عرض للطباعة
بعد بحث طويييييييييل و اختيارات كثيرة قررت انى هاختار واحدة من الاتنين دول:
سكودا فابيا مينى: بصراحة شكلها مش عاجبنى لكن كمالياتها اعلى كتير و موتورها اقوى من الفيات و حاسس انها هتكون عملية اكتر فى شوارعنا و توكيلها اظن افضل
فيات جراند بونتو: شكلها رووووووعة كمالياتها حلوة موتورها موفر للبنزين لكنى خايف من قطع الغيار و التوكيل و حاسس انها مش هتستحمل شوارعنا
ارجو الرد السريع لانى ناوى اخلص الاسبوع ده
و شكراً
على فكرة اعتمادية فيات الأن أفضل من سكودا بكثير, و أعرف الكثيرون ممن لهم تجارب سيئة جدا مع سيارات سكودا من أول الفيفوريت لحد الفابيا مرورا بالفيليشيا و عانوا من اعتمادية سيئة و ثبات فقير و أداء سىء, و أعتقد أن البونتو سيارة أفضل شكلا و موضوعا باستثناء المحرك فقط, هو عيبها الوحيد فعلا هو المحرك الصغير و لكنه كافى جدا على حجمها و وزنها و سوف يعطيك أداء جيد.
أعتقد ان الفيات سوف تتحمل شوارعنا حتى بشكل أكبر من السكودا, كما أن قيادتها سوف تكون أكثر متعة و بالطبع أكثر ثباتا.
مين قال إن الفيا مش بيستحمل ؟؟؟؟؟؟؟؟؟؟؟؟
الفيات البونتو .............. عربية بتستحمل جامد جدا جدا و مستعمل في صناعتها خامات رائعة ( عفشة قوية - صاج معقول جدا - و بتستحمل جامد ) و أنا بقولك عن تجربة
و قطع غيارها متوفرة و رخيصة و أصلية كمان
بس أكيد الجراند بونتو أختها أحسن منها كمان في التحمل
بس معرفش موضوع قطع غيار الجراند عامل أيه ؟؟؟
أما الاسكودا فابيا .............. فالله أعلم بها و طبعا الأخوة المجربون للسيارة هم الأفضل في اعطائك رأي عنها
و ربنا يوفقك إن شاء الله في أختيار كويس
أنا هارشح الجراند
علشان قوتها معقولة و هاتوفر في البنزين
أ/ فادى:
شكراً على رد حضرتك و أنا متأكد طبعاً ان قيادة الفيات هتكون اكتر متعة خصوصاً ان صالونها و كراسيها روعة و كمان دواسة البنزين فيها نفس ارتفاع دواسة الفرامل مش زى الفابيا اللى دواسة الفرامل فيها اعلى من البنزين بكام سنتى "أظن الموضوع ده ممكن يكون متعب فى السواقة فى الاماكن الزحمة و يا ريت حد من الاخوة اللى جربوا وضع الدواسات ده يقول لنا هل فعلاً الموضوع ده متعب ولا دى مسألة تعود خصوصاً انى سمعت ان موضوع الدواسات ده موجود فى معظم الفولكس زى الباسات و الجيتا"
أنا بقول السكودا افضل فى تحمل شوارعنا لأنها أعلى، صاجها أقوى و مصفحة من تحت لكن الفيات بصراحة بحسها أضعف شوية
أ/ توت:
شكراً لرد حضرتك و أنا معممتش و قلت الفيات كلها مبتستحملش لكنى قلت أنا حاسس "و ده مجرد احساس بدون تجربة يعنى ممكن جداً يكون خاطئ" ان السكودا هتكون عملية اكتر فى شوارعنا و أنا بردو قلقان من توكيل فيات و قطع غيارها، لكن بصراحة الجراند بونتو دى تحفة فنية خايف اسيبها و اجيب الفابيا و ارجع اندم خصوصاً انى مش ناوى اغير كتير يعنى العربية دى هتعمر معايا لفترة كبيرة
شكراً يا جماعة على ردودكم و ارائكم الغالية و منتظرين المزيد من اراء خبراء نايل موتورز
بص من ناحية العفشة و التحمل اعتقد انو الفيات هتتحمل بشكل كبير و الاتنين عموما عفشتهم قوية باعتبارهم سيارات اوروبية, و أعتقد خلوص السيارتين متقارب و هو متوسط و معقول فى معظم شوارعنا, بالنسبة للصاج فمقدرش افيدك و عموما متاخدش الصاج بالشكل, صحيح انو شكل السكودا (المنفخ) يوحى بأنها اكثر متانة الا ان ذلك ليس بالضرورة صحيحا.اقتباس:
المشاركة الأصلية كتبت بواسطة Zordon
لكن الجراند بونتو واخدة 5 نجوم فى اختبارات الأمان مما يعتبر مؤشرا جيدا على قوة تحملها فى الحوادث.
أنا دلوقتى فعلاً متحير جداً
انا ميال شوية ناحية الجراند بونتو لكن لسة بردو مقررتش "الخوف كله من الشوارع و التوكيل و قطع الغيار"
يا ريت يا جماعة اللى عنده اى معلومات عن التوكيل و قطع الغيار بالنسبة للفيات يقول لنا عشان انا معرفش اى حاجة عن اوماترا ده
و يا ريت بردو لو حد جرب او ركب اى عربية من الاتنين دول يقول ايه رأيه فيهم
انا ركبت الميني فابيا من جوة معجبتنيش خالص الصراحة
bosss matestanaash 7ad
enzel bnafsak es2al 3ala keta3 el3'yaaar elmo3tadda
ana a3raf en Omatra bta3et Fiat 3amleen sho3'l gamed