عرض للطباعة
انا كنت اسمع عن القايمه لكن متخيلتش انها هتبقى بالصيغة دى والواحد اهون عليه انه يمضى ورقة على انه مش هيأذى زوجته فى يوم مالايام على انه يكتب على نفسه اقرار أمانة بانه استلم شوية خشب الكلام يا جماعه فى مصر فقط
http://img692.imageshack.us/img692/4...933831389e.jpg
Uploaded with ImageShack.us
المشكلة للاسف بسبب الفقر والطمع بقينا شعب مادي وخليها تصدي وموديلها يعدي
اسوء حاجه هو الجواز فى مصر دبح وسلخ وفى الاخر تلوم نفسك الف مره
كاتب كتابي يوم السبت وممضتش،حاجه
امضى وبعد كدة لو معجبتكش كرهها فى حياتها تعملك خلع
انا مضيت على كل حاجه بالقيمه الفعليه
مع انى لما جوزت اخواتى البنات والله ما مضيت حد من اجوازهم ومبسوطين جدا فى جوازهم الحمد لله وربنا موسع عليهم
ولله الحمد
الكارثه قى مصر الواحد ممكن يعمل علاقه مع انثى مجانى---طبعا دة مثال-والعياذ بالله
ولما يجى يتجوز فى الحلا ل يتنتف ريشه ويمضى ويوقع وطلبات ما انزل الله بها من سلطان
مش بفضل الحوار ده بصراحة
بس مدام الي قدامك طلب ومهتم بيه يبقي مبروك عليه الورقة دي ..
النموذج دا متارخ يعنى التاريخ مكتوب فيه و دى حاجة فى صالحك لان المنقولات دى بتعتبر تالفة بعد 4 سنوات و ممكن لو حد بيفهم فى القانون يقولنا رأيه فى الحوار دا.
الموضوع فعلا يقلق للطرفين لان الجواز كتير بيفشل لكن عموما مش القايمة اللى تبوظ جواز مع انها بتحصل كتير.
الاب اللي عينه مليانة وعارف قيمة بنته ومش بيتاجر بيها مش هيتكلم اصلا في حوار القايمة ده.
اعرف ناس متجوزين بقالهم 5 سنين وممضوش ولا اتكلمو اصلا في حوار القايمة ده.
أنا مش عارف بصراحه حوار القايمة والقرف ده مين اللي بدعه؟ّ!
موضوع القايمة ده قلة قيمة
بسم الله الرحمن الرحيم ( فاسئلوا اهل الذكر ان كنتم لا تعلمون ) صدق الله العظيم
مع كامل احترامي لأراء الاعضاء و لكن موضوع قائمه المنقولات الزوجيه ليس بدعه و لكنه حق للزوجه شرعه الله .
و اليكم رأي دار الافتاء المصريه في موضوع قائمه المنقولات الزوجيه - من موقع دار الافتاء المصريه .
علي الرابط ده : الفتاوى - حكم الشرع في قائمة العفش
بصراحة ممضيش وانا اللي سألت عليها يوم الدخلة
واتقال لي احنا بنتنا اغلى من اي حاجه ومش احنا اللي نمضي حد على حاجه
"بس ابقى خلي بالك منها لاننا مديينك اغلى حاجه عندنا "
بصراحة في كل خناقة في الجواز بقالي 5 سنين من نفسي افتكر الكلمة دي
ياخي كنت مضيت على القايمة احسن :) :ma::ma:
واختي برضه عملنا معاها كده لما اتجوزت بعدي بشهور
معظم اصحابي ممضوش على القايمة كمان !!
