الى خبراء رينو :
حد عنده علم هل يوجد في التوكيل امكانية تركيب باركينج سينسور ام لا
و ياريت التكلفة ل امكن تكون في حدود كام ؟
وشكرا
عرض للطباعة
الى خبراء رينو :
حد عنده علم هل يوجد في التوكيل امكانية تركيب باركينج سينسور ام لا
و ياريت التكلفة ل امكن تكون في حدود كام ؟
وشكرا
موجود فى التوكيل يا باشمهندس بس مش عارف بكام
كان فى حدود 1400 من سنتين ونصف
شكرا استاذ احمد
في نوع في السوق منتشر و رخيص اسمه سينفوني ...في حدود 250 جنيه
ايه رأيك فيه هل كويس ...اجيبه و اركبه في التوكيل ولا ايه رأيك
و الله أنا معرفهوش بس أنا كنت جايب معايا واحد من بره مصر و ركبته عند أدريان فى مصر الجديدة
ممكن تجرب تسأل على بتاع التوكيل دلوقتى بكام وتشوف هو الشاشة بتاعته بتركب فين وأقل مسافة بيجيبها أيه وبرضه أعلى مسافة وبعدين قارن بناءً على السعر والمواصفات
يعنى أنا اللى عندى بيجيب أقل حاجة 40 سم وأقل من كده بيطلعلى زيرو على الشاشة وتقريباً كانت أكتر مسافة يعرف يقراها 160 سم
والشاشة بتاعته مركبها فوق المراية :)
شكرا يا باشا ...متحرمش منك
السلام عليكم
باشمهندس عمرو انا مركب السيمفوني من سنتين تقريباً عندي والحمد لله مافيش منه مشاكل وواضح انه رخص لئني كنت شاريه وقتها بي 400 جنيه تقريباً وركبته عند مركز في ميدان الحجاز وشاريه منه برضه تركيبه سهل مافيش فيه مشاكل غير ان الفني يكون فاهم بس عشان هايخرم في الاكصدام غير كده وصلاته بسيطه جدا ومفيش منها اي قلق ان شاء الله .
اتمنى اكون قدرت اساعد حضرتك وتقبل تحياتي اخي الكريم.
شكرا جزيلا استاذ رامي
عندي ليك سؤالين من فضلك :
هل تركيبه بره التوكيل يعملي مشكلة مع الضمان . يعني هل تفضل اشتريه و اركبه في صيانة ال 5000
ممكن تقلي ايه الموديل بالظبط الي حضرتك ركبته و مواصفاته ؟ يمكن يكون في كذا نوع من نفس الماركه عشان كده ده رخيص
اشكرك مقدما
بس 40 سنتي كتير قوي
في زحمه و خنقة ركنات مصر محتاجين سنسور يقيس بالمللي
عندك حق استاذ ادهم
انا كنت بفكر ان اقل حاجة 10 سم مثلا
العفو يا فندم على ايه بس .
شوف يا سيدي انا قبل ما اركب سألتهم في التوكيل وقالولي لأ مافيش مشاكل في تركيبه ولا يؤثر على الضمان لئنه مفيش فيه اي تعديلات او وصلات خارجيه او خلافه .لكن طالما حضرتك حابب تركب في التوكيل مافيش مشاكل توكل على الله بس انا ربكته عند اللي اشتريت منه عشان الضمان بتاع الجهاز .
بالنسبه للموديل انا الحقيقه مش عارف رقمه لكن مواصفاته كانت كالآتي:-
4 سينسور-شاشه خارجيه ملونه
الشاشه حجمها صغير ومعقول جداً وواضحه وصوته عالي وده كان ما يميزه بالنسبه لي لئني كنت جايب قبله جهاز من بره مصر كانت شاشته كبيره وعموماً عن تجربه نادرا ما نحتاج الى النظر الى الشاشه دي انا بكتفي بسماع صوت الصفاره.
ملحوظه انا عندي لما الصفاره بتستمر وده معناه اني خلاص هاخبط في اللي ورايا بيكون برضه فاضل حوالي 30-40 سنتيمتر وده كويس على فكره مش وحش لئن اوقات كتير لو الطريق فيه ميل او حاجه مايصحش يرن بس لما اخبط :biggrin24:.
