يا رجاله انا مسافر شرم بالعربيه

**mohabelnegm** · 19-04-2013 04:01 PM

السطو المسلح بيبقى على عربيات نقل البضايع اللى مش بيدفعوا "الغفرة" يعنى كل السوبرماركت الكبير و شركات التوريدات بيدفعوا الغفرة علشان بضايعهم توصل سليمة. و اللى مش بيدفع بضاعته بتتثبت. بالنسبه لك بعربية ملاكى مفيش مشكلة, على شرط ماتكونش عربية دفع رباعى علشان ديه هاتبقى مطمع. عرب جنوب سينا عادة مش بيثبتوا حد بعربيات ملاكى الا لو قطعوا الطريق أوعى تتخانق معاهم أو تعمل مشاكل معاهم. اللى يقلق(بضايع شركات-نقل أموال-توريدات ألخ) و هما هما العرب اللى لو حصل سيول و الطريق أتقطع بيشدوا العربيات و يساعدوا الناس بدون مقابل . أنا دايما بسافر بالعربية . أبتدى أقلق أول لما أخرج من سينا بعد النفق على طريق السويس.

**S O P H O S** · 19-04-2013 04:09 PM

المشاركة الأصلية كتبت بواسطة wael30003

سافر ولو حصل حاجة وحد طلع عليك وخد العربية بالقوة

يبقى كده اتعلمت وما تسافرش تانى

هههههههه هيجرب فنفسه يا باشا

**A.Saad** · 20-04-2013 11:14 PM

مون من هنا كويس
ومون من وطنيه قبل النفق
البنزين هناك كل فترة فى المراكز المدن يعنى بس
اطلع بعد الفجر وخد الطريق فى النهار
فيه ملفات خطر فى ابوزنيمة تقريبا فخد بالك منها
ولو لقيت جزء احمر فى الطريق بين الاتجاهين دى ملفات خطر وتاخدها على 60 بالكتير
بس الفايدة انت هتاخد العربية ليه
فيه هناك ميكروباصات عادى
فايدتها بس لو هتخرج من الفندق بيها والفندق بعيد عن الطريق
غير كدة عندك باصات الجونة كويسة جدا

**king_de_egypt** · 05-05-2013 03:58 PM

ربنا يكرمكم يا شباب و شكرا لكل اللى ساعد :)
انا رحت الحمد لله و رجعت الحمد لله بالسلامه و عاوز اقولكم طلعت الساعه 5 الصبح و وصلت شرم الساعه 10 بالظبط كنت فى الفندق بخلص اجراءات الحجز و الحمد لله كانو 4 ايام جمال و كنت فى فندق تروبيكانا ريزوتا و فعلا فندق محترم و اغلبيه النزلاء اجانب بس و انا ماشى كان ابتدى المصريين يهلو عشان اسبوع الاجازات اللى كان داخل و الفندق كان جمب خليج نعمه و استخدمت العربيه هناك 3 مرات رحت خليج القرش و الهضبه و الف ليله و ليلى و اليوم اللى رجعت فيه ماشى من شرم الساعه 1 الظهر و داخل البيت الساعه 5 ونص بالظبط
و الطريق زى الفل و مفهوش اى مشاكل و عديت على 8 لجان و انا رايح طلعت الرخص فى 3 منهم بس و انا راجع موقفتش فى اى لجنه لان مكنش فيه اصلا :d
بس الحمد لله كانت رحله جميله و عملت 1500 كيلو عشان خرجت بالعربيه فى شرم

**Karim_Monir** · 05-05-2013 04:27 PM

حمد الله على السلامة فعلا الرحلة مش شاقة والطريق ظريف خاصة بعد ما صلحو طريق السويس ووسعوه وبقي 3 حارات

**wael30003** · 05-05-2013 06:04 PM

حمد الله بالسلامة

**fghahkj** · 06-05-2013 03:30 AM

الحمد لله انك رجعت بالسلامه انا ناوى اسافر ذيك يوم 20/5 وهنزل فى فندق تروبيكانا ازور
ليه سؤال فى اى رادار على الطريق

**king_de_egypt** · 06-05-2013 10:41 PM

المشاركة الأصلية كتبت بواسطة fghahkj

الحمد لله انك رجعت بالسلامه انا ناوى اسافر ذيك يوم 20/5 وهنزل فى فندق تروبيكانا ازور
ليه سؤال فى اى رادار على الطريق

الله يسلمك يا باشا :)
بص يا باشا نصيحه تمشى بدرى الصبح على 6 كدا تكون فى اول طريق السويس و لو تقدر قبل كدا يا ريت عشان تلحق النفق الشهيد قبل ما يتزحم
و لا الطريق مفهوش ردارات بس خلى بالك من بعد ابو زنيمه فى منحنيات خطره خلى بالك الطريق يغرى للجرى بس المنحنيات فظيعه
و يا رب ان شاء الله تتبسط هناك و تقضى ايام جميله ان شاء الله :)

-

الموضوع: يا رجاله انا مسافر شرم بالعربيه

LinkBack

أدوات الموضوع

عرض

-

-

-

-

-

المواضيع المتشابهه

هي الناس فعلا هتروح شرم الشيخ في جمعة شرم ..؟؟!!!

انا مسافر شرم الشيخ يوم الاربع بالعربيه هل دا امان

عاوز اروح شرم بالعربيه ؟

عاوز اروح شرم بالعربيه ؟

شرم الشيخ بالعربيه رايح جاي

الكلمات الدلالية لهذا الموضوع

المفضلات

المفضلات

ضوابط المشاركة