ضعف صاج الصنى الجديد ه

**mhf_77** · 11-04-2013 11:16 PM

نيسان هى نيسان لو اتصنعت فى الهند او اتجمعت فى مصر هتفرق عن اللى فى اليابان فى التقفيل فقط او بعض الكاوتشات مثلا او سيور او الحاجات المستهلكه سريعا دى عشان تشغل مصانع محليه بجانبها وده بيكون جزء من اتفاقاتها مع البلدان دى
لكن الاساسيات واحده والصاج ده اساسيات والعالم كله بيتجه للصاج الخفيف عشان استهلاك الوقود وعشان سرعة التجديد كل شعوب العالم دلوقتى بيجدد عربياته شبه سنوى احنا اللى لسه عايزين العربيه تمشى معانا خمسين سنه واحنا طبعا معذورين عشان ظروفنا المطحونه فى البلد دى احنا خارج معادلة الكون ( حسبى الله ونعم الوكيل)
لكن بشكل عام الشركات المحترمه (ومنها نيسان) جودتها الاساسيه واحده فى اى فرع ليها فى العالم واللى هيفرق جودة التقفيل
البى ام كان حسام ابو الفتوح بيقفلها فى مصر عادى وكان بيظهر ليها عيوب تقفيل بس الاساسيات واحده بتاعة المانيا

**Dr_MaTrix** · 11-04-2013 11:23 PM

الاعضاء الافاضل اللى بيقول العربية كلها عيوب ...عاوز اعرف بس "كلها" دى جبتها مين معاكم ان العربية منها مصرى على يابانى على تقفيل هندى...بس التقفيل الهندى لا يعيبه اى شىء اليابان دلوقتى خلاص ما بقتش تقفل اى حاجة جواها كله فى دول تانية تصنع والتقفيل بره وبالنسبة للتقفيل المصرى انا شايفه اتحسن جدا فى العربية دى بالنسبة للصنى القديمة...والعيوب اللى حضراتكم بتتكلموا عليها بتتمثل فى
1-مشكلة المساعدين ودى كانت فى عدد محود جدا واتحلت فى الدفعات الجديدة واللى كانت فيها مشكلة احلت برده وماحدش بقى بيشتكى من ده وده وارد فى عربية لسه اول مرة تنزل السوق زى عربيات كتير زى السراتو اول ما نزلت والتويوتا الشكل الجديد مشكلة الفتيس بس دى كلها مشاكل اتحلت فى الدفعات الجديدة

2-مشكلة التيل وانا شابف انها بسيطة واتحلت لناس كتير اللى اشتكوا منها على حساب التوكيل من غير ما يدفع العميل قرش واحد

3-الصاج الضعيف واعتقد ان ده فى عربيات جديدة كتير من النيسان بس زى ما سواقين التاكسى بيعبر عنها ويقول كل الجديد ورق .... يعنى مش مشكلة خاص بالصنى بس دى سياسة تصنيع فى اغلب الشركات

وده مجرد وجهة نظرى بالنسبة للموضوع

**gold_777** · 11-04-2013 11:24 PM

أنا أساس لسه مركبتش دلايأت أنا لسه شارى من حوالى اسبوع وبجرب السياره لسه بلين وبعدين اروح أعمل فرش ودليأت بس أنا برده استهلاك البنزين على بقول هيتظبط بعد التلين ولا ايه رايكم

**gold_777** · 11-04-2013 11:28 PM

ولا السياره 1500 والواحد مستحمل وكمان تسحب بنزين

**blazer** · 11-04-2013 11:28 PM

العربيه على فكره ممتازه بلنسبة لسعرها !
انت عاوز ايه من عربيه بلحجم دا والاوبشنز دى بالسعر دا؟؟
العربيه عيبوها انت ممكن تتحملها زى ضعف الصاج والثبات القليل على سرعات عاليه اكتر من 120
انما استهلاك بنزين ممتاز ووسع كبير فى الصالون والشنطة و استجابه ممتازه للماتور و الفتيس و الفرامل
وعوامل امان ممتازه بلنسبه لسعرها

