استفسار :- تركيب طقم صوت Octavia A4

السلام عليكم >> انا عملت الموضوع فى قسم الصوتيات ومحدش رد .. قولت مليش غير رجالة سكودا وفعلا من خرج من داره قل مقداره :ma:

عايز اركب طقم صوت كامل لعربيتى Octavia A4 2006 .. وعندى كام استفسار كده لأنى مركبتش اى طقم صوت قبل كده ومعندبش خبره فى تركيب أو اسعار

انا عايز اجيب كاسيت وسماعتين ورا وسماعتين قدام فى الوقت الحالى وبعد فتره هاجيب بازوكا وامبلفير :3mla: .. مع العلم ان العربيه نازله بسماعتين بس قدام مع توتيرين

الكاسيت :-
اللى انا اعرفو ان البايونير انضف حاجه .. انا عايز موديل يدينى أداء قوى بس ميكونش سعره عالى قوى .. محتاج حد يشرحلى اعرف ازاى ان الموديل ده قوى ويعنى ايه الخارج بتاعه وكده ؟؟

فى اقتراح تانى انى اجيب كاسيت دبل >>

بس السؤال هنا .. هو ده بيطلع أداء زى الكاسيت العادى .. وايه الأحسن لو مثلا هما نفس السعر او سعرهم متقارب .. يعنى اقصد ايه الفايده طالما هما نفس السعر

وشوفت كاسيت عادى بس بيطلع منو شاشه كده .. عايز اعرف ده اسمو ايه واسعاره ايه ؟؟ :36_1_8[1]:


السماعات :-

هو أى نوع سماعات يركب على اى نوع كاسيت ؟؟ ولا كل كاسيت ليه سماعات معينه ؟؟ .. وايه انضف نوع سماعات يدينى صوت نقى وقوى وبيز نضيف ؟؟

وايه مقاس السماعات عندى قدام ؟؟

التركيب :-

اللى هيركب الكاسيت هياخد حاجه من الضفيره ولا هيعمل ايه بالظبط ؟؟ وعايز حد يشرحلى معلومات عن التركيب

ولو ركبت كاسيت عادى مش دبل هيفصل كاسيت العربيه ؟؟ لأن العربيه فيها مكان فاضى تحت الكاسيت الاصلى بتاعها وده اللى هيرمب فيه الكاسيت الجديد ان شاء الله ؟؟

شكرا .. واسف جدا جدا على الأسئله الكتير بس اعذرونى لأنى معنديش أى خبره

اقتباس:

---

المشاركة الأصلية كتبت بواسطة mostafa hashem

السلام عليكم >> انا عملت الموضوع فى قسم الصوتيات ومحدش رد .. قولت مليش غير رجالة سكودا وفعلا من خرج من داره قل مقداره :ma:
نورتنا يا باشا
عايز اركب طقم صوت كامل لعربيتى octavia a4 2006 .. وعندى كام استفسار كده لأنى مركبتش اى طقم صوت قبل كده ومعندبش خبره فى تركيب أو اسعار

انا عايز اجيب كاسيت وسماعتين ورا وسماعتين قدام فى الوقت الحالى وبعد فتره هاجيب بازوكا وامبلفير :3mla: .. مع العلم ان العربيه نازله بسماعتين بس قدام مع توتيرين
بص عامة الموضوع عايز انك تحدد ميزانيتك
الكاسيت :-
اللى انا اعرفو ان البايونير انضف حاجه .. انا عايز موديل يدينى أداء قوى بس ميكونش سعره عالى قوى .. محتاج حد يشرحلى اعرف ازاى ان الموديل ده قوى ويعنى ايه الخارج بتاعه وكده ؟؟
بص بايونير فعلا من انضف الماركات و عندى انا شخصيا .. بص اداء بيونير تقريبا واحد كل الكاسيتات لان بيبقى فيها امبليفير صغير بيديك 50 وات ماكس .. و 22 وات rms او الحد الادنى يعنى و هو ده الفارق بين ماركة و التانية فى الخرج بتاعها يعنى مثلا سونى بيبقى 18 وات تقريبا .. و النقطة دى مش بتفرق لو انت هتركب امبليفير لان الامبليفير طبعا هيديك باور اكتر من الكاسيت بكتير .. يبقى دلوقتى اى كاست بيونير الخرج بتاعه واحد الاسعار هتبدأ من حوالى 600 و انت طالع و ده طبعا السنجل دين ( يعنى مكان درج واحد )
فى اقتراح تانى انى اجيب كاسيت دبل >>
كاسيت دابل اظن اغلى شويه هيبدأ من حوالى 900 او الف ده البيونير حسب علمى و انت طالع بردو
بس السؤال هنا .. هو ده بيطلع أداء زى الكاسيت العادى .. وايه الأحسن لو مثلا هما نفس السعر او سعرهم متقارب .. يعنى اقصد ايه الفايده طالما هما نفس السعر
بص الاداء زى ما اتفقنا واحد لان تقريبا فيه نفس الامبليفير الصغير .. هما طبعا زى ما قلنا مش نفس السعر دول بيوصلوا ل 4000 جنيه .. الفايدة طبعا ان الدبل اشيك بكتير و فى انواع منه هتشغل عليه فيديوهات و كده
وشوفت كاسيت عادى بس بيطلع منو شاشه كده .. عايز اعرف ده اسمو ايه واسعاره ايه ؟؟ :36_1_8[1]:
الى بيطلع منه شاشة ده بيضرب نقطتين فى واحد هو بيبقى سنجل واخد مكان درج واحد و فى نفس الوقت بيطله منه الشاشة يبقى اكنه دبل و ده الناس بتجيبه يا اما شياكة زيادة .. يا اما حد عايز يوفر مكان الدرج الى تحت يحط فيه حاجه .. يا اما معندوش مكان لدبل و اسعاره غاليه يعنى ممكن يبدأ من 2000 تقريبا

