذ يعنى حوالى 35 كيلو للتر

بالنسبة للحماية من السرقة فلا يوجد غير ستر ربنا ومهما تأخذ من أجراءات فلو ربنا أراد يتسرق فلا راد لقضاءة وهو أسهل حاجة يتشال على عربية أو يتقطع الجنزير لكن أحتياطيا وأحترازيا وعملا بالآسباب تقدر تقفل العجل بجنزير مع نفسة أو فى أى سور حديد أو عمود وتركنة فى مكان أمين ويفضل يكون جراج أو أمام وبجوار أمن أو ناس يتابعوة بأستمرار لآنة مركون بالطبيعى جنبهم وأى شىء ملفت هيشفوة ..

بالنسبة للآنواع عليك وعلى الهندى أى سى سى من 125 الى 220 وأبعد عن الصينى لو عايز تريح دماغك لكن لو ليك فى المشاوير للميكانيكى كل شوية وتغير قطع الغيار هات الصينى هو أرخص لكن متعب

بالنسبة للوفر أكيد هيوفر ...

بالنسبة للأمان ما فيش أمان مع المكن خالص .. الآمان فقط والستر من عند ربنا وأحنا مشين بستر ربنا فقط مش شطارة ولا نصاحة .. وطرقنا ذى الزفت ومليانا مطبات وبلاعات ورملة وتراب وماية وسولار وجاز وزيت ... وكل دية عوامل للزحلقة ومهما أحترست فلا راد لقضاء الله لكن الواحد بيعمل اللى علية ويركز ويبص قدامة ويفنجل عيينية ويبعد عن جميع هذة العوامل اللى على الطريق وما يدوس فرامل مرة واحدة والستر من عند ربنا فقط ..

وربنا يستر طريقنا جميعا يا رب

Bajaj Pulsar 220
Bajaj Pulsar 180
Bajaj Boxer 150
LML Vespa
.
.
.
Dayun 40


Good Luck

طب بالنسبة للاسعار؟

وهل الانواع دي ممكن تزويدها بعلب او حوافظ للامتعه ( بتنقل بلاب توب واوراق شغل )

أنا عندي برده نفس الاستفسار ..

عايز حاجة تكون رخيصة و عملية جدا و مقعدش كل شوية اصلح فيها !!!!

أنا مرتاح للباجاج حاسه مكنة محترمة بس لا افقه فيها حاجة ..

متابع باهتمام ..

اقتباس:

---

المشاركة الأصلية كتبت بواسطة gsoleiman

bajaj pulsar 220
bajaj pulsar 180
bajaj boxer 150
lml vespa
.
.
.
Dayun 40


good luck

---

+1111111

اقتباس:

---

المشاركة الأصلية كتبت بواسطة sasa.fireblade

+1111111

---

بما إن حضرتك عندك خبرة في ال باجاج ممكن تساعدني :)

هو ارخص باجاج بكام و يكون عملي يعني مايصرفش كتير لأن أنا عيزه في مشاوير صغيرة جدا 2 أو 3 كيلو كل يوم ؟؟

ده لو سمحت طبعا :)

أنا عندى اقتراح طالما المشاوير صغيرة ..

الاقتراح ده أنا شفته عملى وشاركت فى اختياره مع زميل كانت ظروفه زى ظروفكم.
جبنا موتوسيكل يعمل بالبنزين ولا يخضع لاجراءات الترخيص ولا يعلق نمر ولا علاقة له بالمرور.
هو شكله موتوسيكل بالظبط (مش عجلة يعنى) وجبناه من شهر تقريباً وتمنه 3600 جنيه
الـ 5 لتر بنزين بيكفوا ييجى شهر ..
وهو بيستعمله يومياً طيلة الشهر السابق ومشاويره رايح جاى حوالى 20 - 30 كيلو
وفرحان بيه جداً.

اقتباس:

---

المشاركة الأصلية كتبت بواسطة egyzizo

أنا عندى اقتراح طالما المشاوير صغيرة ..

الاقتراح ده أنا شفته عملى وشاركت فى اختياره مع زميل كانت ظروفه زى ظروفكم.
جبنا موتوسيكل يعمل بالبنزين ولا يخضع لاجراءات الترخيص ولا يعلق نمر ولا علاقة له بالمرور.
هو شكله موتوسيكل بالظبط (مش عجلة يعنى) وجبناه من شهر تقريباً وتمنه 3600 جنيه
الـ 5 لتر بنزين بيكفوا ييجى شهر ..
وهو بيستعمله يومياً طيلة الشهر السابق ومشاويره رايح جاى حوالى 20 - 30 كيلو
وفرحان بيه جداً.

---

ده إيه ده يا باشا ؟

اقتباس:

---

المشاركة الأصلية كتبت بواسطة egyzizo

أنا عندى اقتراح طالما المشاوير صغيرة ..

الاقتراح ده أنا شفته عملى وشاركت فى اختياره مع زميل كانت ظروفه زى ظروفكم.
جبنا موتوسيكل يعمل بالبنزين ولا يخضع لاجراءات الترخيص ولا يعلق نمر ولا علاقة له بالمرور.
هو شكله موتوسيكل بالظبط (مش عجلة يعنى) وجبناه من شهر تقريباً وتمنه 3600 جنيه
الـ 5 لتر بنزين بيكفوا ييجى شهر ..
وهو بيستعمله يومياً طيلة الشهر السابق ومشاويره رايح جاى حوالى 20 - 30 كيلو
وفرحان بيه جداً.

