عشان اللي يقول بعد كدة ( عامل من بنها ) هيتعور

الاعلان عن اول تابلت مصري ..... انتاج شركة بنها للتكنولوجيا

كشف المهندس ياسر القاضي، رئيس هيئة تنمية صناعة تكنولوجيا المعلومات، النقاب اليوم الخميس، عن أول تاب...لت مصري من إنتاج مصانع بنها، جاء ذلك خلال مؤتمر عرض أولويات قطاع الاتصالات وتكنولوجيا المعلومات، وإطلاق إستراتيجية القطاع حتى عام 2017، بحضور وزير الاتصالات.

وقال القاضي: إن الجهاز يحمل ماركة وعلامة مسجلة تحت اسم "إينار"، وأكد أن عملية الحصول على اسم تجاري وماركة مصرية لم تكن عملية سهلة، ولكنه فخور بإطلاق التابلت الذي قام بعرض منتج منه على الحضور خلال المؤتمر الذي لاتزال وقائعه جارية حتى الآن.
المصدر:
الكشف عن أول "تابلت" من إنتاج وتصميم مصري خالص - بوابة الأهرام

بجد خبر لما سمعته كنت مبسوط جدا ان حاجه زي دي حصلت بس قلبى حيطمن اكتر لما ينزل السوق واقدر اشتريه لان كلام الجرايد بيديك انطباع اولى بس التطبيق هو ده فعلا اللى حيخللى الواحد منبهر بالبلد.
ربنا يكرم ويكمل المشروع على خير وانا اول شارى للجهاز
وبنعتذر لاهل بنها كتييييييير ههههههههههههههههههههههههه ههههههه

ههههههههههههههههههه واهل بنها بقلبهم الطيب بيقولوكم ( اعتزاركو مش مقبووووووووووول ) ... غير لما تشترو البتاع ده الاول ونجربه فيكو.

جد بقي... علي فكرة مش من المنتظر ان التابلت ده يكون 100% خصوصا في اول دفعة انتاج.. اكيد هيظهر فيه عيوب سواء فالهاردوير او فالسوفت وير. العبرة بقي ان يتم التغلب علي العيوب ده ويفضل يتحسن عن بدايه انتاجه واصلاح العيوب.

وطبعا مش محتاجين نقول ان عربيات بحجم وتاريخ تويوتا نزلت بعيوب وسحبت العربيات من السوق.

يلا ربنا يكملها علي خير.

كدة الناس كلها هتقف طابور على جنسيه بنها

شئ جميل و مشرف ,,,,,

رغم ان الخبر ايجابى و شئ كويس الا انه مايزال مجرد خطوة على طريق طويل. . . ليه. . . لان أتابلت ده هيبقى عامل زى العربيات اللى بتتجمع فى مصر. . . مكوناتها الاساسية الكبيرة مستوردة لكن ال 40% المكون المصرى عبارة عن كاوتش نسر السئ و بطارية سايلة مش عارف ماركة ايه و هى منتجات مش مشهور عنها الجودة وهو ده الاهم من مجرد انتاج سلعة. . . المكونات الاهم فى التابلت ده و هى البروسيسور و الرامات و الشاشة طبعا كلها هتبقى مستوردة ده ان ما كانش كل المكونات مستوردة و احنا مجرد بنجمعه هنا. . . الاهم ان احنا نبدأ الطريق بتاع تصنيع المكونات المتقدمة مش مجرد تجميعها. . .فين اكبر مكان فى العالم لتصنيع الدوائر الالكترونية المتقدمة هو وادى السليكون فى كاليفورنيا فى امريكا. . . طب فين تانى اكبر مكان؟

فى اسرائيل. . . لكن يبقى الخبر ايجابى و يا مسهل و لو كانت جودته وسعره كويس انا اول واحد هشتريه

لو كانت جودته معقولة و سعره معقول انا كمان هاجيب ان شاء الله :)



