دخنة سوداء من الشكمان - ابيزا 94

**شادى عبدالمنعم** · 13-04-2013 01:46 PM

عندى مشكله فى عربيتى ابيزا 94 وهى وجود دخانه سوده من الشكمان خصوصا عند بداية دوران العربيه عملت كل حاجه فيها واخيرا قررت اشترى كابيراتير جديد كامل وركبته وبرضه المشكله فضلت موجوده . واحد قال لى ان سبب الدخانه ( حساس الشكمان ) سؤالى فعﻻ فى حساس شكمان فى ابيزا 94 واجيبه منيين وبكام . وشكرا لتعاونكم

**SYD** · 13-04-2013 02:18 PM

في البداية احب ارحب بيك معانا في قسم سيات نايل موتورز
طب معلش عندي سؤال
هو الموتور كاربراتير ولا هاف انجيكشن

لأن لو كاربراتير - مفيش حساس شكمان
لكن لو هاف انجيكشن هيبقي فيها حساس شكمان

وياريت تقولنا ايه الحاجات اللي عملتها فيها واخر الصيانات

تحياتي

**SYD** · 13-04-2013 06:07 PM

مش هتفرق 1.4 من 1.3
الفكرة واحدة مع تغيير السعات

بص يا باشا
من اسباب الدخنة السودا - حساس الشكمان - بس المفروض كنت تشتكي كمان من زيادة الأستهلاك وعدم ضبط الأر بي ام
وايضا من الأسباب - البوجيهات - بس مش سبب مباشر ومش قوي

الفكرة كلها في عدم ضبط نسبة الخلط بين الهوا والبنزين - ودة اللي يسبب الدخنة السودا
ممكن يكون جوانات المنافولد نفسها مش حلوة ومسببة الكلام دة
ممكن يكون طبعا الأنجيكتور بسبب انه متسخ او منتهي
ممكن يكون فتحة بوابة الهوا - سوستتها بايظة او يوجد مشكلة في واير البنزين او سوستته

الأسباب كتير - ولازم تحللها كويس وتمشي وراها مسبب مسبب عشان ماتغيرش حاجة بدون داعي

اكشف علي الحاجات دي دلوقتي وقولنا عملت ايه ووصلت لأيه

تحياتي

والله المستعان
،
،

**SYD** · 13-04-2013 06:08 PM

طب طالما انت هاف انجيكشن - كشفت عليها كمبيوتر ؟؟
أكشف بردو وقولنا مسجلة اعطال ايه

**SYD** · 14-04-2013 03:33 AM

في انتظار ردك

**شادى عبدالمنعم** · 15-04-2013 03:18 AM

انا بصراحه مش متأكد انا هاف انجكشن و ﻻكابيراتير بس عموما هو كان ب 1500 بعلبته جديد والمانى ومحفور عليه زى اللى عندى بالضبط وجبته من عند أمير فى الحرفيين وعلى فكره عندى برضه مشكله ان الموتور بيعلى ويوطى وهو على وضع المور.

-

الموضوع: دخنة سوداء من الشكمان - ابيزا 94

LinkBack

أدوات الموضوع

عرض

-

-

-

-

المواضيع المتشابهه

دخنة سوداء أول الدوارة

وا رششاشاتاه .. دخنة سوداء في بداية الدواره

دخنة سوداء

دخنة سوداء الصبح ... أو عند الدواره والعربيه بارده

مشكلة عند الدوراه والعربية باردة صباحاً .... دخنة سوداء

الكلمات الدلالية لهذا الموضوع

المفضلات

المفضلات

ضوابط المشاركة