ابوالفتوح نزل اسبيرانزا الشكل الجديد( envy ) بسعر 80000
وفي نفس الوقت غبور نزل سعر الايميجراند بقت 80000
برجاء المساعدة في الاختيار ضروري
متااااااااااابع
عرض للطباعة
ابوالفتوح نزل اسبيرانزا الشكل الجديد( envy ) بسعر 80000
وفي نفس الوقت غبور نزل سعر الايميجراند بقت 80000
برجاء المساعدة في الاختيار ضروري
متااااااااااابع
بص العربيتين لسة جداد في سوق بس سبيرانزا ثبتت وجودها
سوق الاتنين و شوف مين أحسن و كمان شوف مين أحسن توكيل
ايمجراند نظرا لوكيلها غبور وتوافر قطع الغيار وانتشار مراكزه المعتمده بجميع المحافظات
وهات لانوس او فيرنا احسن او حتى افيو
العربيتين تقريبا نفس المواصفات وتقريبا التوكيلين قريبين من بعض لكن الافضلية لغبور بس الايمجراند انا شايف فيها ميزة انها داخلة فى مشروع احلال التاكسى يعنى المستوردين بره التوكيل هيجيبوا حاجتها وهيبقى انتشارها اكثر
هما الاتنين قريبين أوى من بعض بس عموماً أنا مع الايميجراند ، بالرغم من اعتراضى على غبور لكن هو بصراحة مهتم بيها جداً عشان تنتشر و مفيش مالك ليها رحلهم بمشكلة الا و فرشوله الأرض ورد و يمكن اهتمامه أكتر من هيونداى كمان على أساس انها خلاص منتشرة و كده كده لو ضرب الناس بالنار هيشتروا برضه و متوقع ان الهتمام دا يزيد كمان بعد نزول الاسبرانزا الجديدة ، العربية أنا كنت اتفرجت عليها فى شهر 10 اللى فات و هى عربية ممتازة بكل ما تحمله الكلمة من معنى من حيث الاوبشنز و الوسع و جودة التقفيل بالنسبة لانها تقفيل مصرى يعنى ، و ربنا يسهلك الأمور ان شاء الله
انا من خلال تجربتي للإسبرانزا ... أقدر أقولك هات الإسبرانزا وأنت مطمن ... توكيل كويس وعربيات معروفه ف السوق من 7 سنين والإسبرانزا الجديده لاتقل ف مستوى التقفيل والخامات والموتور وغيره عن الإيمجراند .. ودليل قوتها أن غبور نزل سعر الإيمجراند ل 80000 بعد ماكانت ب 85000 ... تفتكر لو نزل موديل جديد من كيا مثلا بينافس هيونداي غبور هينزل سعر الهيونداي ؟ طبعا لأ ... أمال ليه نزل سعر الإيمجراند ؟ لأن الإسبرانزا معاها عوامل نجاح أكبر من الإيمجراند ومنافس قوي .. أولا الإسبرانزا ليها كذا موديل في جميع الشرائح ... وموديلاتها قديمه في السوق وسمعتها ممتازه وتوكيلها قوي وقطع غيارها رخيصه وموتوفره ... بالإضافه إلى أني شخصيا مش بقتنع بتوكيل بيجمع عربيه واحده .. أقتنع أكتر بتوكيل كبير ليه كذا موديل ف السوق .. وف النهايه شوف الأتنين وأقعد فيهم وشوف هترتاح لمين اكتر أنت نفسيا ... وتقبل تحياتي.
إيمجراند أفضل
انا متهيألى ان العربيتين واحد
هوه فيه فرق بين العربيتين غير العلامة ؟؟؟
فى فرق واحد بعض الناس فى مصر لا تهتم بيه و البعض الاخر يهتم ، و هو ان الامجراند دخلت السوق الأوروبى بعد اجتياز اختبارات الأمان الأوروبية اللى تعتبر الأصعب على الاطلاق و خدت 4 من 5 نجوم ، بالنسبة للاسبرانزا هى متعملهاش بره كراش تست فى أوروبا لسة (اسمها بره شيرى مش اسبرانزا) بس أعتقد أنهم أكيد بيفكروا يدخلوها السوق الأوروبى زى الامجراند ، الصين بتفترى جامد اليومين دول و بصراحة مجتهدين جداً و الامجراند أول ثمرة مجهودهم...