بس على الله ما يطلعش (بيعمل نفسه من بنها) :(


:d

على فكرة المشروع ده لصالح وزارة التربية والتعليم لأنهم هيستبدلوه بالكتب المطبوعة

ولا سمعنا عنه في اي قناه
منك لله يا لميس يا مرضعة ابليس
معندكيش غير النكد و الحقد و الغل و الكره للناس

اقتباس:

---

المشاركة الأصلية كتبت بواسطة imhotep

رغم ان الخبر ايجابى و شئ كويس الا انه مايزال مجرد خطوة على طريق طويل. . . ليه. . . لان أتابلت ده هيبقى عامل زى العربيات اللى بتتجمع فى مصر. . . مكوناتها الاساسية الكبيرة مستوردة لكن ال 40% المكون المصرى عبارة عن كاوتش نسر السئ و بطارية سايلة مش عارف ماركة ايه و هى منتجات مش مشهور عنها الجودة وهو ده الاهم من مجرد انتاج سلعة. . . المكونات الاهم فى التابلت ده و هى البروسيسور و الرامات و الشاشة طبعا كلها هتبقى مستوردة ده ان ما كانش كل المكونات مستوردة و احنا مجرد بنجمعه هنا. . . الاهم ان احنا نبدأ الطريق بتاع تصنيع المكونات المتقدمة مش مجرد تجميعها. . .فين اكبر مكان فى العالم لتصنيع الدوائر الالكترونية المتقدمة هو وادى السليكون فى كاليفورنيا فى امريكا. . . طب فين تانى اكبر مكان؟

---

يا باشا انت حتعترض علي الانجاز العظيم دا , اعمل نفسك من بنها ومتردش
لا والعالم فرحانه كاننا عندنا اكبر مركز ابحاث الكترونية فى الشرق الاوسط :)
دفن الروؤس في التراب اسهل وبيريح من الاعتراف بالتخلف التكنولوجي والاقتصادي .
سؤال برئ هو اللي عمل الايباد دا اخوان :)

و هل يا ترا هيشتغل بالتاتش ولا باللطش ؟ :ma:

لو علقت هتوقف :) يخربيت البجاحة بتاعت الناس دي...ال تابلت مصري ال.

أنا متشوق أعرف ايه الأجزاء اللى فيه صناعة مصرى بالفعل.
أكيد حاجة غير البروسيسور أوالرامات أوالهارد أوالشاشة أو المازر ..
حد عنده تفاصيل؟

اقتباس:

---

المشاركة الأصلية كتبت بواسطة egyzizo

أنا متشوق أعرف ايه الأجزاء اللى فيه صناعة مصرى بالفعل.
أكيد حاجة غير البروسيسور أوالرامات أوالهارد أوالشاشة أو المازر ..
حد عنده تفاصيل؟

---

الشاسية ؟
ممكن الجيراب :)

اقتباس:

---

المشاركة الأصلية كتبت بواسطة alexaway

الشاسية ؟
ممكن الجيراب :)

---

هههههههههه انا كنت هقول الفريم

اقتباس:

---

المشاركة الأصلية كتبت بواسطة imhotep

هههههههههه انا كنت هقول الفريم

---

ههههههههههههههههههههه
ليه انت متعرفش اننا تقدمنا دلوقت وبنعمل شاسية بالبادي الخارجي كله :)
يا باشا دا احنا جامدين اوي :)
والله العظيم حموت من الضحك :)

ممكن كمان مفاتيح الكيبورد ، متهيأ لى دى حاجة مش صعبة.

