الموضوع: غبور خلف خلاف

اول عرف من اعراف التجاره السوق عرض وطلب فعلا ممكن تكون البضاعه مش حلوه بس في اقبال عليها دا هيعمل ايه يزود سعرها بغض النظر علي جودتها واعتقد دا مش ذنب الوكيل طالما برفع السعر وفي اقبال ايه المشكله وبعدين كل العربيات غليت انا واحد صاحبي كنت معاه من 5شهور واشترينا لوجان 72000 الف النهارده87000 نقدر نقول ان توكيل رينو مش كويس علشان زود ولا نقول العوض علي الجنيه اللي خلي اي عربيه في مصر تزيد بل25000 في ظرف 5شهور وشكرا

غبور ده فى المبيعات فنان حرامى هههههه


هو على فى الاول لاقصى درجه وقبل كل الناس وبعدين عمل تخفيض جامد فى وقت مفيش حد عامل تخفيض فيه ابدااااااا تواى توكيل واحد عامل تخفيض


الكروز فى شهر واحد كانت 150 الف والنترا برضه 150 الف وطبعا وسائل الامان فى الكروز وبالجنوط تكسب طبها

لكن دلوقتى الفجوه اتسعت والكروز بقت 160 الف والنترا 145 يبقى لعيب ولا مش لعيب ههههههههههه

غبور بلاي ميكر علي كبيييييييييييييييير

المشاركة الأصلية كتبت بواسطة mohammedaladel

طبعا كل اللى بيشترى هيونداى مضحوك عليه مفيهاش نقاش

وغبور لاقى الناس واقعين عليه ليه ما يغليهاش 50 ألف زيادة عن تمنها الحقيقى وليه ميعملش خصم 5000 عشان الناس دى تزيد أكتر وهما رايحين يلحقوا قبل ما العرض يخلص ههههههههه

طبعا أنا مش هقول أن غبور معندهوش ضمير لأن دا مش موضوعنا

لكن لو فيه رقابة مكنش غبور ضحك على الناس بالشكل دا وخلاهم يشوفوا الكورى ألمانى زى ما هيخلى جيلى زى هيونداى دلوقتى كل دا بمساعدة الناس اللى بيشتروا منه طبعا

أتفق معك تماماً ، رغم انى من ملاك هيونداى بس جبتها أيام ما كانت صفقة ممتازة بالنسبة للسعر و كانت (و مازالت) أحسن من الصنى الجديدة اللى لبستها بسبب الحاح الولاد للأسف ، حالياً الهيونداى و الكورى عموماً أسعاره مبالغ فيها أوى أكتر بكتير من قيمته الحقيقية و اللى مشجع غبور على كده هو الاقبال ، بس معلومةة للجميع: غبور عمل التخفيض المرة دى مش لعيب ، دى المبيعات قلت فعلاً بشكل ملحوظ فحب يلحق نفسه ، و لو الناس تقلت عليه شوية و كان كلام الجرايد صحيح باستقرار سعر الدولار بعد الوديعة القطرية يبقى هينزل تانى فى الأسعار و كله لمصلحة الناس (مع انى من مصلحتى ان الهيونداى يوصل 10000000 جنيه ههههههههههه)

أنا مش واصي على حد :)

بس يا ريت يا اخونا بعد اذنكم
الموضوع ماشي كويس و النقاش حضاري و محترم
يا ريت يفضل كده

يا أستاذ MohammedAladel ويا أستاذ khaabas

وبدأت بأستاذ محمد لانه اللي بدأ بالكلام
مفيش داعي لوصف اللي بيشتريها باللي مضحوك عليه
كل واحد بيشتري على حسب احتياجاته

كان ممكن تقول إنك شايف سعرها مبالغ فيه وانا معاك ودي آراء
بس ملهاش لازمة مضحوك عليهم دي

وبرده يا أستاذ khaabas
مينفعش نقول على عربيات رينو تكاتيك

وبكرر إن أنا مش واصي على حد
ويا ريت تتقبلوا كلامي ده بصدر رحب

تحياتي ليكم