الموضوع: تجربة - cyclomax44 Fuel System Cleaner- 473 ml علي البنزين

المشاركة الأصلية كتبت بواسطة syd

تسلم ايدك
بس مش كتير كدة المنظفات والمحسنات دي في الفترة الصغيرة دي ؟؟؟
انا بستخدمها تقريباً كل من 10 إلي 15 الف
اهم حاجة المواظبة علي السيرفيس بتاعك
نصيحتي ليك يا حاج حسام
بثمن المحسنات - غير فلتري البنزين والهوا واشتري منظف البوابة intake cleaner واستخدم محسنات كل فترات بعيدة شوية (كل 15 - 20 الف) وصدقني هتحس ان عربيتك فايقة جداً
فلتر الهوا اللي اكتشفته انه مش بيتنظف - لازم يتغير - لوجود طبقة صمغية او زي شمعية عليه وهي دي اللي عليها الشغل كله لقدرتها علي امتصاص الأتربة وتعلق الغبار عليها ومنعه من الوصول للبوابة
فلو حصل والطبقة دي راحت او الغبار والتراب والعفارة غطتها فمهما تنظف بالكومبيرسور مش هترجعها تاني وفرص دخول الغبار والأتربة أكبر لعدم وجود عائق في فلتر الهوا

تحياتي ليك
وشكرا لنقل التجربة

والله المستعان
،
،

سيد بك أذيك وأزى دوحا يارب يكون بخير
اصل اظاهر أن الرشاشات عندى كانت وسخه أوى فكان لازم كده لأن صاحب العربيه الأولانى مكانش بيحط منظفات نهائى ولاعمرها أتنضفت فتخيل بقا ,انا قرأت ان واحد أستخدمه بالطريقه ديه وجاب معاه نتيجه ممتازه ولفتره طويله وبعد كده هستخدمه كل 5000 الى 10000 ك زى مقال مهندس ألمانى فى شركة لكولى مولى وقال ان فى مصر لازم نستخدمه كل 5000ك لأن البنزين (92) فى مصر مش نضيف ده كان كلامه بعد ماستفسر احد الأشخاص منه شخصياً
وبخصوص فلتر البنزين أنا غيرته بالفعل ويجب تغيره قبل عملية وضع المنظف أما فلترالهوا كلامك صح تماما أنا نضفته مؤقتا وسيتم تغيره لأن فترته أنتهت تقريباً
موضوع وضع المنظف بالطريقه ديه للى مش عاوز يفك وكدا ويتم مره واحده وبعد كده يتم المتابعه بالمنظف على فترات طويله منتظمه .

شكرا لمرورك
تحياتى