بعض النظر عن غلاء الاسعار وارتفاع الدولار وغيرها
ولكونك متابع غير جيد لمؤسسه غبور
غبور كل فتره بينزل عروض على سياراته
ولا يؤثر بتاتا على هامش الربح
وشكرا لسعه صدرك
عرض للطباعة
بعض النظر عن غلاء الاسعار وارتفاع الدولار وغيرها
ولكونك متابع غير جيد لمؤسسه غبور
غبور كل فتره بينزل عروض على سياراته
ولا يؤثر بتاتا على هامش الربح
وشكرا لسعه صدرك
انا ليا سؤال هو مثلا عربيه النترا وكيل تفرق قد ايه في نفس فئتها من الخليجي اعتقد لوفرقت5000مثلا يبقي الوكيل احسن لانك بتاخد ضمان وتغير اي حاجه خلال الضمان ولو التوكيل غالي المفروض الخليجي يفرق بلعشره والعشرين الف
اعتقد ان حضرتك اخطأت فى ان غبور بيرخص
سيارات غبور غليت وبعدها العرض نزل
يعنى سياره زادت 15 الف جنيه وبعدها عمل عرض عليها خصم 5 الاف جنيه
دي سياسه تسويقيه شركات كتيير بتتبعها
مثال بسيط جدا زي شركات المياه الغازيه
تلاقي الزجاجه واحد لتر غليت من 3 ال 3.5 مثلا
وتلاقى عمل عرض لتر + ربع لتر هديه
يعنى السعر زاد والناس اتضايقت من الزياده بس سلعه مطلوبه
راح حاطط ربع لتر والاقبال رجع زي الاول وزياده
وبعدها العرض خلص واللتر رجع زي الاول والسعر زاد والناس مبسوطه ومتكيفه
يارييت تكون فهمت والرساله وصلت
يعنى غبور لاخلف خلاف ولاحاجه
وشكرا لسعه صدرك مره تانيه
يعني حضرتك مع الرأي المؤيد إن دي حركة تسويق
دي وجهة نظر برده ليه لأ , ممكن جدا
و فيه كذا عضو قالوا نفس الكلام
تحياتي
أولا .. أحييك علي الموضوع ده
ثانيا .. غبور بذلك بيؤكد لنا أن كل التوكيلات بتنصب علينا في الاسعار
ليه ؟
مش معقول لما الدولار يزيد العربيات تزيد في نفس الاسبوع لأن الموجود في المعارض و المخازن ده أستوك قبل الزيادة و من باب أولي أن الزيادة يتم تطبيقها علي الواردات أو الطلبيات الجديدة
قولنا الكلام ده قالوا لنا أطلعوا من البلد
و بعدين لما الدولار ينزل , العربيات اللي المفروض أنه تم شحنها من كوريا أو بلد المنشاء بسعر الدولار المرتفع يحصل عليها تخفيض من 3000 الي 8000 جنيه !! طيب أزاي ؟
ياسادة فيه معلومة خطيرة جدا وصلت لي و من مصدر موثوق به داخل أحدي التوكيلات و المعلومة أكدها لي أحد سائقي التاكسي الابيض تحديدا
أن بعض السيارات سعرها في السوق من المفترض أن يكون مابين 18,000 و 30,000 جنيه
عارفين التوكيل بيبيعها لمشروع التاكسي الابيض بكام ؟؟
فوق ال 60,000 جنيه
علشان كده سواقين التاكسي عاملين أعتصامات , لهم حق و الله
أقول لحضراتكوا علي معلومة تانية كمان
بعض أسعار قطع الغيار في أحدي التوكيلات الاوروبية الشهيرة و اللي بيتم بيعها بسعر يتجاوز ال 6,000 جنيه سعرها الاصلي بعد الضريبة و الجمارك و الذي منه لايتعدي ال 1,000 جنيه
و الله و الله و الله ... أنا لو وقعت تحت أيدي الأدلة و المستندات دي هأعمل لهم فضيحة بجلاجل و هأرفع قضية عليهم و علي وزارة المالية و يمكن الحكومة لأن كده الموضوع فيه شبهة فساد كبييييييييير أوي
لكن ارجع أقول لك ... الناس تستاهل و هي السبب لأن سلبيتهم و تجاوبهم هو اللي شجع اللي زي غبور اللي مش أمور و الهيونداي من وشه تغور أنه يسرقنا عيني عينك و يتمادي في سرقته و كمان باقي التوكيلات بتقلده أو بتسير علي خطاه
الموضوع كبير جدا و محتاج يتفتح بشكل موسع و أنا شخصيا مؤيد لفتح الموضوع ده هنا بالنسبة لسيارات هيونداي و بأناشد السادة الاعضاء و مالكي هيونداي اللي يطول أي دليل أو مستند يقدمه لنا علشان الكلام مايكونش مرسل و نقدر نفتح تحقيق موسع
مرة تانية أستاذ / أحمد أنا بأشكرك جدا و بالعكس ماحدش يقدر يقول أن ده هجوم علي سيارات هيونداي أبدا السيارات نفسها ليس لها ذنب
الذنب ذنب الوكيل و ذنب المستهلك
ممككن اعرف اسعر الفرنا بعدالتخفيض انهاردة كام لو حد من الاعضاء المحترمين يقدر يقول
ياسمير باشا السلام عليكم
فى حاجه عايز اوضحها لحضرتك
مكسب الشركات فى موضوع الزياده دي طبعا
لان اي شركه باختلاف طبيعه منتجاتها لما الخامات او الدولار او غيره بيغلى عليها وبيكون عندها استوك بتبيع الاستوك الى عندها بالسعر الجديد طبعا
لان الشركات هدفها الاساسي الربح
ودي تعتبر فرصه ربحيه مضاعفه
فمينفعش انه يبيع الاستوك الباقى بالسعر القديم والانتاج الجديد بالسعر الجديد
ابسط مثال السوبر ماركت الى بتشترى منه لو عنده استوك جبنه مثلا والموزع عدي عليه قاله السعر زاد هاتلاقيه اوتوماتيك بيزود السعر بالرغم من انه واخد بالسعر القديم
الثقافه نفسها فى العملاء يعنى الشعب نفسه معندوش ثقافه الشراء
واحده زي اوبرا وينفرى لما صرحت فى برنامجها انها هاتقاطع الحوم بسبب انها بتساعد على السمنه
شوف الخسائر بقت قد ايه لشركات اللحوم واترفع عليها كام قضيه من مصنعى اللحوم
هما طبعا خسرو كل القضايا
بس عايز اوضحلك ان فرق ثقافه الشراء بينا وبينهم قد ايه
وشكرا