البنزين مغشوش ولا العربية مش مظبوطة؟؟؟؟؟؟؟؟؟

فجأة وبدون مقدمات العربية خلصت مشاويرى وراجع البيت فركنت اشترى حاجات ولسه مبطلتش العربية لقيتها بطلت لوحدها قلت مش مشكلة اشتريت حاجتى ورجعت ادور العربية مرة واتنين وعشرة مش راضية كنت على طريق مايل قلت افك التعشيقة وادى غيار وادور مادارتش استنيت شوية ودورت دارت ومشيت وانا ماشى بيها لقيتها راحت مبطلة لوحدها تانى دورت دارت المهم هيه اول مرة تعمل الحركة دى ومع العلم بتدور الصبح من اول مرة افتكرت ان اول ماجيت خارج بيها دخلت بنزينة وطنية اللى فى نهاية الدائرى وانت رايح على دريم حطيت بنزين من هناك المهم ليه العربية معملتش الحركة دى طول مشوارى رايح جاى ؟؟؟؟؟؟؟؟؟ وهل ظنى ان يكون البنزين فعلا مخلوط هو اللى خلى العربية تبطل ولا حاجة تانية فى كهربة العربية؟؟؟؟؟

وطنيه تبع الجيش مينفعش فيها غش البنزين

بك السلانسيه عايز يتنظف

طرمبة البنزين بتعلق يا ريس... ممكن فيه وصلة معلقة... او ان الطرمبة بتشاور عقلها

لو حضرتك متعود تمشي والتنك بيخلص .......ممكن تلاقي المواسير اللي جايه من التنك للموتور مسدوده محتاجه نفخه من الكومبرسور

السلام عليكم ورحمه الله

فى نقطه صغيره بس عايز اعلق عليها

محطه وقود وطنيه من الصعب جدا غش او خلط البنزين

الموضوع صعب علشان الرقابه الشديده

فعلا ممكن حضرتك تراجع علي طلمبه البنزين

شكرا لكل الردود وهحاول اشوف طرمبة البنزين بس على فكرة الموضوع حصل معايا قبل كده من فترة كبيرة وكنت برده لسه ممون من وطنية

ياحمد هوا احنا قصرنا معاك فى القسم ولا احنا مزعلينك ولا ايه الحكاية
؟؟؟؟؟؟؟؟؟؟؟على العموم كنت عاوز اسئل هو انتا ليه دخلت تمون بنزين هى العربية كانت جايبه اخرها فى التانك؟؟؟؟

البنزين المغشوش اليومين دول بقى اكتر من الاعتصامات مالي البلد بقى زي الرز، ولا المحطة ولا نوعه 80-90-92 بيفرق
الكربراتير الحقه بسرعة زي ما حصللي من اسبوع وغيرت بك السلانسيه ونظفته بسبراي، والعربية اتظبطت والحمد لله والفيليشيا حبيبة الملايين حلها كان سهل ومش مكلف، لأن البورا كلفت طلمبة من شهر ادفع فيها شيء وشويات. وشوفت واحد مطلع طلمبة بنزين من اكسنت مصدية كأنها منقوعة في مياه 10 سنين!!!!
نظف كربراتيرك وامشي ومعاك بك سلانسيه احتياطي، والعربية تمشي كويس

اقتباس:

---

المشاركة الأصلية كتبت بواسطة sakr1964

ياحمد هوا احنا قصرنا معاك فى القسم ولا احنا مزعلينك ولا ايه الحكاية
؟؟؟؟؟؟؟؟؟؟؟على العموم كنت عاوز اسئل هو انتا ليه دخلت تمون بنزين هى العربية كانت جايبه اخرها فى التانك؟؟؟؟

---

والله ياعم صبحي مش كده انا كتبت الموضوع هنا علشان البنزين المغشوش مش لمشكلة عندى فالعربية وانت عارف ان انا مقدرش استغني عنكم

اقتباس:

---

المشاركة الأصلية كتبت بواسطة benmatar

البنزين المغشوش اليومين دول بقى اكتر من الاعتصامات مالي البلد بقى زي الرز، ولا المحطة ولا نوعه 80-90-92 بيفرق
الكربراتير الحقه بسرعة زي ما حصللي من اسبوع وغيرت بك السلانسيه ونظفته بسبراي، والعربية اتظبطت والحمد لله والفيليشيا حبيبة الملايين حلها كان سهل ومش مكلف، لأن البورا كلفت طلمبة من شهر ادفع فيها شيء وشويات. وشوفت واحد مطلع طلمبة بنزين من اكسنت مصدية كأنها منقوعة في مياه 10 سنين!!!!
نظف كربراتيرك وامشي ومعاك بك سلانسيه احتياطي، والعربية تمشي كويس

---

ازيك ياشيخ شريف ربنا يبارك لنا فيك والله كنت ناوى اكلمك علشان اشوف حد بتاع كربراتيرات كويس بس حصل اللى حصل والحمد لله على كل حال افوق بس من الصدمة اللى حصلت لى وبعدين ابقي اشوف الكربراتير لحسن حاسس ان حد داعى عليا او ان انا محسود

انا بمون على طول من البنزينة دى لانى ساكن جنبها ومفيش مشاكل