عملتها امبارح فى العبور ، وكلفت 2065 جنيه
عملتها على 63 ألف كيلو بعد 3 سنين ونص من عمر العربية.
سلمونى العربية وفيها الحاجات اللى تم تغييرها وهى عدد سير الكاتينة وسير تانى وفيه حتة حديدة مدورة كده بقطر حوالى 10 سم وارتفاع حوالى 5 سم ، واضح انه برضه تم تغييرها ، حد يعرف دى بتاعة ايه؟
وياريت لو حد كان عمل الصيانة دى قبل ارتفاع سعر الدولار يقول لى كان عملها بكام علشان اعرف مقدار الزيادة عن الأسعار السابقة.
الأسعار كانت كالتالى :
زيت موتور : 263 جنيه
فلتر زيت: 55 جنيه
فلتر هواء: 80 جنيه
بوجيهات: 140 جنيه
ring gasket : دى بـ 3.5 جنيه ، وماعرفش هى ايه
Timing kit : ودى تقريباً سير الكاتينه بـ 495 جنيه
Belt : وده تقريباً السير التانى بـ 140 جنيه (الدينامو؟؟)
مبرد رادياتير: 57 جنيه
زيت فرامل : 9 جنيه
سبراى : وده برضه مش عارف رشوا بيه ايه ، بـ 22 جنيه
مصنعيات : 610 جنيه
+ ضرائب 10% على كل حاجة حتى على المصنعية.
المجموع : 2065
اللى كان قدامى على الخزنة كان بيدفع فاتورة قيمة تغيير طقم دبرياج لعربية فلونس فقط لا غير ، وفاتورته كانت بـ 4600 جنيه.