بس برضه فيه كام واحد من اصحابي الجوازة اتفركشت على القايمة
وهو مش حرام برضه ان الورقة دي بتستعمل اداة ضغط و ترهيب على الزوج من الزوجة و اهلها لو حصل طلاق او حتى خلاف تسجنه بيها ببلاغ تبديد كيدي سهل تظبيطه حتى لو معملش اي حاجة و الامثلة على دة كتير.اقتباس:
المشاركة الأصلية كتبت بواسطة mero100
هو انا مأجر عجلة هاسيب البطاقة
و لا مأجر عربية هاسيب وصل امانة
و لا انا هاخد العفش عندي؟ هو مين اللي قاعد في البيت ليل نهار و انا يادوب باجي بالليل اكل و انام؟
ايه التخريف ده
اقتباس:
المشاركة الأصلية كتبت بواسطة lanos2004
القايمة وصل امانة مالوش اي علاقة بالعلاقة الزوجية و لا طريقة انتهاءها ....... طلاق عادي طلاق محكمة خلع ان شاء الله حتى الزوجة قتلت الزوج ....... القايمة دي وصل امانة
و لو اللي قدامي شايف بنته بيعة و شروة يبقى يلزمني ليهاقتباس:
المشاركة الأصلية كتبت بواسطة s o p h o s
و اربط حبل المشنقة على رقبتي بايدي و اناوله للي قدامي ليه؟
حماك اجبرك على احترام و صون بنته بكلمة ..... مش بورقة .......اقتباس:
المشاركة الأصلية كتبت بواسطة ahmed a rahman
اقتباس:
المشاركة الأصلية كتبت بواسطة ahmed a rahman
احسن ما تتفركش بعد الجواز على قضية تبديد امانة
للاسف هو دا الواقعاقتباس:
المشاركة الأصلية كتبت بواسطة lanos2004
بالنسبة للزوج اللى يضايق زوجته فا دا سورى ف اللفظ يغور بعفشه
بما اننا في منتدى عربياتاقتباس:
المشاركة الأصلية كتبت بواسطة lanos2004
اعتبره تست درايف يا أخي هههههههههههههههه
اما بتخش المعرض عايز تجرب العربية و تتفرج تلاقيهم يضايفوك و يشيلوك عالراس
تيجي تشتري يدفعك و يقول لك تعالى استلم كمان شهر و يقرفك في عيشة أهلك
ما هو اختيارك الصح و توكلك علي الله و نيتك السليمه ... و بأكد علي اختيارك الصح ... كل ده بيخلي الحياه مستقره و سليمه و فيها الموده و الرحمه .اقتباس:
المشاركة الأصلية كتبت بواسطة micromoud
كمان مش كل حالات الطلاق بيحصل فيها بلاغات و قضايا و محاكم ... فيه حالات بيتم فيها الطلاق بكل احترام و هدوء .
كمان لازم نعرف ان المنقولات الزوجيه بالكامل ده حق للزوجه . و ربنا سبحانه و تعالي اعطي الزوجه هذا الحق ... يبقي انت لما بتدي زوجتك حقها بنيه سليمه ... تأكد انك طالما بترضي ربنا .. يبقي ربنا حيرضيك .
نيجي بقه لطريقه كتابه المنقولات الزوجيه .
فيه طرق و صيغ كتير جدا ....
في وجهه نظري : ان المستهلكات سريعه التلف و التغير بلاش تتكتب و يكون ده بالتراضي و الاقتناع بين الطرفين ... المستهلكات زي الكوبايات و الملاعق و السجاجيد و الذهب . و في وجهه نظري ان الأسر اللي بتصر علي كتابه تلك الاشياء بيبقوا غير واثقين في الزوج تماما ... لذلك ان بركز علي موضوع ان الانسان يتخير زوجه المستقبل و كذلك يختار اسرتها لانه مش بيتجوز انسانه فقط ... لازم تكون من بيت طيب ... انتهاجا للحديث الشريف " تخيروا لنطفكم ، فانكحوا الأكفاء ، وأنكحوا إليهم " .. و المقصود بالكفاءه هنا الدين و الخلق . ( منقول )
يبقي اللي يتكتب : حجره نوم و حجره سفره و هكذا .... و الاجهزه الكهربائيه... و ده علي سبيل المثال .
الذهب لايكتب في قائمه المنقولات لانه من ممتلكات الزوجه الشخصيه قبل ما تدخل بيت الزوجيه بمعني ان مثلا الشبكه ... انت جبتها هديه و الهدايا لاتكتب في قائمه المنقولات و الذهب اللي الزوجه جايه بيه من منزل والدها ...لايكتب ايضا . و المفترض ان الزوج بيحافظ علي زوجته و لايمكن يجبرها علي انها تديله ذهبها الا برضاها التام في حاله لا قدر الله لو الزوج في موقف احتياج ... و هنا بيبان معدن الزوجه و مدي حبها و تضحيتها لزوجها .
موضوع ان تبقي قائمه المنقولات بمثابه ايصال امانه ... و تتذكر جمله ( اكون مبددا و خائن للامانه ) اعتقد بتزعل كتير من الناس و مجالها فعلا مش قائمه المنقولات .
