الحل الأمان .. لمنع سرقة علامة اللوجان :)

النهارده جايبلكوا فكرة جديدة عشان نمنع بيها سرقة علامة العربية :F_eyeb1[1]:

طبعا بعد ما عندي العلامة الاصلية اللي ورا واللي قدام اتسرقوا وندمت اني معملتش الحل ده في العلامة الاصلية لكن قدر الله وماشاء فعل .. الواحد مش بيتعلم ببلاش ..
:feelgood:
الحل ده عبارة عن ان احنا " هنبرشم " العلامة .. يعني هنديها مسمارين عند حد بتاع مطابخ ألمونتال .. طبعا أنا عارف ان فيه ناس هتقول "حرام عليك بوظت العلامة"بس أعتقد ده حل أحسن من ان العلامة تتسرق .. طبعا العلامة الخلفية لللي ميعرفش في التوكيل بحوالي 350 ج والأمامية بحوالي 110 ج ..

http://img547.imageshack.us/img547/2...1304112828.jpg


http://img24.imageshack.us/img24/1323/201304112829.jpg

أي استفسارات أنا في الخدمة :)

السلام عليكم ورحمة الله وبركاته
فكرتك ممتازة وكنت نويت عملها من قبل انما اللى خلانى اتراجع ان الحرامية عالم بنت 60 ؟؟؟؟
يعنى ممكن عندا فينا يدغدغوا فانوس مثلا لما يحسوا بفشلهم فى سرقة ناويين عليها
والله احترنا بص ومن يتوكل على الله فهو حسبه والله خير حافظا وهو أرحم الراحمين

طيب استفسار ياباشا العلامة اللي ورا المسمار اخترق صاج الشنطة ولا ايه؟

اقتباس:

---

المشاركة الأصلية كتبت بواسطة samehkamel

طيب استفسار ياباشا العلامة اللي ورا المسمار اخترق صاج الشنطة ولا ايه؟

---

طبعا ياباشا لازم تكزن خرمته و ألا مايبقاش ليها لازمة و العلامة اللى أدام كمان أكيد خرم البلاستيك بتاع الشبكة لا ياعم مش لاعب أنا أحسن لى تتسرق

السلام عليكم ورحمة الله وبركاته
والله عندى برضه فكرة مش بطالة؟؟
ممكن نحوط العلامتين بسيلكون قوى من المستورد فلو حرامى حاول سرقتها حتطلع معاه نصفين:3mla:
يبقى ميتهناش على سرقته برضه بس الفن أن السيلكون يبان أنو شغل الفابريكا علشان الحرامى ميزعلش وبعدين ياخد على خاطره ويسرق حاجة تانية أبن الحرامية:untitled:

جالك قلب إزاى ؟ :))) ده المسامير بتاعت نمر العربية بتقطع قلبى و الشنيور بيخرم صاج العربية !!

اقتباس:

---

المشاركة الأصلية كتبت بواسطة samehkamel

طيب استفسار ياباشا العلامة اللي ورا المسمار اخترق صاج الشنطة ولا ايه؟

---

ايوه المسمار بيعدي من صاج الشنطة

اقتباس:

---

المشاركة الأصلية كتبت بواسطة pharohtemo

جالك قلب إزاى ؟ :))) ده المسامير بتاعت نمر العربية بتقطع قلبى و الشنيور بيخرم صاج العربية !!

---

ههههه احسن ما قلبي يتقطع وانا شايف العلامتين والكلمتين مسروقين من علي العربية :)

اقتباس:

---

المشاركة الأصلية كتبت بواسطة zoro2

السلام عليكم ورحمة الله وبركاته
والله عندى برضه فكرة مش بطالة؟؟
ممكن نحوط العلامتين بسيلكون قوى من المستورد فلو حرامى حاول سرقتها حتطلع معاه نصفين:3mla:
يبقى ميتهناش على سرقته برضه بس الفن أن السيلكون يبان أنو شغل الفابريكا علشان الحرامى ميزعلش وبعدين ياخد على خاطره ويسرق حاجة تانية أبن الحرامية:untitled:

---

ممكن يشيل الشيليكون ده بموس او كاتر رفيع .. الصح اني اشيل العلامة خالص واحط السلسيكون بس ده برده مش هيمنعه انه يشيلها وكمان فيه مشكله انك مش هتعرف تشيل العلامة اللي ورا عشان معموله بكلبسات كبس

قكرة جميل بصراحة

في ناس بتشيل الإريال عشان خايفة عليه يتسرق
ما تشيلوا العلامة خالص أحسن وتعينوها بدل ما تتسرق زي الإريال ؟
:d

انا واحد ابن حلال كان عاوز يسرق العلامة اللي قدام بس معرفش يكمل فبقت نص مخلوع و نص راكب ... جبت انبوبة امير البيضة دي و حطيت حوالين العلامة حاجة بسيطة و مسكت و بقت زي الحديد الحمد لله

العلامات اللي ورا بتبقى راكبة بكلبس ليه خرمين في الشنطة و وراها دوبل فيس

فيه ناس اول ما بتشترى العربية تجيب علامات صينى مضروبة و تركبهم مكان الاصلى
حل مش حلو اوى بس هتبقى اهون انك تتسرق فى علامات مضروبة اهون من الاصلى

حل مش عملى على فكره ليه ؟؟

عشان الحرامى حيطها فى دماغه انه يخلعها مهما كان التمن والبتالى حيبهدلك العربيه والبويه خرابيش وتطبيق يعنى من الاخر خساره مضاعفه

اقتباس:

---

المشاركة الأصلية كتبت بواسطة alking_2006

فيه ناس اول ما بتشترى العربية تجيب علامات صينى مضروبة و تركبهم مكان الاصلى
حل مش حلو اوى بس هتبقى اهون انك تتسرق فى علامات مضروبة اهون من الاصلى

---

واحط العلامه الاصليه فى الدولاب واطل عليها كل شويه واقولها ياحبيبتى يا اصليه :untitled:

اقتباس:

---

المشاركة الأصلية كتبت بواسطة hossam_elwani

واحط العلامه الاصليه فى الدولاب واطل عليها كل شويه واقولها ياحبيبتى يا اصليه :untitled:

---

لا فى النيش يا معلم علشان الضيوف كمان :)

بصراحة فكرة مش كويسة... اواى يعنى نخرم فى العربية؟؟
انا شايف ان لاقدر الله لو العلامات اتسرقت نجيب مكانها الصينى وخلاص