السماعات :-

هو أى نوع سماعات يركب على اى نوع كاسيت ؟؟ ولا كل كاسيت ليه سماعات معينه ؟؟ .. وايه انضف نوع سماعات يدينى صوت نقى وقوى وبيز نضيف ؟؟
اى نوع سماعات على اى نوع كاسيت عادى يعنى انا بيونير و مركب سماعات سونى .. افضل سماعات اختلف عليه الناس بس فى فترة ما كنت متابع فى قسم الصوتيات كانت سماعات jbl واكلة الجو و سماعات كينوود بردو .. انا عن نفسى جبت سونى عشان شكلها جميل جدا بالنسبالى و صوتها نقى
وايه مقاس السماعات عندى قدام ؟؟
المقاس بتاع سماعات قدام حسب ما انا كنت قايسه عشان اجيب سماعات هو 16.5 بس للاسف مجبتش

التركيب :-

اللى هيركب الكاسيت هياخد حاجه من الضفيره ولا هيعمل ايه بالظبط ؟؟ وعايز حد يشرحلى معلومات عن التركيب
بص عندى فى التركيب ملعبتش فى الضفيرة جبت وصلة كده ركبت فى الضفيرة من ناحية كانها الكاسيت القديم و طلع منها الناحية التانية سلوك يعنى فكرتها بدل ما تقطع جاك ضفيرة العربية لا بتخلى الجاك زى .. طبعا الضفيرة بتاعة العربية لامة الاربع سماعات الى فى العربية المفروض .. لو هتوصل سماعات ورا فعندى جاب سلك منهم لقدام و وصلهم عادى و و خد بس سلوك السماعات الى قدام من الضفيرة الاصلية .. انا ركبت عند ادريان هو غلا عليا شوية عشان مكنتش جايب الكاسيت من عنده لكن لو جايب الحاجه من عنده بتبقى غالية شوية بس بيركبلك ببلاش و تراضى الناس بس .. يا اما حاجه تانية فى ناس بيتشكر فيهم تسأل عليهم فى قسم الصوتيات
ولو ركبت كاسيت عادى مش دبل هيفصل كاسيت العربيه ؟؟ لأن العربيه فيها مكان فاضى تحت الكاسيت الاصلى بتاعها وده اللى هيرمب فيه الكاسيت الجديد ان شاء الله ؟؟
عادى براحتك بس هيبقى لزمتها ايه تسيب القديم و هو مش شغال انت تشيله احسن تحافظ عليه و يبقى عندك درج فاضى عشان لو بتحط موبايل او كده يعنى
شكرا .. واسف جدا جدا على الأسئله الكتير بس اعذرونى لأنى معنديش أى خبره

---

العقو يا باشا تحت امركيا رب اكون قدرت افيدك

صورة الكاسيت بتاعى
http://i1057.photobucket.com/albums/...pscbb7bf1e.jpg
موضوع مفصل عنه فى قسم الصوتيات تاخد فكرة
http://www.nilemotors.net/Nile/31047...r-6350-sd.html
مقاس السماعات الى قدام فى الباب
http://i1057.photobucket.com/albums/t391/forti711/2.jpg
http://i1057.photobucket.com/albums/t391/forti711/3.jpg

forti باشا .. مليش غيرك

الميزانيه عندى مثلا من 1500 ل 2000 .. وكده انا هميل لفكرة الكاسيت الدبل .. بس المقاس ده يركب عندى ؟؟ وانا عايزو من غير DVD أو GPS والكلام ده .. يبقى فى حدود كام مثلا ومنين ؟؟ مع العلم انى من بنى سويف بس بنزل القاهره كتير


تسلم يا باشا وميرسى كتير انتا افدتنى جدا

تمام هو فى رينج 1100 جنيه و المقاس تقريبا يركب عندك عادى ان شاء الله و دى صورته
http://i1057.photobucket.com/albums/...0BT_angle1.jpg
و فى زيه السونى بردو شكله جميل
http://i1057.photobucket.com/albums/...ps1c006f10.jpg

شكراااا .. هو ده المطلوب