بكل بساطه : المنقولات الزوجيه حق للزوجه ... يبقي الزوج بيكتب ان المنقولات عباره عن كذا و كذا و كذا و بيتعهد الزوج للزوجه بأنه في حاله الطلاق لا قدر الله انه يردها للزوجه ..... و ده بكل بساطه .
يبقي و لا ايصال امانه و لا غيره .... ده حق عندك لانسانه ... وانت بتتعهد انه في حاله الطلاق بتديها حقها اللي ربنا قالك عليه .
و الله أعلم .
عفش ايهاقتباس:
المشاركة الأصلية كتبت بواسطة monamize4
وبتاع ايه
انا اصلا مجرم بالادب
انته بس تفهم الى قدامك وتدرسه صح
وبعدها تبدأ المسرحيه واللعب
دة انا-------------------
حاله تانيه
اهل العروس قالك لازم قايمه----هيه القايمه سنه او من دين الاسلام---حد يقلى-هيه شرط من شروط الجواز
خلاص انا كنت متهاود ومضيت على القايمه
بعد الجواز--طلعت مقلب ولا تطاق
حولت اقومها بالحسنى--منفعش بالعقل منفعش-- زى ما فيه ستات كويسين فى ستات شياطين
---عاوز اخلص منها
اقلها غورى وخدى كل حاجه----------------ههههههههههههههههههههههه-------
بعنيها----لازم اقرفها وازهقها واطلع عينها---حتى لو شويه الخشب والدهب ميلزمونيش وهولع فيهم------
بس بعينها---
الى بيقدم الطيب يلاقى الطيب والى بيقدم الشر بيلاقى الشر الى اشد منه
وكل واحد ياخد حقه بالاصول مش بالقايمه
ههههههههههههههههههههههههاقتباس:
المشاركة الأصلية كتبت بواسطة أحمد كمال
انته شايف كدة
الفكرة الشائعة عند أهل الزوجة في مصر إن الزوج المستقبلي ده موضع شك إلى أن يثبت العكس وغالبا لا يثبت العكس أبدا مهما حدث
ربنا رزقنى بزوجه زى الفلاقتباس:
المشاركة الأصلية كتبت بواسطة د.أبونضال
الله انتى حلوة قوى انهاردة----تقوم تنضف الشقه كلها
الله اكلك تحفه---تلاقى اكل محترم وفى معادة
الله -احلى كبايه شاى الى بشربه من اديكى-تلاقى الشاى جاى ومعاه حاجه حلوة
وهكذا
هههههههههههههههه
بكلمه تخليها تولع فى نفسها علشان ترضيك
بارك الله لكمااقتباس:
المشاركة الأصلية كتبت بواسطة lanos2004
انا شايف ومع احترامى طبعا للناس اللى مع القايمه ان من كتر لما القايمة دى انتشرت فى رجالة كتير اتعملهم غسيل مخ و شايفنها لازم عشان البنت تضمن حقها طب معلش خلونا نتكلم بصراحة انت بتاخد على العروسة وصل امانة عشان لو مطلعتش بكر و لا بتقول دى ناس كويسين و محترمين اشمعنا احنا حنفضل لحد امتا الرجالة متنازلة عن حقوقها زى منتا مش واثق فيا انى حرجعاكوا العفش ساعة الطلاق انا كمان مش واثق فيك لما بتقولى بنتك بكر ... ولا ايه ؟ .. و لو انت اتجوزت واحدة و طلعت مش بكر مع ان مكتوب فالعقد بكر القضاء المصرى مابيلغيش الجوازة عجبك عجبك مش عاجبك اديها حقوقها ....
تطلع بكر ههههههههههههههاقتباس:
المشاركة الأصلية كتبت بواسطة micromoud
---------------------
يرجى انتقاء الالفاظ للمحافظة على الاداب العامة للمنتدى
مشرف 6 ب
2.53am
15/4/2013
يا أخى طيب ما هو الواحد بعد ما بيتجوز ويمشى فى الطريق بتلاقى نفسك مغير العفش والأجهزة ميت مرة بل ومزود عليهم كمان حاجات اشتريتها طول حياتك الزوجية ماهى ماشية .
يعنى بدل التلاجة بقوا اتنين والأولانية باظت فغيرتها بواحدة جديدة وهكذا بالنسبة لباقى العفش والغرف والأجهزة الأخرى .
هو كده الجواز فى مصر .
إللى مايعرفش قانون اللعبة بلاش يلعبها .