اهو كله بييييييض :ma:
عرض للطباعة
اهو كله بييييييض :ma:
مابحسش بفرق فى الطعم ... انما البلدى مالهوش حل
انا فكرت في كده من فترة
بس معرفتش الفرق ايه
بس طعم البلدي اجمل بكتير
بعديه الابيض
و اخيرا البني
بس اظن ان الابيض ده من الفراخ البيضة
و البني من الفراخ الرومي
و البلدي من الفراخ البلدي
البيض البلدي طبعا لايعلى عليه في الطعم
زمان كنا مربين فراخ على سطح العمارة وكنت لما اتزنق في اكله على السريع كنت بطلع على السطح اجيب بيض اسلقه او اطقشه في زبدة المهم طلعت مالقتش بيض زي كل مرة لفيت في العشة لقيت فرخة رقدة على بيض قمت هاششها وواخد بيضتين من تحتها وروحت ادور على زبدة مالقتش قمت سلقتهم وبعدين لما جيت اقشرهم وانا بقشر البيضة لقيت رجل كتكوت مسلوقه طالعة من البيضة اتأثرت جدا وصعب عليا الكتكوت قضيت على مستقبله وهو في البيضه وفي النهايه نزلت اجيب اكل من الشارع ...... طيب ماكان من الاول !!!:dumb:
مفيش فرق كبير
تقريبا حسب انتاج الفراخ او نوعها
سيبك انت اشترى الاكبر وخلاص ..
ابيض احمر اخضر حتى مش هاتفرق المهم الحجم
هاهاهاهاهاها
مليش مبدئ
ياسلام فكرتني
كنت ارجع من المدرسه في اعدادي كانت المدرسه 3 فترات
الفتره الاولي بتخلص 10 ونصف صباحا
اوصل البيت اسال والدتي عايز افطر
تقولي
اطلع السطح شوف الفراخ باضت ولا لسه
ياسلام
الاقي 3 بيضات وايه لسه طازه
انزل اعملهم في سمنه بلدي
واتفرج علي ماما نجوي وبقلظ
اهههههههه
ذكريات
تصدق انا سالت نفسي السؤال من زمان
بس ملقتش اجابة
ناس تقول الابيض احسن
وناس تقول البني احسن
لاكن الحمد لله ما بكلش النوعين لا ابيض ولا بني
بقرف منهم ومن ريحة الظفاره اللي فيهم
لاكن البلدي ياعيني علية
تسلق 3 او 4 وتظلتهم وتستمخ
وعموما خد معلومة يفضل تاكل البيض
من الفراخ اللي مفيش معاهم ديك
طيب
ليه محدش بياكل بيض البط او الوز
-----------------------------------------
تجربه اخرى نفسى اجربها
اجيب بيضه نعامه و احمرها فى الزبده البلدى
بس ساعتها اعتقد انى هاحتاج حله احمر فيها البيضه , الطاسه مش هتاكل مع بيض النعام
اوعوا تفتكروا انى جعاااااااااااااان