المشاركة الأصلية كتبت بواسطة ramyayash
خد المفيد من واحد مولود هنا وبقاله 25 سنة هنا
السعودية مصاريفك حسب حياتك وحسب المنطقة اللي عايش فيها
الرياض قريبة من جدة والدمام في مصاريف السكن
ومصاريف المعيشة تكاد تكون متساوية في المملكة كلها يعني الاكل والشرب والسجاير والبنزين كل ده يعتبر سعر موحد والفوارق بتبقي بسيطة جدا لا تتخطي ريال او اتنين
في ناس بتصرف هنا 200 ريال في الشهر ( هنود)
وفي ناس ممكن تصرف 15 الف ريال
وفي سعوديين بيقبضو رواتب 25 ال فو30 الف وبيشتكو انهم بيستلفو
حسب مستوى المعيشة اللي جاي عليه
هتاكل كويس من مطعم وهتتعامل بحدود في كل حاجة والخروج يوم الجمعة تروح تشرب شاي او حاجة بسيطة هتصرف معيشة 600 ريال تقريبا او 700
احسب بقي اتصالاتك والنت والملابس والسجاير في حدود 400 ريال
يبقي كده 1000 ريال
اتفاقك مع الشغل بقي في السكن حسب المنطقة لو انت في الرياض او جدة او الدمام هو يدبرلك السكن عشان غالي وممكن يكون بعيد عن الشغل
لو في منطقة هادية ممكن تاخد بدل سكن وتسكن مع جماعة مصريين وتضبط حالك
التنقل برضو حسب وضعك لو السكن مثلا فوق الشغل او جمبه خلاص مش هيعطيك بدل تنقل لكن لو بيد هو يدبرلك مبلغ للتاكسي او لو انتو جماعة مع بعض مثلا 5 بيشتري سيارة وتروحو وتيجو بيها
الخلاصة يا باشا عشان ما اطولش عليك انت هتحدد مستوى مصاريفك ومصمم جرافيكس هنا عموما لا يقل الراتب عن 3000 ريال بالاضافة لتوفير سكن ومواصلات والاقامة تكون عليه لان زي مانتا فاهم تجديد الاقامة كل سنة بقي ب4000 ريال عالاقل وتذكرة طيران كل سنة وشهر مدفوع الاجر كل سنة ( شهر اجازة وتاخد راتب فيه مقابل 11 شهر شغل )
واي خدمة او استفسار انا موجود