الموضوع: سوزوكي جيمني

العربية دي انا استخدمتها في السعودية .....
العربية اي كلام ..... بس هقول ليه هي اي كلام ( غالبا انا ظالمها )
اولا العربية دي في السعودية مع بتوع الامن ... والمعقبين ... يعني اي كلام
انا استخدمت العربية في الصحراء كبديل لعربية لاندكروزر ...(مقارنة فاشلة )
العربية غرزت في الرمل و مع استخدام نظام الدفع الرباعي .... العربية جابت اسطوانة دبرياج
( انا مش غشيم .... انا ممكن اطلع عربية سيدان 2wd من الغرز الخفيف )
تم تصليحها و اكتشفت انها بتاخد قطع غيار الساموراي و ده حاجة كويسة لو مالقتشي قطع غيارها
بعد استخدام 15 يوم في الصحراء ......... العربية مرجعتش زي الاول
روحنا لميكانيكي و قال ان العربية عاوزة صوفا صدر و حاجات كده معرفشي ترجمتها بالمصري هو كان باكستاني ..... بس اللي فهمته ان العربية ادمرت
طبعا العربية دي عربية مدينة بس انا مش شايف اي لازمة ليها ليه ادفع الفلوس في حاجة مش هستفاد بيها عربية اخرها علي الطريق 140 كم /س و مش ثابتة نهائي ...
بتفدملي فتيس غرز مش هحتاجة ....
لو هتقوللي عالية طيب ما فيه عربيات سيدان عاليه و عفشتها محترمة وتستحمل الطرق بتاعتنا ..
العربية صالونها صغير و 2 باب و مفيهاش مساحة تخزين اساسا
و اكتر حاجة غايظاني فيها اني قعدت 3 ايام بدور علي طريقة فتح الكبوت بتاعها مش عارف لحد ما واحد معاه نفس العربية عرفني السر ... ( طبعا مش هقول السر ...اشمعنى انا اتعذب لوحدي )