ممكن مقارنة يا أهل الخبرة بين ال Suzuki SX4 و Hyundai Elantra لأحسن أنا محتارة جداَ جداَ . من فضلكم أفيدونى.
عرض للطباعة
ممكن مقارنة يا أهل الخبرة بين ال Suzuki SX4 و Hyundai Elantra لأحسن أنا محتارة جداَ جداَ . من فضلكم أفيدونى.
يا جماعة أن لما دخلت على سايت Topgear لقيت ان ال HP لل سوزوكى هو 106 انما لما سألت فى المعرض عند الوكيل قاللى ان ال هو 119 ....أصدق مين و أتاكد إزاى ؟ يا ريت حد يرد عليا عشان ما عنديش خبرة فى العربيات .
بصراحه مقارنه صعبه
تفوق فيها سوزوكي بالسعر مقابل الكماليات
لكن موتورها 107
الهورس باوور مش مشكله كبيره يعني
ولكن انا رايي السوزوكي طبعا لو المقارنه مقتصره على الاتنين دول بس
وانصح بكثرة الاستخاره لكي ترزق الخير ان شاءالله
أعتقد السوزوكي أفضل على الأقل مميزة شوية (حتى الأن)
رأيي الشخصي البحت
إلنترا .......... إنتشار أكتر
العربية شكلها أحلى ( دي أذواق )
و لكن
السوزوكي مميزة و جميلة و لكن غير منتشرة و لا أعلم عن إنتشار قطع غيارها
موتور السوزوكي ............. 107 حصان فقط
ووكلاء مصر بتوع الياباني بيبالغوا في قوة العربيات و بيكدبوا علىا العملاء
في حين إن الشركات الأم بتقول الحقيقة و موجودة على مواقعهم الأصلية على الأنترنت كل المعلومات المراد معرفتها
أنا مش فاهم .......... ليه توكيلات مصر بتكدب ؟؟؟؟؟؟؟؟؟
هما فاهمين إن أحنا لسة عايشين في أيام زمان و مفيش أنترنت و الناس ......... مش فاهمة حاجة
شئ مقزز و حاجة تقرف
علشان اللى بيكذبوا ناس نصابين فى الاساس و حرامية و اتعودوا على الكذب فى كل حاجة و اتعودوا ان الزبون سهل يضحكوا عليه و بيصدق اى حاجة و يشترى اى حاجة بمجرد يقولولو كلمة السر : يابانى 100%اقتباس:
أنا مش فاهم .......... ليه توكيلات مصر بتكدب ؟؟؟؟؟؟؟؟؟
هما فاهمين إن أحنا لسة عايشين في أيام زمان و مفيش أنترنت و الناس ......... مش فاهمة حاجة
شئ مقزز و حاجة تقرف
عندك حق حاجة تقرف فعلا و مفروض الناس تشتكى النصابين دول و يكلموا جهاز حماية المستهلك و يحاولوا يبقوا ايجابيين.
عربية 1600cc و 144 حصان منغير supercharger او turbocharger؟؟؟ دول لو بيكلموا عيال فى مدارس مكانوش قالوا كدا.
عيب و الله الكلام دا , النصب بقى عينى عينك الايام دى
انا معايا سوزوكى Sx4 وماشاء الله عليها عربية جامدة وشيك وبدأت تتطلب وحاتقق انتشار كبير وتوكيلها محترم وكمالياتها هايلة وموتور قوى وسحب اكثر من رائع
وصدقينى العربية دى حاتقق انتشار انا فى ناس بتوقفنى وبتسالنى اذا كنت عايزة ابيع وبيقولوا انهم مش لاقيينها فى التوكيل نزلت دفعة وخلصت على طول
هاتيها وانتى مطمنة
لكن الالنترا كفاية انها هيونداى وكورى ومفيش مقارنة بين الاتنين اصلا
وتغور من وش غبور زى مابيقولوا
وربنا يوفقك ويكرمك
عربية 1600cc و 144 حصان منغير supercharger او turbocharger؟؟؟ دول لو بيكلموا عيال فى مدارس مكانوش قالوا كدا.
ضرتك تقصد ايه بالكلام ده ؟ انا مش فاهمة
==========
يرجى عدم الكتابة باللون الأحمر
حيث أنه مخصص لإستخدام الادارة فقط
وشكرا لتفهمكم
الادارة 3
أنا شايف الإثنين ممتازين بس أنا أفضل الإلنترا و إنتشارها و سمعتها الحالية في أمريكا و الجوايز و التقييمات العالية الكتير اللي وخداها توضح إن مش بس أنا اللي شايف كدة.
لكن الحقيقة أنا فعلاً عجباني الـ Sx و سعرها كمان أفضل من الإلنترا.