يا رجاله انا مسافر شرم بالعربيه و مش عارف ايه نظام الطريق اليومين دول امان وله ايه الدنيا محدش بيسافر عليه يقولى ايه الدنيا عليه عامله ايه !!
عرض للطباعة
يا رجاله انا مسافر شرم بالعربيه و مش عارف ايه نظام الطريق اليومين دول امان وله ايه الدنيا محدش بيسافر عليه يقولى ايه الدنيا عليه عامله ايه !!
ايه يا رجاله مفيش حد سافر شرم قريب بالعربيه !!
نصيحة بلاش
والله انا سافرت شهر 9 كان اشطه وصاحبي سافر بعدها ب شهرين كمان كان اشطه بس وقفوا الطريق شويه عشان يطلعوا تامين مع مجموعه عربات مع بعض
سافرت من شهر وكان عادي
بس من اسبوع كان في قطع للطريق عند راس سدر لمدة 9 ساعات والجيش فتحة
انا كنت ف شرم من اسبوعين تقريبا روحت يومين تغير جو سافرت الصبح وصلت بعد الضهر الطريق امان ميه ميه والجيش مأمن الطريق كله بس كانت السياحة ف شرم ضعيفه خالص اول مره طياره تنزل كل ساعتين تلاته كان الطبيعي كل ربع ساعه طياره نازله بتفضي سياح ف البلد خليج نعمه بالليل كان فيه سياح بس قليلين قوي مش زي زمان خالص وانا راجع علي الطريق كنت راجع الصبح برده والطريق تمام يستحسن تسافر الصبح بلاش بالليل الا لو مطر
لا تفكر بالامر ودع الامر لمن بيده الامر
الطريق امان اكتر حاجه ممكن تحصل ان البدو يقطعو الطريق و شويه و هيمشى (اخر مره شويه دول كانو فعلا حوالى 8 ساعات) بس مش هتتثبت
كمان اليومين دول موسم حصاد البانجو فاغلب البدو مش فاضيين للقلق