الفكرة كفكرة ممكن تتنفذ بس مش قادر أوصل لإمكانية قبولها نظرا لأن الأسعار بتاعتها غالية يعنى لا يمكن الإعتماد عليها كوسيلة مواصلات يومية . فضلا عن بعض التوجسات زى :
1- عوامل الأمان وترتيبات الإنقاذ وخلافه .
2- سوء الإدارة المعتاد .
3- إرتفاع سعر الخدمة والمبالغة فيه .
4- عنصر الوقت فى الإنتقال من نقطة لأخرى .
من شبرا للمعادي ب50 جنيه والناس بتكبر وتهلل؟ . طيب.
يبقى دا حضرتك حاجة سياحية كدا مش تاكس ولا غيره....والعنوان اللي محطوط مزيف وغير حقيقي واي كلام من الاخر.
ويستمر مسلسل الدعايا في نايل موتورز....
الموضوع يعتبر سياحي مش اكتر لذلك محكوم عليه بالفشل قبل مايبدء لان ع حد معلوماتي المستمثمرين الي متبنيين الموضوع دا كلهم اجانب واهم حاجه عندهم مص دم المصري الغلبان المقهور
يعني عمره ماهيكون وسيلة مواصلات ...تكلفه عاليه ومبالغ فيها جداً التاكسي تحجزه قبلها بساعه عالاقل
ولو انت فرد واحد ورايح شبرا معادي هتضطر تستنى بالساعتين والتلاته عشان عدد 5 يكمل وتطلعوا عشان كل واحد يدفع 10 جنيه ...يعني من الاخر لو مشوار مش هتقف تستنى هتضطر تدفع الخمسين جنيه زي الباشا
اصبحت عبئ وتكلفه مبالغ فيها واصبح الموضوع سياحي غير خـِدمي هينفع بس ف التنزه والوصول بسرعه فائقه بدل الزحام والشوارع
والموضوع اصلاً واضح من تروجيه انه مجرد دعايه واشاعه ع صفحتهم عالفيس بوك
الي اعرفه لو موضوع خدمي يبقى ليه كذا مرسى ع الارصفه اي وقت واي عدد تلاقيه ويكون بتكلفه مخفضه مش بالارقام الفلكيه والاستهبال دا
مليون مره بيفكروا في الرفاهيه قبل مايكون فيه سبل المعيشه الاساسيه
الافكار فى مصر مبدعه لكن وقت التطبيق للاسف كتير منا بيحولو اى حاجه منتظمه الى فوضه وهرجله يارب تظبط المره دى
اكتر حاجه زعلتنى المترو لما بقى فى ايد الادارات المصريه بقى ولا سوق العيد
+111111111111اقتباس:
المشاركة الأصلية كتبت بواسطة aboomar22
انا مع هذا الرأي ، فالقاهره من المدن ذات الكثافه السكانيه الكبيره ومحتاجه وسيله نقل حقيقه تنقل اعداد كبيره وليس خمس افراد بحد اقصى وكمان لازم حجز قبلها بساعه ، كده هتنعدم الاستفاده منه كوسيله نقل ، فيجب تطوير الاتوبيسات النهريه لتكون اكثر فاعليه وامانا مع انشاء مشروع التاكسى النهرى ليكون وسيله نقل سياحيه وتنفع جدا للسياح بدل ما يتنقلوا فى الزحمه ، بس اهم شىء ان المشروع دا يبقى تابع للدوله مش شركه خاصه تاخد احتكار للمشروع وتفرض شروطها بعد كدا على الناس ، وايضا يجب ان يؤخذ بعين الاعتبار حمايه نهر النيل والبيئه ووضع شروط وضوابط شديده الصرامه ومعاقبه كل ملوث لمياه النيل
تحيـــــــــــــــــاتـــ ي ....