-
أرجو المساعدة لو سمحتم
بسم الله الرحمن الرحيم
لو سمحتم انا طالب مساعدتكم ضروري انا قدامي لانسر موديل 98 خليجي فول اوبشن كاملة اوتوماتيك فتحه سقف
العربيه نازله من الكويت شهر 11\2007 العربيه ماشاء الله الفرش الداخلي بحاله الزيرو ورشه جانبين نظافه وفابريقه سقف وشنطه وكبوت
العربيه عامله 185 الف كيلو بس اغلبهم في السفر وبره مصر
بس التقييم العام للعربيه جيد جدا وصاحبها طالب 52 الف بس فيه نناس كتير قالت العداد كتير مع ان اغلبه على سفر في الطريق بس غير كدا العربيه ماشاء الله تمام بره وجوه
يا ريت تفيدوني وتقولولي السعر كدا كويس ولا كتير عليها لان دا اخرها ومش حتنزل جنيه عن كدا
شكرا
-
معلش مع كامل احترامي ليك العداد كده كتير قوي انا كنت بسمع و الاخوة يفيدوك اني الموتور اخرة 200 الف و لازم بعد كده يخش في عمرة حتي لو سفر ما هو حمل علي الموتور خاصة انها كانت في الكويت يعني تكييف 24 ساعة و بعدين تعتبر رشت بره انا رايي اني كبرها 48 الف و ربنا يكرمك و يوفقك للصالح
-
مع احترامى للاخ احمد حلمى انا بختلف معاه في النقطه دى
1- مش بالاساس انها لازم تعمل عمرة بعد 200 كيلو
2- فيه عربيات كتير بتفضل جوه البلد ومبتسافرش خالص وبتعمل اكتر من العداد ده
3- فيه عربيات برضه مبتعملش العداد ده وبتعملها عمرة وبتكون كمان عربيات متبهدله اوى اوى
4- فيه بئه عربيات بتكون معديه العداد ده بكتير اوى اوى اوى ومعمرة موتور وصاحبها وقت البيع بيشتري عدادات استعمال او تابلوه كامل استعمال ويكون عداده قليل وانت مش هتعرف
المهم هنا حالة العربيه ووضعها ومشيها وتمنها + سعر اعادة البيع لو انت فكرت في بيعها
انا من رايي ان العربيه لو حالتها فعلا فلته ونادره فعلا يبقى توكل على الله بس حاول انك تنزل من سعرها شويه على قد ماتقدر
اما بالنسبه لموضوع انها مشغله التكييف 24 ساعه فده مش طبيعى لانه طبعا صاحبها كان موجود هناك في شغل مش فسحه يعنى كان استعماله اقل من استعمالنا احنا هنا +ان فيه نقطه كمان برضه مهمه ان العربيه دى مؤكد انه 1600 سي سي وده ممتاز فيها مع التكييف
من الاخر انت صاحب القرار ولك ان تختار
وبلغنا بالجديد معاك وقرارك النهائى ايه
Content Relevant URLs by
vBSEO 3.6.0 PL2