أنا آسف ياباشا :(
اللى أنا عايز أقوله
- مش كان فيه زمان فـ العربيات الكاربيراتير: حاجة إسمها تقديم وتأخير الكهرباء بتاعت الموتور؟؟
والكهربائى يضبطها عشان السحب يبقى كويس والعربية ماتسقفش ولا تتخنق!
بعدها بقى فيه حاجة إسمها فيشة الأوكتان؟!! (ولحد قريب كانت فـ اللانوس والنوبيرا)!
دى كانوا بيضبطوها على نوع البنزين -عشان جودة البنزين بتختلف من بلد للتانى!
دلوقتى: الموضوع ده بقى يتعمل electronic
يعنى
فيه حساس knock (حساس فـ البلوك بيحس التسقيف أو الكركرة فـ الموتور -لو البنزين سىء)..
وبيدى القرايات دى لكنترول العربية
- بيبدأ الكنترول: يأخر فـ توقيت الإشعال بتاع البوجيهات (عشان البنزين ماينفجرش أول مايدخل البساتم -نتيجة الضغط والحرارة)
وكمان الكنترول بيزود فـ كمية حقن البنزين: بيفتح الرشاش فترة أطول فـ كل شوط..
لحــــــــــــد ما التسقيف يختفى.. بيضبط نفسه على كده (عشان كده بنقول نثبت البنزينة اللى بتمون منها)؟!!
نتيجة الكلام ده أيه:
زيادة فـ إستهلاك البنزين، لأنها بترمى بنزين بزيادة -عشان ماتسقفش!
وتقليل فـ الباور والعزم بتاع الموتور: لأنه أخر فـ التقديم -- الشرارة بتاع البوجيهات، وبالتالى بيحاول يأخر الحريق سيكا
وبالتالى هتفقد من قوة الموتور: يعنى لو هى 100 حصان.. هتبقى 95 مثلا :(
>> الكلام ده كله -هيحصل لو العربية جاية من برا متضبطة على بنزين 95
اللى بيحصل ان نسبة الإنضغاط دى: عامل واحد من عوامل تحديد جودة البنزين المستخدم؟!!
لسه فيه الكنترول -اللى بنقول عليه- وده أهم من الـCR!!
رأيى:
ان العربيات دى جاية من الصين متضبطة على بنزين 91-92 أوكتان؟!! أيا كانت نسبة-الإنضغاط!
لأن دلوقتى: وفى ظل إرتفاع أسعار- وقلة جودة- الوقود.. حتى العربيات الألمانى بتتضبط على بنزين 92.
Rgds،
المفضلات