اريد المساعده في اختيار مناسب للتنقل يوميا مسافه 10 كيلو

**michohat** · 11-04-2013 11:38 AM

السلام عليكم ورحمه الله وبركاته
اول مره اكتب في القسم ده واول مره افكر اني اجيب متوسيكل او دراجه بخاريه
شغلي مش بعيد جامد عن مسكني و فكرت اني اجيب موتوسيكل توفيرا للمصاريف و تسهيلاً للتحرك
فهل المتوسكيلات ليها ميكانيكية مخصوصين و كهربائية مخصوصين
والصيانه له بتكون كل قد ايه وبتتكلف كام
واستهلاكة للبنزين قد ايه
واجراءات حمايته من السرقة ايه
وايه الانواع اللي كويسة واقدر اشتريها علماً بأن سيكون قاصر على التنقل يومياً للشغل وهناك اتجاة لنقل الشغل وسوف يكون في العاشر من رمضان فهل السفر به سيحقق لي الوفر؟ والامان؟
ارجو الافاده

**Abdm** · 11-04-2013 01:19 PM

أهلا وسهلا بيك

الميكانيكى والكهربائى للموتسيكل هو شخص واحد بيفهم فى الآثنين

الصيانة ممكن تكون عند كل تغير زيت يعنى ممكن كل 1000 أو 2000 كيلو تعمل صيانة

الآستهلاك ممتاذ يعنى حوالى 35 كيلو للتر

بالنسبة للحماية من السرقة فلا يوجد غير ستر ربنا ومهما تأخذ من أجراءات فلو ربنا أراد يتسرق فلا راد لقضاءة وهو أسهل حاجة يتشال على عربية أو يتقطع الجنزير لكن أحتياطيا وأحترازيا وعملا بالآسباب تقدر تقفل العجل بجنزير مع نفسة أو فى أى سور حديد أو عمود وتركنة فى مكان أمين ويفضل يكون جراج أو أمام وبجوار أمن أو ناس يتابعوة بأستمرار لآنة مركون بالطبيعى جنبهم وأى شىء ملفت هيشفوة ..

بالنسبة للآنواع عليك وعلى الهندى أى سى سى من 125 الى 220 وأبعد عن الصينى لو عايز تريح دماغك لكن لو ليك فى المشاوير للميكانيكى كل شوية وتغير قطع الغيار هات الصينى هو أرخص لكن متعب

بالنسبة للوفر أكيد هيوفر ...

بالنسبة للأمان ما فيش أمان مع المكن خالص .. الآمان فقط والستر من عند ربنا وأحنا مشين بستر ربنا فقط مش شطارة ولا نصاحة .. وطرقنا ذى الزفت ومليانا مطبات وبلاعات ورملة وتراب وماية وسولار وجاز وزيت ... وكل دية عوامل للزحلقة ومهما أحترست فلا راد لقضاء الله لكن الواحد بيعمل اللى علية ويركز ويبص قدامة ويفنجل عيينية ويبعد عن جميع هذة العوامل اللى على الطريق وما يدوس فرامل مرة واحدة والستر من عند ربنا فقط ..

وربنا يستر طريقنا جميعا يا رب

**Hobgoblin** · 11-04-2013 05:12 PM

Bajaj Pulsar 220
Bajaj Pulsar 180
Bajaj Boxer 150
LML Vespa
.
.
.
Dayun 40

Good Luck

**michohat** · 13-04-2013 03:51 PM

طب بالنسبة للاسعار؟

**michohat** · 13-04-2013 03:55 PM

وهل الانواع دي ممكن تزويدها بعلب او حوافظ للامتعه ( بتنقل بلاب توب واوراق شغل )

**Dr'AhmZZong** · 20-04-2013 11:06 PM

أنا عندي برده نفس الاستفسار ..

عايز حاجة تكون رخيصة و عملية جدا و مقعدش كل شوية اصلح فيها !!!!

أنا مرتاح للباجاج حاسه مكنة محترمة بس لا افقه فيها حاجة ..

متابع باهتمام ..

**SaSa.FireBlade** · 20-04-2013 11:38 PM

المشاركة الأصلية كتبت بواسطة gsoleiman

bajaj pulsar 220
bajaj pulsar 180
bajaj boxer 150
lml vespa
.
.
.
Dayun 40

good luck

+1111111

**Dr'AhmZZong** · 22-04-2013 12:31 AM

المشاركة الأصلية كتبت بواسطة sasa.fireblade

+1111111

بما إن حضرتك عندك خبرة في ال باجاج ممكن تساعدني :)

هو ارخص باجاج بكام و يكون عملي يعني مايصرفش كتير لأن أنا عيزه في مشاوير صغيرة جدا 2 أو 3 كيلو كل يوم ؟؟

ده لو سمحت طبعا :)

**Dr'AhmZZong** · 22-04-2013 02:13 AM

المشاركة الأصلية كتبت بواسطة egyzizo

أنا عندى اقتراح طالما المشاوير صغيرة ..

الاقتراح ده أنا شفته عملى وشاركت فى اختياره مع زميل كانت ظروفه زى ظروفكم.
جبنا موتوسيكل يعمل بالبنزين ولا يخضع لاجراءات الترخيص ولا يعلق نمر ولا علاقة له بالمرور.
هو شكله موتوسيكل بالظبط (مش عجلة يعنى) وجبناه من شهر تقريباً وتمنه 3600 جنيه
الـ 5 لتر بنزين بيكفوا ييجى شهر ..
وهو بيستعمله يومياً طيلة الشهر السابق ومشاويره رايح جاى حوالى 20 - 30 كيلو
وفرحان بيه جداً.

ده إيه ده يا باشا ؟