غبور خلف خلاف

**A.Adel** · 12-04-2013 06:43 PM

المشاركة الأصلية كتبت بواسطة AshTurbo

بأختصار هو حرامي زيه زي كل التجار اللي في مصر بيستغلوا أي ظرف لرفع السعر بس غبور معاه طبعاً عقول جبارة سابقة عصرها ونصحوه يسبق ويرفع السعر قبل الجميع علشان لما كله يغلي - بشكل طبيعي - هو ينزل السعر اللي هو مغليه أصلاً فيظهر بمظهر تخفيض حقيقي بينما هو حتى بعض التخفيض السعر عالي ومع ذلك الألنترا بتنشتر كل يوم أكتر من اللي قبليه فمعلش يعني طالما الزبون راضي وبيدفع التجار ميعملوش كده ليه ؟

هو ده تفكير كويس جدا لو كان ده اللي هو عمله

بس أنا رأيي المتواضع

هو فضل يرفع السعر جامد لحد ما مبيعاتها قلت
خصوصا مع نزول ال cerato الجديدة
اللي أخدت من حصته كتير

فـبيحاول يلحق نفسه
والدليل إن التخفيضات دي على موديلات معينة فقط
أكيد دول اللي مبيعاتهم قلت

**khaabas** · 12-04-2013 06:48 PM

المشاركة الأصلية كتبت بواسطة ahmed-adel

أنا مش واصي على حد :)

بس يا ريت يا اخونا بعد اذنكم
الموضوع ماشي كويس و النقاش حضاري و محترم
يا ريت يفضل كده

يا أستاذ MohammedAladel ويا أستاذ khaabas

وبدأت بأستاذ محمد لانه اللي بدأ بالكلام
مفيش داعي لوصف اللي بيشتريها باللي مضحوك عليه
كل واحد بيشتري على حسب احتياجاته

كان ممكن تقول إنك شايف سعرها مبالغ فيه وانا معاك ودي آراء
بس ملهاش لازمة مضحوك عليهم دي

وبرده يا أستاذ khaabas
مينفعش نقول على عربيات رينو تكاتيك

وبكرر إن أنا مش واصي على حد
ويا ريت تتقبلوا كلامي ده بصدر رحب

تحياتي ليكم

يا باشا مفيش خلاف وله حاجة ده هزار واسف لو حد زعل هو يعنى انا صاحب مصنع هيونداى هههههههع او هل الموضوع ده اللى هيأثر فى مبيعات الشركة او الوكيل بس اتمنى طبعا الموضوعية

**A.Adel** · 12-04-2013 07:16 PM

بالظبط كده :)

هو غبور مستنينا نسوق للعربية هههههههه
ولا التوكيلات دي بتاعتنا

**A.Adel** · 12-04-2013 07:52 PM

كل التوكيلات جشعين :)
أقولكم على حاجة

حتى عز العرب اللي مش عارف يبيع
أول لما ال DS5 باعت شوية ههههههه
غلاها 5 أول لما نزلت وبعد كده 10

وكذلك ال c3 picasso زادت 13 ألف

وال C5 أول لما نازل ال dynamic كانت بـ 199
دلوقتي عشان باعت شوية بقت بـ 209

مع إن سعر ال DS4 و DS3 مزادش
يعني لو دولار كان هيبقى على كله

مفيش حد في البلد دي بيعمل خصم عشان سواد عيون العميل هههههههه

العربيات اللي بتتباع بسعر معقول بيبقى عشان وكيلها مش عارف يبيعها

**A.Adel** · 12-04-2013 07:57 PM

يا أستاذ محمد عادل (أخويا ), تعالى نفكر مع بعض كده

فكرك إن renault اسعارها مش غالية ؟

ما هو توكيل رينو هو توكيل كيا

فكرك هيبيع kia بسعر عالي و renault بسعر معقول ؟؟
ما ال fluence معدية ال 190 ألف برده