الواحد مش عايز يبدو انه مش عايز يتفاءل او بيركز على السلبيات و يتجاهل الايجابيات و الكلام ده . . . لكن للاسف احنا لسه قدامنا اشواط طويلة. . . فاكرين لما من كام سنة المركز القومى للبحوث عمل اعلان فى الجرايد يعلن فيه بكل فخر. . . عن انتاج اول استيكة مصرية بالكامل !!!!!!! و بدل ما يحصل رد الفعل اللى هم كانوا عايزينه من ان الناس تفرح راح الموضوع ضرب فى وشهم و الناس هرتهم تريقة بسبب المقارنة بين اللى العالم وصله و بيعمله و بين اخر انجازاتنا احنا. . . يبقى ساعتها الاعلام يعمل طيب و يسكت احسن لغاية ما السلعة تبان لها كرامة غير كده ممكن تبقى تريقة السنين على اول تابلت مصرى يعمل. . . بالمانفلة :-)

هههههه جميل بصراحة

اقتباس:

---

المشاركة الأصلية كتبت بواسطة alexaway

يا باشا انت حتعترض علي الانجاز العظيم دا , اعمل نفسك من بنها ومتردش
لا والعالم فرحانه كاننا عندنا اكبر مركز ابحاث الكترونية فى الشرق الاوسط :)
دفن الروؤس في التراب اسهل وبيريح من الاعتراف بالتخلف التكنولوجي والاقتصادي .
سؤال برئ هو اللي عمل الايباد دا اخوان :)

---

اقتباس:

---

المشاركة الأصلية كتبت بواسطة alexaway

الشاسية ؟
ممكن الجيراب :)

---

اقتباس:

---

المشاركة الأصلية كتبت بواسطة alexaway

ههههههههههههههههههههه
ليه انت متعرفش اننا تقدمنا دلوقت وبنعمل شاسية بالبادي الخارجي كله :)
يا باشا دا احنا جامدين اوي :)
والله العظيم حموت من الضحك :)

---

لاحظو كل الردود بتاعة العضو ده
=======
عامل زي لميس بالظبط
عندها لهفه و شغف و بهجه و فرح و كل الاوصاف الجميله دي
بس تشوف البلد مولعه
و تشوف الخراب
بتحب الهدم و التخريب و الحرايق
فعلا صدق اللي قال لميس مرضعة ابليس

واحد صاحبي كان بيقولي بنته قالولها في المدرسة انهم هياخدوه ب1500 جنية

والسنة الجديدة يسلموة للمدرسة وياخدو واحد جديد بدون مصاريف تاني .. ده لو كان الجهاز لسه سليم هههه أو مضاعش طبعا

انا حاسس انه هيطلع بروسيسور 600 ورامات 256 وستورج 2 جيجا عليها شوية الكتب ودمتم علي كده .. وادفعو 1500 جنيه

طب ينزلو الميديا دي علي النت زي ما اي حد محترم بيعمل وكل واحد يجيب التاب اللي يعجبة ينزلها عليه واللي عايز التاب بتاعهم ياخده

ولا هي سبوبة و الناس تشيل

المواصفات معقولة :

الوزن: 750 جرام
الشاشة: 9.7 بوصة بدقة 720X 1024
الوان الشاشة : 16 مليون لون
البروسيسور: 1.6 جيجا هرتز
الذاكرة الدخلية: 8 جيجا
الذاكرة الخارجية: تدعم حتي 32 جيجا microSD
الرام: 1 جيجا
نظام التشغيل : اندروريد 4.0
الكاميرا الخلفية : 2 ميجا بيكسل
الكاميرا الامامية : فيجا
دعم شبكات الجيل التالت : نعم
WIFI : نعم


اقرأ الموضوع بالتفاصيل ومواضيع اخري علي مواصفات و سعر تابلت إينار أول جهاز لوحي مصري | احدث العروض والاسعار | كل عروضك عندنا

بس مش عارف المكونات متصنعة فين

أنا شفت الخبر فى الفجر واليوم السابع والمصرى اليوم وكل صحف الاعلام القذر ، مش عارف عايزين تقروه فين تانى علشان تهدو شوية؟

كده مواصفاته كويسه .. لأ و واضح انه متكلف وزنة كيلو الا ربع :))

طيب بصرف النظر عن التاب يعنى ايه (عامل من بنها )انا بصراحة اول مرة اسمع المثل ده وبجد مش فاهم معناه