تقديركم كام فى عربية اكسبلوشن موديل 2007

يا جماعة عاوز أعرف تقديركم كام فى عربية اكسبلوشن 1600 موديل 2007 بحالة ممتازة لانى ناوى ابيعها ان شاء الله

اعتقد من 58 ل 60 الف

حسب العداد كام

مادام حالتها ممتازة يعني

شكرا على الرد ... العداد عامل حوالى 11000 كيلو ... يجيب الثمن أكثر؟

معتقدش لان تمنها زيرو مو 2008 حوالي 65 الف

يبقي كده كويس اوي عليها بتهيالي

و ياريت برضه بقية الاعضاء يفيدونا


بوســــي

لا يا باشا العربية دي سعرها في المستعمل واقع جدا
آخرها 55 ألف و تبقي عامل معاه واجب
و نصيحه مني بلاش نهائي

أولا السعر النهاردة 68000 جنيه موديل 2008
ثانيا ليه بلاش نهائى ... انا سمعت نفس النغمة دى مكررة من كام سنة فى عربية دايو الكورى وقاعدين محذرين بلاش الكورى دى .. تعالوا شوفوا ماشاء الله السوق الكورى ماشى ازاى .. وتعالوا شوفوا النهاردة عربية اسبرانزا الصينى .. كل ما اسأل صاحبها عنها يشكر فيها جدا فيما عدا عدد قليل منهم قالوا الموتور صوته عالى شوية ... ليه تحدفوا الطوب على كل ناجح .. واذا صادفتك مشاكل من الصينى فمن المؤكد انه سوء الحظ لا اكثر ولا اقل ... فبلاش النغمة دى أرجوكم .. أعطوا فرصة للتقييم قبل الحكم عليها بالاعدام .... مش كده يا باشا ولا ايه ... وشكرا على حسن المتابعة ....