عرض للطباعة
هوة يعنى ايه ثبات وانته ماشى فى خط مستقيم
يعنى الشكل الاقدم من القديم بيقفل 220 وده لا يا رااااجل حرام عليك
KIA CERATO 1.6. MAX 220 KM - YouTube
ثم اما اكون مقفل العداد بالار بى وأشوف لانوس من بعيد بهدي وانزل على 20 او 10 عارف ليه بخاف اعدى من جنبها بالسرعة دى لحسن اللانوس تنقرض وله حاجة هههههههههع ( خلي بالك احنا بنهزر )
وأنا بخاف أعدى من جنب عربية كورى عشان بخاف عليها لا الهوا يقلبها
وبجد بجد بتعامل بكل حذر مع العربيات الكورى بالذات لو كانت ماشية ورايا على سرعة عالية بخليه يعدى منى
صلو على النبى يا جدعان الموضوع مش مستاهل كل ده
خلينا بس متفقين فى الاول على شئ اساسى و هو ان اصلا المشى على السرعات العاليه دى خطر و مش امان بالمره فى اى طريق فى مصر نظرا لعده عوامل الكل عارفها كويس
تانى حاجة موضوع ان السيراتو تجيب 220 عادى مش قضيه الموضوع فى الاغلب بيعتمد على درجه الحفاظ على العربيه و صيانتها و اختيار الزيت المناسب و حاله الكاوتش و ايضا هل الموتور فايق و متفتح تمام ولا عربيه واخده طول عمرها انها تمشى 100-120 ك و متعديهمش !!!
و اهم حاجة يارجاله محدش ينسى ان اصلا العربيات بتاعتنا مش معموله علشان تمشى 220 ولا حتى 200 !! دى عربيات City بس الى بيفرح الناس انك تحس ان العربيه مطوعاك و مش بتقولك لا و تحت رجلك فى اى وقت لما تحتجها هتلاقيها معاك ..... بس هى دى الفكره
وربنا يكفيكم شر الطريق بس عاوز اقل ملحوظة للسيد العضو الى بيقول ان كل الى راكبين كورى غلابه و مجربوش يركبوا عربيات نضيفه علشان يعرفوا قيمه عربيتهم الحقيقيه !! هقول لحضرتك حاجه بس ياريت ماتجمعش و اظن فى ناس محترمه كتير و ركيبه ركبين الكورى و مقتنعين بيه سواء كيا او هيونداى و فى عنيهم احسن عربيات فى الدنيا واعرف ناس فيهم كانت راكبه اوبل فيكترا و جولف و ركبوا كيا و هيونداى و مبسوطين جدا .. فياريت بلاش الهجوم الغير مبرر ده و تشبيه ان الناس الى راكبين كورى دول غلابه وملعوب عليهم و راكبين شويه تكاتك ورق ... و متنساش ان حضرتك راكب سيراتو برده ولا ايه
هو إيه حكاية المواتير الفايقة والمواتير المتفتحة اللى منتشرة فى الموضوع دى ؟ أنا أعرف أزاى موتورى فايق ولا نعسان ؟