---

قصدك العجلة اللي بموتور صغير ؟
هوه الاختراع ده لسه موجود ؟
كنت فاكرها موضة و ماتت
بس انا فاكر انها كانت بطيئة و تقيلة و صوتها عالي

اقتباس:

---

المشاركة الأصلية كتبت بواسطة Dr'AhmZZong

بما إن حضرتك عندك خبرة في ال باجاج ممكن تساعدني :)

هو ارخص باجاج بكام و يكون عملي يعني مايصرفش كتير لأن أنا عيزه في مشاوير صغيرة جدا 2 أو 3 كيلو كل يوم ؟؟

ده لو سمحت طبعا :)

---

Bajaj Boxer 150 cc

Ghabbour Auto

اقتباس:

---

المشاركة الأصلية كتبت بواسطة MaZaGAngeE

قصدك العجلة اللي بموتور صغير ؟
هوه الاختراع ده لسه موجود ؟
كنت فاكرها موضة و ماتت
بس انا فاكر انها كانت بطيئة و تقيلة و صوتها عالي

---

لأ خالص ..
ده موتوسيكل .. موتوسيكل خالص ..
مش شكله عجلة ، وماتفرقوش خالص عن الموتوسيكلات اللى فى الشارع
وفيه عداد سرعة لغاية 120 وعداد rpm
وصاحبى بيمشى بيه مشاويره على 40 - 60 عادى بدون حمل على الموتور ، وصوته هادى.

هاقابله النهارده وأصوره لكم.

اقتباس:

---

المشاركة الأصلية كتبت بواسطة GSoleiman

Bajaj Boxer 150 cc

Ghabbour Auto

---

و ده عامل كام يا باشا ..

أنا شفت ان في discover برده و ده 100cc حاسه كويس !

عايز اعرف اسعارهم ؟ و فين الاماكن اللي ممكن اشتريه تقسيط ؟

اقتباس:

---

المشاركة الأصلية كتبت بواسطة Dr'AhmZZong

و ده عامل كام يا باشا ..

أنا شفت ان في discover برده و ده 100cc حاسه كويس !

عايز اعرف اسعارهم ؟ و فين الاماكن اللي ممكن اشتريه تقسيط ؟

---

بص يا باشا
ال-boxer ال-150 أقوى من ال-100 طبعاً وهيستحمل معك

كمان هو سعره في الحنين أعتقد ٥٥٠٠ لحد ٦٠٠٠ كاش

الناس كلها بتشكر فيه وإنه إعتماد أكثر من الصيني. إقتراح ثاني لحضرتك ممكن سكوتر LML أو ما يعرف بالفيسبا.

مش هقدر أفيد حضرتك في أماكن البيع عشان أنا عايش في الخارج

بالتوفيق

هوندا منزله موتسيكل فى التوكيل ب 6000

ييساطه مع احترامى للجميع
ايه رايك فى حاجة توصلك المسافة 10 كم فى حوالى نصف ساعة و مش محتاجه صيانة و لا بنزين و لا سولار و سعرها حوالى 2000 حته عجلة ظريفة Orbea مثلاً
متوسط السرعة 20 كم فى الساعة و الزحمة مش حتلمسك و الركنة مش مشكلة خالص ممكن تحطها فى جراج او لو فى مكان فى الشغل تقدر تخبيها و تربطها يبقى قشطة
مش بهظر لانى ان شاء الله حعملها قريب و انا بدأت أتمرن فعلا و عملت مسافة اكبر من 10 كم بكتير اوى اوى

بعد التفكير لقيت الاكتر عملية بالنسبة لي واللي هيفيد هو الدراجه الهوائية منها رياضة ومنها ان المسافة قريبة مش بعيده
بس مش هجيب حاجه فيها الطمع علشان السرقات برضه هبدأ الاول بحاجه مستعمله لحد ما اشوف نفسي هقدر استمر ولا ايه

على فكرة موضوع ادراجة الهواءية دة انتشر اوى اوى توفر لوقت ولميكانيكى ولوقود وللفلوس ومنها رياضة

لو محتاج مساعدة فى الدراجة الهوائية , انا تحت امرك
نصيحة قبل ما تشترى لو الطريق العام بتاعك فيه مطالع و منازل كتير اوعى تجيب عجلة بدون سرعات و العكس صحيح.
السرعات بتحتاج صيانة بسيطة اوى بس مهمة للمطالع جداً جداً و بالطبع اغلى سنة و ممكن تجيبها (السرعات او التروس) حاجة يابانى نضيفة فتبقى اغلى سنة بس مبتحتجش صيانة الا تربيط او تغير سلك حاجه عبط
و ربنا يوفقك

الطريق بتاعي كله منبسط مفيش مطالع ومفيش منازل
هيا بس مطبات و مزلقانات سكه حديد و طريق

يبقى عجلة من غير سرعات تكفيك بس فكر فى المستقبل يعنى ممكن تعمل بها مسافات اكبر مستقبلا و بالتالى تحتاج سرعات
و ربنا يوفقك للخير