مساعدة في ردياتير لانوس 2 من فضلكم

**gmslem** · 13-04-2013 07:13 PM

المشاركة الأصلية كتبت بواسطة tarek_2005

اكبس دورة التبريد

شكرا لحضرتكم ...
تكرم ما المقصود بكبس دورة التبريد ؟؟؟؟؟؟؟؟؟؟؟؟
علما بانني اعلم ان الرديتير به خرم من فترة حوالي 3 شهور تقريبا . وكنت ازود العربية كل 4 او 3 ايام ماء ..... لكن من اسبوع قمت بشحن و ظبط التكييف .... كما هو منشور في منتدانا ..... بعد الشحن و تشغيل التكييف ظهرت مشكلة الرديتير .... لهذا انا مازلت متخيل ان العيب في الرديتير و انه خلاص انتهى . فما رأيكم ؟؟؟؟

وما افضل ردياتير وبلد صنعه ولو موبيل محل اكون شاكر لكم جداااا

**gmslem** · 13-04-2013 07:20 PM

المشاركة الأصلية كتبت بواسطة eslam3344

اولا دي مش مسألة غطاء وعامة هو تكلفته من 10 الي 30 حسب النوع والخامه والضغط
ثانيا عشان تعرف المشكله العربيه وهي بارده جدا زودها مياه وانزل بص علي الهربيه من تحت شوف هلي فيه تنقيط ولا لا اكتر مكانين تبص عليهم جسم الردياتير من تحت وعلي كوع المياه الواصل ما بين الموتور والردياتير
طيب لو مالقيتش مياه بتنقط من تحت اذن كده الكلام جميل جدا دور العربيه واقفل غطاء الردياتير واقفل القربه واستني تسخن وامشي ببيها مشوار طويل او ما معدل الحراره يعلي عن منسوبه بدرجه واحده فقط اركن العربيه وبطلها وافتح الكبوت وحاول تكون واقف في مكان هادئ عشان تسمع
هتسمع صوت زي صوت تنفيس كانها بلونه ومخرومه حاول تمشي ورا اثر الصوت احتمال كبير جدا يكون كوع المياه العلوي الواصل ما بين الردياتير والموتور ولكن من الاعلي واحتمال يكون الافيز بتاعه ولو مالقتش صوت يبقي من الضروري انك تكشف علي العربيه عند ميكانيكي وتحديدا ميكانيكي مش ردياتيرات عشان الميكانيكي هيقولك العيب فين بالظبط انا بتاع الردياتير هينصب كالعاده وهيحاول يقولك اي اختراع عشان يعمل عليك شغل في حين انه مش هيعالجلك اي مشكله نصيحه روح لميكانيكي الاول
ثالثا الردياتيرات انواع هنصحك تشتري بتاع بلادها الالومنيوم وبلاش النحاس وده لان الننحاس بيبقي فيه مواسير مدوره و تخينه بيجري جواها المياه ومسام الورق بتاع الردياتير مبتسمحش للهواء انه يبردها وبالتالي المياه بتفضل سخنه اما الالومنيوم بتبقي واخده شكل مستطيل امياه بتمشي ببطئ داخل المواسير وتوزيع الهواء بيكون مظبوط 100 % و لو لا قدر الله هتغير الردياتير متسبش القديم للراجل صدقني هيجيلك يوم وهتحتاجه حد لو هيديلك واحد غيره ببلاش
رابعا بص علي القربه بتاعت المياه والخرطوم الواصل بينها وبين الردياتير

انا اسف طولت عليك

شكراااااااا جزيلاااااااا لكم اخي الكريم ولتعبك و مجهودك العظيم ...

للعلم فعلا العربية وهي باردة جدا في الصبح لما ازودها تنزل ماء كثير من تحت جسم الردياتير مباشرة
اما فكرة العرض على ميكانيكي فسوف اقوم بها على طول

**eslam3344** · 13-04-2013 08:13 PM

يا باشا انت تأمر بس ومن الواضح انها من كوع المياه اللي تحت العربيه وان شاء الله تطلع هي السبب ولو ماكنش من الكوع الجلد يبقي ان شاء الله من مخرج المياه الالومنيوم اللي خارج من الردياتير
اتأكد الاول قبل الشروع في شراء جديد لان المبلغ مش قليل

**ahmedsamy90** · 14-04-2013 12:26 AM

المشاركة الأصلية كتبت بواسطة gmslem

شكرااااا لكم اخي الكريم
المشكلة ثابته فعلا العيب في الرديتير وهو مخروم فعلا من شهرين و طبعا لما طلع الصيف جاب اخره ....اما اللحام اظن ان ردياتير اللانوس لا يتلحم لانه الومنيوم وفيبر - ارجو التصحيح لو هذا خطأ ؛ هكذا قال لي الصنايعي - تكرم حضرتك ب 1- نوع 2- بلد صنع الرديتير ابو 350 كذلك ب 3 موبيل البائع .

جزاكم الله خير

اوك هجيبلك الصناعة وتليفون البائع يوم الاتنين ان شاء الله ........ وعلى فكرة الردياتير اللى عندى انا لحمه مرتين عادى قبل كده و تمام معايا والميه نفس مستواها عادي ....... واللى لحمه كان لحمه بمادتين بيتخلطوا على بعض و بعدين سخن عليهم وسابو ينشف

**gmslem** · 14-04-2013 01:44 AM

المشاركة الأصلية كتبت بواسطة eslam3344

يا باشا انت تأمر بس ومن الواضح انها من كوع المياه اللي تحت العربيه وان شاء الله تطلع هي السبب ولو ماكنش من الكوع الجلد يبقي ان شاء الله من مخرج المياه الالومنيوم اللي خارج من الردياتير
اتأكد الاول قبل الشروع في شراء جديد لان المبلغ مش قليل

اسلام باشا ...... شكرااااااااا جزيلاااااااااا على كرم حضرتك .... والله يا باشا دا كرم كبير انا شاكر جداااا و سوف اتمم بنفسي على الكوع و مخرج المياه .

**gmslem** · 14-04-2013 01:47 AM

المشاركة الأصلية كتبت بواسطة ahmedsamy90

اوك هجيبلك الصناعة وتليفون البائع يوم الاتنين ان شاء الله ........ وعلى فكرة الردياتير اللى عندى انا لحمه مرتين عادى قبل كده و تمام معايا والميه نفس مستواها عادي ....... واللى لحمه كان لحمه بمادتين بيتخلطوا على بعض و بعدين سخن عليهم وسابو ينشف

شكرا لكم اخي احمد باشا ..... وفي انتظار حضرتك ان شاء الله لو امكن تلفون المحل و نوع الردياتير وبلد صنعه ...... شكرا كمان لتصحيح معلومة اللحام .. أنا كدا هأتأكد من كل حاجة بنفسي و طبعا هغير الصنايعي لانه غير امين .