لو دي عوامل أمان وثبات وفرامل أفضل و option أعلى في بعض الفئات

مع إن على فكرة ال fluence دي بقت ياباني صرف خلاص
موتور و فتيس و عفشة ياباني

ال hyundai برده اعادة بيع
و قطع غيار مرترتة بره التوكيل وارخص برده بره التوكيل
و شكل أحلى وعربية جراية

بلاش fluence :)

حضرتك شايف إن ال logan ال auto تستاهل 96 ألف !!!!!!
أنا عارف إن بالنسبة لهنا في مصر كويس
مقارنة بمنافسينها يعني

حضرتك أكيد سيد العارفين وعارف إن معلهاش ضرايب تقريبا
كله بيستغل الوضع

**Habd** · 12-04-2013 07:58 PM

خد راحتك يا باشا و ياريت يبقى الكلام برضه ع خدمة الصيانة الزفت و اسعار قطع الغيار اللى بقت هلامية لولا ان العربيات سهلة و قطع الغيار الاصلية موجودة بره كنا اتسلخنا

**A.Adel** · 12-04-2013 08:13 PM

المشاركة الأصلية كتبت بواسطة habd

خد راحتك يا باشا و ياريت يبقى الكلام برضه ع خدمة الصيانة الزفت و اسعار قطع الغيار اللى بقت هلامية لولا ان العربيات سهلة و قطع الغيار الاصلية موجودة بره كنا اتسلخنا

سيبك من التوكيل
لو تلاحظ أنا كاتب (بره التوكيل) عشان كده

أنا عارف إن الاسعار في التوكيل بقت عالية أما بقى خدمة الصيانة دي أنتم ادري :)

بس في الحالتين عندك مراكز خدمة كتير بره و حتت كتير تشتري منها قطع الغيار

**A.Adel** · 12-04-2013 08:15 PM

على فكرة
أنا متفق مع محمد على فكرة إن سعر elantra عالي
ليه بقى ؟؟

عشان سعرها زاد بتاع 30 ألف (والله ما اعرف سعرها من كتر ما هو كل يوم يتغير)
و مفيش أي حاجة فيها اتغيرت

واي عربية سعرها زاد زيادة كبيرة غير مبررة مشتريهاش
مش elantra بس , يعني عندك focus و astra برده

مش مسألة كوري و اوروبي والكلام ده :)

اللي لحق واشترى الاول , ربنا يباركله فيها بقى

وممكن حد تاني يبقى لسة شايف إنها حتي بعد الزيادة ملبية رغباته
إيه المشكلة ؟

كل واحد بيشتري بناء على احتياجاته

**EngAhmedSakr** · 12-04-2013 08:24 PM

طبعا أسعار الكوري- اللي انا احد ملاكه - بقي مبالغ فيها حاليا

بس ما ننساش ان اقبال الناس عليها هو اللي زود سعرها ... وان في دوله زي مصر معظم توكيلات السيارات فيها سيئه
فانت بتكون مضطر انك تشتري عربيه منتشره او شعبيه علشان تلاقي قطع غيارها وصيانتها بسهوله وعلشان يوم ما تقول يا بيع تلاقي الف مين يشتري وبسعر كويس كمان :)

**khaabas** · 12-04-2013 08:59 PM

المشاركة الأصلية كتبت بواسطة ahmed-adel

كل التوكيلات جشعين :)
أقولكم على حاجة

حتى عز العرب اللي مش عارف يبيع
أول لما ال ds5 باعت شوية ههههههه
غلاها 5 أول لما نزلت وبعد كده 10

وكذلك ال c3 picasso زادت 13 ألف

وال c5 أول لما نازل ال dynamic كانت بـ 199
دلوقتي عشان باعت شوية بقت بـ 209

مع إن سعر ال ds4 و ds3 مزادش
يعني لو دولار كان هيبقى على كله

مفيش حد في البلد دي بيعمل خصم عشان سواد عيون العميل هههههههه

العربيات اللي بتتباع بسعر معقول بيبقى عشان وكيلها مش عارف يبيعها

سؤال بقى صحيح هل الستروين عربية اعتمادية يعنى انا مثلا بعمل فى شهرين ممكن امشى حوالى 10.000 ك