ازيكو يا جماعه
انا كان ليا سؤال في حد اتعامل قريب مع شركات ساحيه للعمره او يعرف تكاليفها لفردين كام لان انا نويت ان شاء الله نطلع عمره بدل منعمل فرح
عرض للطباعة
ازيكو يا جماعه
انا كان ليا سؤال في حد اتعامل قريب مع شركات ساحيه للعمره او يعرف تكاليفها لفردين كام لان انا نويت ان شاء الله نطلع عمره بدل منعمل فرح
متابع للاهميه
بسم الله ما شاء الله
ربنا يبارك ليكم ويتملكم على خير يا رب ويرزقكم بالخلف الصالح ان شاء الله
انا معنديش علم تحديدا بس هسألك واشوف لو وصلت لحاجة هقلك
بس خليني احييك واباركلك على تفكيرك الرائع لبداية حياة على طاعة الله :]
أنا كنت هناك الشهر اللي فات وبعد سؤال في اكتر من مكان وأنا بحجز لقيت ان رينج الاسعار لو طيران شارتر وفنادق 3-4 نجوم هتلاقي الفرد في حدود 5 تلاف ولو طيران منتظم سعودي او مصر للطيران مع فندق خمس نجوم هتلاقيها 6-8 للفرد في حدود 10 أيام تقريبا.
ومبروك الزواج مقدما وعمره مقبوله ان شاء الله...
تحياتي على تفكيرك العملي
الف مبروك مقدما دكتور ميدو
و عمرة مبرورة و ذنب مغفور بأذن الله تعالي
و كما اخبرك الاخوة الاحباب ان الانظمة متعددة
هناك نظام 3 نجوم بيبدأ من 3500 حتي 5000
نظام 4 نجوم بيتراوح بين 4500 حتي 6500 للفرد
و النظام 5 نجوم بيتراوح بين 7500 الي 11000 للفرد
طيب ايه اللي بيفرق اللي بيفرق نوع و مكان الفندق سواء في مكة او المدينة
كلما زاد القرب من الحرم كلما ارتفع المستوي و زادت التكلفة المادية و انا افضل القرب من الحرم خصوصا لو المرة الاولي لان هناك تجديدات الان كبري بتتم في الحرمين سواء مكة او في المدينة
و التكلفة ايضا بتختلف في هل بيقدم الفندق وجبات ام ان التكلفة اقامة فقط
الشركات كتير
و ارشح شركة ( ثري جولي ) لهم موقع علي الفيس بوك بنفس الاسم و هم بصراحة اكثر من ممتازين
و بيقدمو برامجهم كلها علي النت يعني تختار براحتك و تتصل بيهم للحجز
الاسعار عمره شهر مايو 10 ايام ب 5000 غرفه زوجى
و 15 يوم ب 5500 فنادق قريبه من االحرم بدون افطار
والف مبروك مقدما يا باشا