شرم الشيخ

**mohabelnegm** · 12-04-2013 11:18 AM

تروبيكانا سى بيتش فى أخر الغرقانة و خللى بالك السواقين مابيعرفوش أسامى الفنادق و ممكن يتلخبط و يويديك فندق تانى ,علشان كدة لو حسيت أنه مش عارف الفندق قلله "بعد أخر صينية فى الغرقانة بعد فندق رؤووف و بعد رجنسى بلازا" , هاتنزل فى موقف السوبر جيت و هتلاقى ناس واقفة بتوع التاكسى, تختار واحد يكون معاه عربية تاكسى أو ملاكى لأن فيه ناس بيبقى معاها نص نقل و النص نقل ممكن ألأمن مايرضاش يدخله الفندق و دخلة الفندق لو معاك شنط مسافة طويلة من البوابة الرئيسية. تسعيرة التاكسى للغرقانة من 50 ل60جنية, هانقول التاكسى اللى بيبقى واقف فى الموقف بيبقى غالى شوية ممكن توصل معاه ل 70جنيه أقصى حاجة.

**yasserhussien** · 12-04-2013 12:30 PM

يعني مفيش ميكروباصات خالص-دي شرم كلها ميكروباصات

**Adel.Nasr** · 12-04-2013 08:18 PM

حضرتك متأكد انك قريت الرد بتاعي؟

**yasserhussien** · 12-04-2013 10:04 PM

باشا انا قريت رد حضرتك ومتشكر اوي علي المشاركه/انا كنت برد علي الاستاذ مهاب بخصوص التاكسي يعني/بس انا كنت عايز اعرف هو حضرتك رحت شرم الشيخ كتير قبل كدة عشان لو كده تفيدني بخبرة حضرتك ومتشكر اوي

**Adel.Nasr** · 13-04-2013 02:59 AM

أنا شغلي في شرم وتحت أمرك في أي حاجه

**Ahmedhussein007** · 13-04-2013 03:24 AM

باشا حضرتك حجزت ازاى وبكام وايه العرض اللى اخدته وكام نجمه

**abdulmageed** · 13-04-2013 09:05 AM

kingrace
أستاذ kingrace حضرتك شغال في محال ايه ؟

**AlGazar2** · 13-04-2013 09:11 AM

فى مكروباصات فى شرم عادى
بس المشكلة انه مفيش فى الرويسات مكروباصات كلها تاكسيات و عربيات ملاكى

و الاسعار بتاعتهم ضرب فى العالى يعنى اقل حاجة 40 للهضبة

ممكن تخلى السواق ينزلك عند وطنية ( دلتا شرم ) لان ليهم موقف هناك و من هناك تاخد مكروباص للغرقانه اسهل مش هيزيد عن 3:4 جنية تقريبا
و لو حبيت تركب تاكسيات فاصل معاهم خصوصا ان انت لوحدك لانهم بيضربوا فى العالى ممكن تسأل حد من الى شغالين هناك المسافه تتركب بكام و تتكلم على الاساس ده

و اجازة سعيدة ان شاء الله

**AlGazar2** · 13-04-2013 09:13 AM

حاجة اخيره سافر فى السوبرجيت انضف و اريح و ارخص من الجونة

كنت هناك من اسبوعين طلعت فى الجونة البيزنس كلاس و رجعت فى السوبر جيت الفرق بينهم فى الراحة و وسع الكراسى كبير اووووى لصالح السوبر جيت

**Karim_Monir** · 13-04-2013 08:06 PM

لو رايح انت واهلك ما تستخسرش 50 جنيه في تاكسي وتركبهم مبيكوباص
بهلدة طبعا بالشنط ومن باب الاوتيل للرسيبشن بيكون كتير وانت هاتوصل في عز الحر وشرم جوها حر
تروبيكانا في خليج نبق فعلا وقول للتاكسي بعد مستشفي د.روف لانها واضحة ومعظم التاكسيات عارفينها