[frame="1 80"]
تقرير صيانة 20 ألف للأنترا md مع تركيب نظام الحماية الجديد
http://9or.y4yy.com/files/tzyeen-mwadee3/43.gif
تحية طيبة لكل نجوم هيونداي يارب تكونوا في أفضل حال وبصحة جيدة .
الحمد لله عملت صيانة ال 20 ألف للسنيورة والبداية كانت بأختيار يوم هاديء وهو يوم الجمعة والحمد لله العدد مكانش كبير وأول ما وصلت العربية دخلت حظيرة الصيانة على طول دي صورة للمركز من الخارج :
http://img268.imageshack.us/img268/3...0322125903.jpg
في البداية عند أستلام العربية دخل واحد من العمال معاه كيس وقام فاتحه وطلع منه أغطية للكراسي شيك بدل البلاستيك العادي اللي كانوا بيستخدموه وسلمني باج صغيرة كده أحط فيها متعلقاتي الشخصية ( طبعاً أحنا دافعين تمن الحركات دي ) وقام مغطي كل الأجزاء اللي هيتم أستخدامها أثناء عملية الصيانة ودي الصورة بعد التغطية :
http://img809.imageshack.us/img809/3...0322103610.jpg
#52009e
بعد كده دخلت على مهندس الصيانة مباشرة أخد الرخصة وأستفسر عن وجود أي مشكلات في العربية والحمد لله مكانش في غير اللاج اللي بيحصل في الفتيس وكنت عاوز أغير مياه الريدياتير بمياه خضراء حاجة نظيفة علشان الصيف داخل علينا وطبعاً الكشف على كفاءة المكيف وغيرها من الملاحظات البسيطة طبعاً الجزء المهم وهو تركيب نظام الحماية الجديد .
ملاحظة :
- أنا معملتش صيانة ال 15 ألف وأداء العربية زي الفل مفيش أي مشكلة .
- في صيانة ال 20 ألف رفضت تغيير البوجيهات لأن طبعاً العربية سحبها كويس ومفيش أي مشاكل ده غير أنه لسه بدري على تغييرها .
بعد كده العربية دخلت حظيرة الصيانة وأبتدا المشوار الطويل وتم فيها الآتي :
- الكشف على كمبيوتر العربية وعلى الفتيس .
- تغيير زيت المحرك بشل ألترا 10 الآف وطبعاً تغيير فلتر الزيت .
- تغيير مياه الريداتير بمياه خضراء جديدة .
- تربيط العفشة .
- تغيير فلتر الهواء .
- تغيير فلتر البنزين .
- فحص السيور .
- فحص فرامل اليد .
- فحص نظام التبريد .
- تنظيف مشط الفتيس .
- تركيب نظام الحماية .
- وغيرها كمان واللي يحب يعرف بقية اللي بيتعمل في الصيانة يدخل الرابط ده :
http://www.nilemotors.net/Nile/304301-a.html
صورة العربية بعد رفعها لتغيير الزيت :
http://img687.imageshack.us/img687/9...0322114649.jpg
صورة من داخل حظيرة الصيانة
http://img834.imageshack.us/img834/7...0322110753.jpg
عاوز أقولكم أني عملت فيها شارلوك هولمز علشان أصور لأن التصوير ممنوع منعاً باتاً أصلاً دخول الحظيرة ممنوع بس طبعاً العبد لله واصل أوي يعني كده لحد أول حلق الباب http://www.nilemotors.net/Nile/image...eb1%5B1%5D.gif .... طبعاً ضحيت بكل غالي ونفيس علشان أجيبلكم الصور دي يلا مبحبش أتكلم عن نفسي كتير :ma:
المهم أنتهزت الفرصة والعربية مرفوعة ولقطت لقطة من تحت والألنترا على فكرة متقفلة بالكامل من تحت وده من أسباب جودة العزل في العربية دي ودي الصورة .
http://img580.imageshack.us/img580/7...0322115143.jpg
صورة من داخل الأستراحة بصراحة تكييف نص أمر بصراحة وكراسي كحيانة وتلفزيون أنتيكا من أيام سيدنا جبس بالأضافة للحمامات اللي دون المستوى
http://img201.imageshack.us/img201/2...0322114054.jpg
#420d80
نيجي لتركيب الجهاز رفض الفني أني أصور الجهاز للسرية وكدة ولكن أنا شايفه ماسك كات أوت وجهاز صغير وأستغرق تركيب النظام ساعة ونصف لوحده والنظام ده بيفصل طرمبة البنزين وبيفصل المارش ومن الصعب تجاوز النظام ... على فكرة كل العربيات اللي في الصورة اللي جاية كانت بتركب الأنذار .
http://img203.imageshack.us/img203/8...0322110840.jpg
سعر الأنذار وصل ل 400 جنيه طبعاً علشان كله بيركبه .
#3f0a6b
في النهاية دي فاتورة الصيانة بالتفصيل :
http://img543.imageshack.us/img543/4...0406162824.jpg
ودي الفاتورة النهائية بعد الضرائب :
http://img59.imageshack.us/img59/792...0406162715.jpg
أتمنى أن يكون التقرير نال أستحسانكم ولكم مني أجمل تحية
http://9or.y4yy.com/files/tzyeen-mwadee3/405.http://9or.y4yy.com/files/tzyeen-mwadee3/405.gif
[/frame]