-
برافو مركز القطامية
كلمة شكر واااااااااجبة لكل العاملين فى القطامية من اول الاخ اللى على البوابة حتى مدير المركز....رغم المخاوف والكلام اللى قريته الا انى استخرت الله ونويت اعمل صيانة ال1000 هناك وفعلا حجزت واكدت الحجز كمان والميعاد كان النهاردة...الساعة 8 ونص كنت بصبح على الاخ اللى على البوابة وانا طبعا متاكد انى حااااااااجز...واذا فجاءة اسمى مش موجووودhttp://...........com/vb/images/smilies/shyy.gif ماعلينا قولت ياواد طنش خااااااالص المهم ربنا كرمنا ودخلت علشان مفيش زحمة وبصراحة عجبنى النظام والنظافة من اول ساعة الدخول وبعدين المهندس اخد كل الملاحيظ وكتب امر الشغل وانتظرت فى الاستراحة وشوفت الجميلة وهما بيشتغلوا فيها ويادوب ساعة ونص بالتمام واتصلوا بيا علشان ننزل نجرب والحمد لله كله تمااااااااااام وعضة الفتيس اتخفت كتير وبقا ناعم زى الفل والشنطة اتظبطت وبصراحة صوت الموتور اصبح اهدى بكتييييييييير....لذلك كلمة شكر اوجها لكل العاملين فى المركز...رغم انى كنت حاجز واللهhttp://...........com/vb/images/smilies/Wkiss5.gif
-
ألف مبروك يا أستاذ عمر على العربية وعلى الصيانة .. ويا رب تكون مستمتع بيها على طول .. ومستنيين المزيد من المشاركات من سيادتك سواء في استفسارات أو معلومة عاوز تضيفها .
بالنسبة لمركز القطامية يا مسهل الحال .. ابتدت تمطر أهي .. ويا رب من تقدم لتقدم في خدمة العملاء .. خالص تحياتي لمركز القطامية .
ويا ريت لو وقت حضرتك يسمح تشرفنا بحضورك في المقابلات .. وحتستفاد أكتر من المناقشات العملية .
-
شكرا يا اخ باسم على ذوق حضرتك....وشكرا لكل اعضاء المنتدى الكرام اللى ساعدونى فى اختيار الجميلة ... وياريت لو اعرف من حضرتك اجيب منين اكسسورات زى الفو:new:ج لايت او الدلايات وكدة لانى سالت عليهم فى التوكيل بس بصراحة حسيت ان السعر مبالغ فيه شوية وجزاكم الله كل خير...وياريت لو فيه مقابلات ابقى اعرف المكان والزمان لتبادل الخبرات وشكررررررررررا
-
أي حد بتاع اكسسوارات عربيات صيني حتلاقي عندهم الحاجات دي .. بص على اللينك ده فيه المفيد وإن كان فيه واحد أسمه شخلول في الزاوية بيبيع بسعر أرخص :
وحاول تستعرض مواضيع القسم من البداية وتقرأها علشان تبقى ملم بتجارب الأعضاء وخبراتهم .. ولو ليك سؤال ابقى اسأله .. وبالنسبة للمقابلات تابع معانا في القسم هنا أو في قسم الصيني العام وحتعرف مواعيد المقابلات اللي غالباً بتبقى في خلال الأسبوع الأخير من كل شهر .
http://www.nilemotors.net/Nile/332164-a.html
-
شكرا يا باشا على اللينك.......بس ياترى الاسعار دى بجد؟؟؟تخيل حضرتك السعر فى التوكيل كاام؟؟؟360 جنيه بالتركيب...اة وربنا بجد والدلايات ب120جنيه!!!!!!!!!
والنبى عاوز عنوان الاخ شخلول بالتفصيل واسف على التعب
-
الف الف مبروك الصيانة ... ويا رب تبقى راضى عن العربية دايما وتستمتع بيها ... وربنا يديك خيرها ويكفيك شرها *
وانا سعيد جدا ان الناس بدأت تشكر فى مركز القطامية ... وده اللى عايزينة منهم ... طالما العميل شكر يبقى اكيد فية تطور ملحوظ
وربنا يوفقهم ودايما فى تطور إن شاء الله
وعنوان الاخ شخلول .. من الزاوية الحمرا ... فى اول شارع سكة الوايلى ... بعد اولاد رجب على ايدك اليمبن
Content Relevant URLs by
vBSEO 3.6.0 PL2