ارجو من اعضاء المنتدى ان يقبولني كصديق جديد انا بصراحة بقالي مدة استفيد بالمواضيع الموجودة وكنت بانتظر الفرصة علشان اسكر السادة النشطاء في المنتدى
انا سألت في التوكيل والموجود هناك بدون شاشة وسعره 500ج بدون التركيب
اوجه الشكر للنشطاء
وللمعلومية سيارتي سينيك 2005
يا أهلاً بيك يا باشا عضو كريم معانا هنا
بالنسبة للباشمهندس عمرو 40 سم دول زى الفل متنساش يا باشمهندس أن أى باركنج سنسور بيعمل حساب جميع أنواع السائقين عند تصميمه ( فى ناس رجلها تقيلة وناس لأ ) أنا أقل باركنج سينسور شفته ساعة لما كنت بشترى بتاعى كان 30 سم وده كان بينزل أوريجينال فى عربية....وكان أقل واحد بيتباع فى المحلات هو ال 40 سم
دلوقتى شايف على النت حاجات 25 سم بس مش شايف أقل
الشرف لنا انضمام حضرتك كاصديق وعضو في الاسره واهلاً وسهلاً بحضرتك استاذ ابو حفص .
اهلا بحضرتك طبعا و شكرا على المعلومة
و اشكركم جميعا على ردودكم
عندى بس استفسار لاستاذ رامي : هى الشاشة دي حجمها قد ايه و بتعرض ايه بالظبط و ممكن تركبيها فين
معلش اعذرني لجهلي :)
و شكرا مجددا لكم جميعا
الشاشة دى فى منها أحجام مختلفة
ده حتى دلوقتى فى باركنج سنسورز بيبقى فيها كاميرا وشاشة LCD عشان تشوف فى أيه ورا العربية
أنا اللى عندى زى دى وممكن تتحط فوق التابلوه بس أنا عن نفسى حاططها فوق مراية الصالون
http://www.postimage.org/gx2nwDkS.jpg
فى كمان نوع بيبقى عبارة عن مراية صالون وعلى الجانبين ال ليدات زى اللى فى الصورة و فى نوع تانى بيبقى فيه بلوتوث كمان معاهم :)
شكرا استاذ احمد ....ربنا يكرمك
أنا آسف جدا يا باشمهندس عمرو على التأخير في الرد.
شوف يا سيدي الشاشه شكلها وحجمها زي اللي في الصوره اللي احمد جزاه الله خير ارفقها في الرد بتاعه الاختلاف بس انها 3 الوان مش احمر بس زي اللي الصوره.
بالنسبه للبيانات اللي الشاشه بتعرضها ...
1-الرقم اللي في النص ده بيكون المسافه بين عربية حضرتك وأقرب جسم خلف العربيه .
2-في مؤشر على اليمين وعلى الشمال المؤشر ده زي ما هو موضح في الصوره تصاعدي كل ما المسافه تكون بعيده كل ما الشرط تكون قليله وطبعاً اليمين معناه ان اقرب جسم على يمين السياره والعكس صحيح.....اما عن الثلاث الوان في الشاشه فا أزرق لما بتكون المسافه بعيده حوالي متر او اكتر وبيكون صوت الصفاره بيقطع وبطيء في رتمه يعني كل 3 ثواني رنه مثلاً لما تقرب اكتر هيزيد المؤشر ولونه يبقى اخضر والصفاره تزيد في سرعتها وتقطيعها يعني كل ثانيه مثلاً وفي النهايه المؤشر بيحمر والصفاره بتزيد وتفضل مستمره لدرجة الصداع :dots: وده مع التعود بقى يخلليني اعرف اركن صح قبل ما اسمع صوت الصفاره الكبيره دي في النهايه :3gears:.
يا رب اكون وضحت الفكره يا باشمهندس عمرو وانا تحت امرك في اي استفسار تاني ان شاء الله
تقبل تحياتي أخي الكريم.
اشكرك بشدة استاذ رامي ...كتر خيرك ...و بعدين مفيش اي داعي للاعتذار يا فندم ..اكيد حضرتك مش فاضي للنت 24 ساعة يعني :thumbsup:
شكراااااا
على فكره انا ركبتو من الضمان من شهر ونا بشتري العربيه راي ان توكيل افضل في تركيبو بس مش فكره تكلفتو كام لانو كان مع تمن العربيه بس التوكيل بيركبو فعلا
شكرا يا فندم على المعلومة ...بس حضرتك اشتريته من الوكيل و لا من بره و الوكيل ركبه ؟
انا التوكيل ركبهولي في العربيه وطبعا كان من عندهم
شكرا جزيلا