ميجان 2006,7 ولا ستروين c4 2006,7 ولا بي ام 94,97 دبانه ولا هوندا سيتي 2006
:untitled:
هي مقارنة غريبة شوية بس هما كلهم في نفس الفئه السعرية رنج 70,000 و انا بدور علي عربية تكون ممتعة في سواقتها يعني نعومة و كماليات و ثبات و كده و في نفس الوقت تكون عائلية و قويه و اسعار قطع غيار متوسطة مش مبالغ فيها و كان ليا بعض الملاحظات علي كل عربية فيهم:
ميجان 2006,7:
ناس كتيييير بتقول انها ممتعة في السواقة و ثبات و عزل و كماليات و كل حاجة بس في ناس كتيييييير بردوا بيقولولي الفتيس فيه مشكلة و علبة الدريكسيون بتبوظ كل 15000 كيلو و هتتعب في صيانتها.
ستروين C4 2006,7:
بحب شكلها جدا و خصوصا التابلوه تحفة و في ناس كتير بتقول فيها قصائد لكن مش منتشرة كتير و قطع غيارها غاليه و مش متوفره غير في التوكيل او بعض اماكن قليله بس اللي عايز اعرفه هل هي عربية متينه تستحمل المطبات بتاعتنا و البهدله ولا لازم اعاملها بالشوكة و السكينة
هوندا سيتي 2006:
متينه و مفيهاش مشاكل بس بردو موضوع قطع الغيار انا قلقان منه لان العربية مش منتشرة و بصراحة مفيش مواضيع كتير بتتكلم عنها.
بي ام E36:
في ناس بتقول انها اقل معدل اعطال في موديلات بي ام كلها و متعة في السواقه ومتانه و ثبات بس انا معرفش رينج اسعار قطع ايه و خايف البس في عربية تخليني اقضي الويك اند في الحرفيين
انا عارف اني طولت عليكما بس ان في حيره شديده و حبيت اوضح وجهة نظري عشان الرؤيه تبقي واضحه
تنصحوني باييييييييييييييييييييييي ييييييييييييييييه ؟؟؟
