الموضوع: قفزة هيونداي في تقرير الإعتمادية 2008

المشاركة الأصلية كتبت بواسطة MOHAMED ABD EL SHAFY

ليا تعليق على التقييم
انا شايف ان الشركات الاتية لسا بردة سابقة هونداى (من نفس الفئة اللى الناس بتحب تقارن معاها باسبعاد الفئات الاعلى طبعا)
الماتسوبيشى
التيوتا
وتعدت سيارات مثل GMC DODGE HUMMER FORD VOLEXWAGON NISSAN MAZDA LANDROVER VOLVO
,واخيرا تعدت المرسيدس بنز

هل معنى ذلك ان الهونداى احسن من المرسيدس - واحسن من الدودج واحسن من الهامر !!!!!:party::party::party::party::party:

طبعا الرد كلنا عرفينة
فمعنى كدا ان التقرير او توابعة بلا معنى

هو الموضوع جدلي شوية بس لو حضرتك حبيت تسمع رأيي أنا شايف إن المرسيدس و البي إم و ما على شاكلتهم عربيات لا تحقق قيمة جيدة مقابل الفلوس اللي بتدفعها فيها... يعني لو الـ E-Class ب 700000 و الشاهين بـ 70000 يعنى بعشر سعر المرسيدس فبالتأكيد كقيمة مقابل النقود الشاهين أحسن ليه.. ؟
لو إعتمادية فالشاهين لو عاشت 10 سنين فأنا أشك بشدة إن المرسيدس تعيش 100 سنة...
المرسيدس عبارة عن صاج و مكونات ميكانيكية و كهربائية على أعلى مستوى من الجودة لكن مش معصومة من الأعطال و بتحتاج صيانة و قطع غيار عادي جداً زيها زي أي عربية و لو إتهانت هتبهدل صاحبها طبعاً بعد فترات أطول من غيرها بس برضه هيحصل.
طيب إيه الفرق بقى.؟. المرسيدس إنت بتدفع ثمن سيارة عادي جداً + بتركب سيارة فاخرة في كل شيء و بتدفع ثمن ده + فلوس مقابل إنك بتركب سيارة من شركة بتقود العالم في التكنولوجيا و الإبتكارات يعني أبحاث و علماء و إختبارات بتكلف مليارات تعملها مرسيدس و العالم كله بيقلد بعدها.. لكن مش معنى كدة إنك لو راكب مرسيدس تبقى راكب سيارة من الفضاء و لو سيفيك تبقى بسكلتة مثلاً..
يعني كفخامة معتقدش إن ركوبة المرسيدس مع كامل الإحترام و رفع القبعة ليها أفخم 5 مرات من السيفيك مثلاً أو الأوكتافيا .. أكيد مش للدرجة دي خالص.
أنا ركبت اللـ E Class الـ S Class و الـ 7 Series كتير طبعاً وهو الوهم.. بس مش لدرجة فروق السعر المضاعفة بالخمس و ست مرات دي.

الخلاصة أنا رأيي إن ممكن الـ Feedback من الخبراء و المستخدمين السنة دي كان جيد في مصلحة هيونداي و سيئ من مرسيدس.. السنة الجاية ممكن هيونداي تبقي 100 و مرسيدس 1 عادي جداً.
أرجو أكون عرفت أوصل وجهة نظري.