**Dr_MaTrix** · 11-04-2013 11:37 PM

المشاركة الأصلية كتبت بواسطة gold_777

أنا أساس لسه مركبتش دلايأت أنا لسه شارى من حوالى اسبوع وبجرب السياره لسه بلين وبعدين اروح أعمل فرش ودليأت بس أنا برده استهلاك البنزين على بقول هيتظبط بعد التلين ولا ايه رايكم

بص يا باشا بالنسبة لاستعلاك البنزين هيتحسن بشكل ملحوظ بعد صيانة ال الالف وهيتحسن اكتر بعد صيانة ال 5الاف وكمان سحب العربية معاك هيتحسن واداء التكييف وهتحس ان العربية اتغيرت خالص ...اهم حاجة نمط القيادة ازاى يعنى ما تعملش كيك داون وتقرص بالعربية وتحرق على اغيارات وبعدين تشتكى ان الاستهلاك عالى .....وبالنسبة برده للصاج فانا مش عاوزك تتضايق من الموضوع ده هوا هوا الصاج اللى هنا هوا اللى فى امريكا وعربيات جديدة كتير زى الصنى دى ياباشا سياسة تصنيع .....افرح واتبسط بالعربية علشان هى تستاهل تفرح بيها وتاكد ان كل قرش دفعته فيها تستاهله ...ولو واجهتك اى مشكلة من اى نوع ثق وتأكد ان وراك توكيل من حديد همه الاول مصلحة العميل...من الاخر انا عاوز تفرفش وتزقطط :)

**A.Adel** · 11-04-2013 11:39 PM

**youssef_u** · 11-04-2013 11:44 PM

العربية بتتجمع فالهند بواسطة نيسان ،،،،، زي الايفون كده بيتجمع فالصين كده بقا صيني و وحش ؟؟؟

**heba_hassan** · 11-04-2013 11:47 PM

أنا بصراحه مستغربه من الكلام ده !!!!
يعني مثلا شركة Apple الأمريكية دلوقتي لتصنع كل منتجاتها في الصين iPhone - iPad علي كلامكوا يبقي خلاص نوكيا الفنلندي أبوا ٥٠٠ جنيه احسن من iPhone الي معمول في الصين !!!
دي دلوقتي سياسه عالميه للشركات الكبيرة بيصنعوا منتجاتهم في الدول دي عشان العماله أرخص وبتحقق مكاسب اكتر بس كده مش اكتر ولا اقل

**Dr_MaTrix** · 11-04-2013 11:54 PM

المشاركة الأصلية كتبت بواسطة ahmed-adel

كل الليلة اللى انت عاملها دى عاوز حضرتك بيها تثبت ايه ...ما كلنا عارففين مشكلة التيل والصاج وده اللى اتكلمت فيه فوق ..وبالنسبة لموضوع ما تمشيش بيها اكتر من 80 ده مجرد نصيحة من عضو محترم شاف انه من الامان ما تزودش عن 80 الى 100 فى العواصف واعتقد ده المفروض فى اى عربية لو بتخاف على نفسك حتى لو سايف دبابة مش عربية وارجوك لو عاوز تقنعنا بحاجة هات دليل تانى مش تيجى تلم شوية مواضيع احنا حافظينها ومشاكلها اتحلت خلاص وتقول انا مش هتكلم .......وموضوع قطع الغيار ده كان فى اول شهور من نزول العربية وده الطبيعى علشان كانت جديدة والحمد لله العضو صاحب الموضوع لاقى قطع الغيار فى اوتو ايجيب بعد ما الصقور هنا ساعدوه ومشكلته اتحلت......اتمنى يا اخى اما تجيب عنوان موضوع يا تبص جواه فى اللمشاركات هتلاقى الحل او انها مشكلة فردية.

الموضوع: ضعف صاج الصنى الجديد ه

LinkBack

أدوات الموضوع

عرض

-

-

-

-

المواضيع المتشابهه

الصنى مدرتش الا بعد خمس محاولات وسؤال لملاك الصنى

ضعف صاج الأفيو

اخبار حصرية عن اهم الاستفسارات (سبب زيادة مقاس كاوتش الصنى-الصنى الهاى لاين-القشقاى)

هل فعلا صاج الصنى ضعيف جدااا ؟؟؟؟

ما هى الفروق بين الصنى 2010 و الصنى 2009

الكلمات الدلالية لهذا الموضوع

المفضلات

المفضلات

ضوابط المشاركة