ليه مركز اختياراتك
في
عربيتين اثتين فقط وصيني
و
لسه موديلاتهم جديدة في مصر؟
انا شايف ان شكلا الايمجراند بس الاسبرانزا ثبتت نفسها ف السوق فاختيار صعب بس لو انا مكانك هجيب ايمجراد مع انى معايا اسبرانزا بس ايمجراند شكل احسن ولو حصل فيها مشاكل معاها توكيل كويس الى حد ما فالاتخيار هيكون للشكل فهختار ايمجراند
الموضوع محير فعلا لان
الوكلاء الاثنين من التجار الشاطرين واللي بيعرفو يعملو اسم لاي عربيه ايا كان نوعها
ابو الفتوح يقدر يعمل من الفسيخ شربات
نفتكر الدايو
الاسبرانزا عمل سوق ليها وحصه جامده في السوق المصري في وقت الناس كانت خايفه من كلمه صيني 2006
ةقدر بشاطارته يشيل خوف الناس من كلمه صيني
غبور طبعا مع هيونداي
مفيش كلام
لكن مع الاميجراند وان كنت انا ميال ليها
لكن لسه ماقدرش يسمع بيها في السوق
المستهلك المصري غير اي مستهلك في العالم ليه معايير في انجاح او افشال اي عربيه
لايهمه اختبارات امان ولا كام نجمه
ولا دخلت اوروبا ولا ما دخلتش
الكلام ده علي المنتديات بس
المقارنه تحير وراءي استني شويه علي العربيه ماتنزل السوق وشوف مبيعاتها هاتعمل ايه
حجم المبيعات في مصر هو معيار نجاح اي عربيه ايا كان نوعها
الايميجراند معلن عنها من سبتمبر 2012 و يمكن قبل كده كمان و كان معاد تسليم أول دفعة 15 نوفمبر و معاد التسليم اتأخر شهر على ما أعتقد و بعد كده انتظمت مواعيد التسليم ، العربية بقالها فى السوق 5 شهور و بدأت تدريجياً تظهر فى الشارع ، لسة مانتشرتش الانتشار المطلوب اللى يخليك تشوفها كل يوم أو حتى يوم و يوم ، أنا بتكلم بالنسبالى شوفتها كذا مرة وواحدة منهم كانت هتخبطنى فى غمرة كمان :) ، الفترة دى أظهرت بعض العيوب فيها اللى تم علاجها فى الضمان و تم تفاديها فى الدفعات التالية اللى بتتسلم دلوقتى ، اسبرانزا الجديدة نازلة على سمعة القديم اللى موجود أصلاً و ده ممكن يدى فكرة عن التوكيل لكن مش عن العربية نفسها من حيث العيوب بتاعة الصناعة و المشاكل المعتادة اللى بتحصل فى الأول ، موضوع اختبارات الأمان ده بيعتمد على ثقافة المستهلك و السوق بتاعك ، و عموماً السوق المصرى لحد دلوقتى فى قطاع عريض منه مقتنع ان العربية الصينى زبالة بغض النظر عن ماركتها و ان اعادة بيعها فى الأرض و دا فى ظلم كبير طبعاً (من رأيى الشخصى) فا لو صاحب الموضوع معندوش عقدة الصينى كما هو واضح انه مقدم على شراء واحدة منهم فا يختار الأنسب من حيث دماغه هو ، لو تفرق معاه حتة ان العربية داخلة سوق أوروبى يبقى دى نقطة قوة للايميجراند على الاسبرانزا ، لو مش فارق يبقى هيقارن عربية بعربية طبقاًُ لمعايير السوق المصرى المعروفة ، و برضه يقرا مشاركات الأعضاء اللى معاهم الايميجراند و يشوف انطباعتهم ايه و كاتبين ايه عنها ، الاسبرانزا دى محدش جابها لسة طبعاً فا يا يستنى 3-4 شهور على ما ناس تجيبها و يسألهم ، ييكون من الرواد و الناس تسأله هو :)
بص الايمجراند موجودة هنا في السعودية وبكثرة وعملت شغل جامد لان سعرها رخيص واماكنيتها عاليه بالنسبة لسعرها وقطع غيرها رخيصة وكمان شكلها احسن من الاسبيرانزا دا غير ان المكينة حقها ياباني هي والجيربوكس( الفتيس )
لذا راي الايمجراند افضل
شكرا للمنتدي الجميل دا وشكرا جدا لكل الاعضاء اللي بيشاركوني بارائهم ومعلوماتهم وبيساعدوني في اتخاذ القرار
بجد متشكر ... ومازلت متابع اراء اكثر
لكن الغريب بالنسبه لي ان لقيت علي موقع كونتكت كار اليوم اعلانات بيع ايميجراند موديل 2013 ... ازاي هل دا معناه ان اللي جربها مش معجب بيها وبيبيعها علي طول ؟؟؟
envy ..طبعا
مفيش عربية فى مصر مش هتلاقى معروض منها للبيع ، و أسباب البيع كتيرة و كله على حسب ظروفه ، فى اللى العربية مش عاجباه و عايز يخلص منها و فى اللى جاتله ظروف و اتزنق و محتاج فلوسها و فى اللى من هواة ركوب العربية كام شهر و بعدين يغير و من هنا طلع ما يسمى بكسر زيرو ، و فى من الاعلانات دى بيبقى معارض بتعلن عن العربية زيرو عادى بدل ما يعلن فى الجرايد و أهو ببلاش..
الامجراند كانت نزلة من الاول 75900 وبعد كدة غليت قوى بقت 85000 علشان الدولار ارتفع سعرة وبعدين نزلت 80000 دلوقتى لما اسبرنزا تم الاعلان عنها كل اللى انا اقدر اقولك عليه انا عارف ان الامجراند هتجمع بمصر شوف اسبرنزا بتجمع فى الصين ولا مصر لان موضوع الجميع سلاح ذو حدين مثلا لو هتجمع فى الصين تبقى عربية كويسة والجودة عالية ولو هتجمع فى مصر يبقى جودة مش قوى بس الانتشار هيكون كبير اسال عن مكان التجميع كمان علشان قطع الغيار قدام
المقارنة كده مش صح ............
المفروض نقارن مواتير و مساحة ركوب و شنطة و كماليات
بص يابرنس انا من وجهه نظري المتواضعة الاميجراند اجمد وغبور صراحة عاملها ضجه ماحصلتش وشكله هيهتم بيها جامد عشان تنتشر وزي ما في أخ قال ان هي دخلت اوروبا يعني كويسة وبعدين الاسبرانز تحسها كده مش باين لها وش من قفا كده وشكل المرايا بتاع اسبرانزا 516 ده بينرفزني غير كده غبور مش ف مصر من اول امبارح ده بقاله مده برده
ياريت تقولنا وصلت لايه فى النهاية ؟؟؟؟
ايمجراند
emgrand 7