-
شرم الشيخ
يا جماعة انا مسافر شرم الشيخ ان شاء الله يوم 25 ابرايل بس في مشكلة انا مسافر بالسوبر جيت ولما انزل منه المفروض اني اروح فندق تروبيكانا سي بيتش بس مش عارف اخد تاكسي ولا ميكروباص وهل فية ميكروباصات عشان في ناس مخوفاني من التاكسي عشان بيقولوا غالية جدا في شرم فياريت اللي سافر قبل كدة يقولي اعمل ايه-وتحية لكل اعضاء المنتدي الجميل
-
فيه ميكروباصات طبعا
و لو هتاخد تاكسي اساله الاول هياخد كام
-
الميكروباصات بتحرك من اول السوق القديم لغاية آخر الغرقانه يعني بيعدي على شرم كلها ولو عايز تدخل أي قريه بعيده عن الطريق هتدفع ٥ جنيه زايده عن الاجره
-
الاوتوبيس هينزلك الرويسات و من هناك تاكسى او تمشى حته و تاخد ميكروباص بس معرفش الفندق ده فين و هل الميكروباص اللى بيعدى من عند المحطه بيروحله ولا هتركبه حته و تركب واحد تانى حته؟
دلو معاك شنط او ناس تانيه خليك فى التاكسى بس اتفق معاه هياخد كام .... و ميضربش ف العالى :)
-
يعني انا كده اخد تاكسي واتفق معاة في الاول
-
-
سؤال هو كام ساعة من القاهرة لشرم؟
-
الاوتوبيس من 7 الى 6 ساعات على حسب الشركه
الجونه والسوبر جيت انظفهم
وتروح وترجع بالسلامة
-
رحلة سعيدة ان شاء اللة
وبجد تروبيكانا سى بيتش ممتاز عن تجربة
بس عيبة انة بعيد جدا عن منطقة خليج نعمة وهوة عند خليج نبق او بيسموها الغرقانة
والتاكس هياخد منك كتير للأن المسافة حوالى قرب الساعة فلو كدة يفضل قضاء الأجازة بالكامل داخل القرية وصدقنى مش هتمل منها
توصل بالسلامة
-
يعني ادفع في حدود كام كدة للتاكسي
-
تروبيكانا سى بيتش فى أخر الغرقانة و خللى بالك السواقين مابيعرفوش أسامى الفنادق و ممكن يتلخبط و يويديك فندق تانى ,علشان كدة لو حسيت أنه مش عارف الفندق قلله "بعد أخر صينية فى الغرقانة بعد فندق رؤووف و بعد رجنسى بلازا" , هاتنزل فى موقف السوبر جيت و هتلاقى ناس واقفة بتوع التاكسى, تختار واحد يكون معاه عربية تاكسى أو ملاكى لأن فيه ناس بيبقى معاها نص نقل و النص نقل ممكن ألأمن مايرضاش يدخله الفندق و دخلة الفندق لو معاك شنط مسافة طويلة من البوابة الرئيسية. تسعيرة التاكسى للغرقانة من 50 ل60جنية, هانقول التاكسى اللى بيبقى واقف فى الموقف بيبقى غالى شوية ممكن توصل معاه ل 70جنيه أقصى حاجة.
-
يعني مفيش ميكروباصات خالص-دي شرم كلها ميكروباصات
-
حضرتك متأكد انك قريت الرد بتاعي؟
-
باشا انا قريت رد حضرتك ومتشكر اوي علي المشاركه/انا كنت برد علي الاستاذ مهاب بخصوص التاكسي يعني/بس انا كنت عايز اعرف هو حضرتك رحت شرم الشيخ كتير قبل كدة عشان لو كده تفيدني بخبرة حضرتك ومتشكر اوي
-
أنا شغلي في شرم وتحت أمرك في أي حاجه
-
باشا حضرتك حجزت ازاى وبكام وايه العرض اللى اخدته وكام نجمه
-
kingrace
أستاذ kingrace حضرتك شغال في محال ايه ؟
-
فى مكروباصات فى شرم عادى
بس المشكلة انه مفيش فى الرويسات مكروباصات كلها تاكسيات و عربيات ملاكى
و الاسعار بتاعتهم ضرب فى العالى يعنى اقل حاجة 40 للهضبة
ممكن تخلى السواق ينزلك عند وطنية ( دلتا شرم ) لان ليهم موقف هناك و من هناك تاخد مكروباص للغرقانه اسهل مش هيزيد عن 3:4 جنية تقريبا
و لو حبيت تركب تاكسيات فاصل معاهم خصوصا ان انت لوحدك لانهم بيضربوا فى العالى ممكن تسأل حد من الى شغالين هناك المسافه تتركب بكام و تتكلم على الاساس ده
و اجازة سعيدة ان شاء الله
-
حاجة اخيره سافر فى السوبرجيت انضف و اريح و ارخص من الجونة
كنت هناك من اسبوعين طلعت فى الجونة البيزنس كلاس و رجعت فى السوبر جيت الفرق بينهم فى الراحة و وسع الكراسى كبير اووووى لصالح السوبر جيت
-
لو رايح انت واهلك ما تستخسرش 50 جنيه في تاكسي وتركبهم مبيكوباص
بهلدة طبعا بالشنط ومن باب الاوتيل للرسيبشن بيكون كتير وانت هاتوصل في عز الحر وشرم جوها حر
تروبيكانا في خليج نبق فعلا وقول للتاكسي بعد مستشفي د.روف لانها واضحة ومعظم التاكسيات عارفينها
-
ياريت يكون بخمسين التاكسي هيكون كويس
-
انا كنت هناك من سنتين ولسه صاحبي كان من اسبوعين انا دفعت ل التاكسى 70 جنيه وانا رايح وانا راجع ركبت ميكروباص بتاع الفندق عشان كنا عيلتين ب 120 جنيه وزى الفل...صاحبى اتفق مع مكتب السياحه انه يحجز عربيه من الفندق وفعلا نزل من الاتوبيس لقى العربيه مستنياه عربيه سيراتو زى الفل والفندق اخد 70 جنيه ...فلو حضرتك تقدر تتفق مع الفندق احسن من التاكس وفى الاخر نفس السعر....اجازة سعيد الفندق فوق الممتاز 4 نجوم ديلوكس... حضرتك واخد عرض ايه وسعرة وصل كام؟
-
حد يقولنا ياجماعه الحجز ازاى ومنين اقدر ااخد عرض كويس
-
-
العرض من شركة روز ترافل في شارع العريش العمارة اللي فيها المالكي هو 3 افراد 4 ليالي 3 ايام ب 700 شاملة كل حاجة فول بورد والتنقلات علية
-
العرض من شركة روز ترافل في شارع العريش العمارة اللي فيها المالكي هو 3 افراد 4 ليالي 3 ايام ب 700 شاملة كل حاجة فول بورد والتنقلات علية
-
الفرد 700 جنيه مش كدة 3 ليالى 4 ايام صح
Content Relevant URLs by
vBSEO 3.6.0 PL2