متابع ياريت كل واحد من مالكى نيسان فى المنتدى يقول رأية
متابع ياريت كل واحد من مالكى نيسان فى المنتدى يقول رأية
الصني عربية ممتازة في المجمل يكفي اني معايا العربية مستعملة وكانت عاملة وقت مااشتريتها 290000 والله مئتان وتسعون الف ودلوقتي عملت كمان 40000 فس 8 اشهر والحمد لله الموتور لسة فابريكا والفيتيس وبتجمع 185 كم وممكن اتر بس بلاش افترا ومحدش ضامن الطرق مشكلتي الوحيدة كانت مع طنابير الفرامل اللي باغيرها كل 10000 كم والتيل الامامي ودلوقتي خرطت .25 مم وغيرت التيل بتيل ياباني ب90 جنية وعملت عليهم 2300 كم وزي الفل ولا قرف السبع والاشتغالات دي ولما نشوف الصني هتعمل اية عموما عربية جميلة وقليلة الصيانة وحاجاتها رخيصة غير انها اوسع من عربيات كتير بل تعتبر الاوسع في فئتها السعرية وكويسة علي الطريق انا كل يوم تقريبا باطلع علي الزراعي مصر طنطا والعودة وساعات السادات وبرضة الاسكندرية وزي الفل واقتنعت بالعربية دى وربنا يبارك فيها الحمد لله
انا معايا صنى 2013 الشكل القديم وبعد الاستخدام ولقيت لها ما لها وعليها ما عليها مازلت مقتنع ان عيب قرارى فى انى اشترى نيسان صنى هو تاخيرى فى القرار دة مش اكتر وربنا يباركلنا جميعا فى عربياتنا ويبعد عنا شرورها
ان ليا تحفظ على كلام حضرتك وهو الاتهام بالتشويه
كون ان انت مشوفتش فعربيتك مشاكل يبقا فضل وكرم من عند ربنا وتحمده وتشكره
إنما لا يستدل به على الافتراء والتشويه
لو كتبت في المنتدى او اي متصفح انتنت مشكلة في صاج الصني 2013 هتطلعلك أكثر من شكوى
أيضا لو كتبت مشكلة في صاجة التيل الخلفي هيطلعلك اكثر من شكوى
الناس كلها هنا محترمة ولا تقصد التشويه لاي شركة من الشركات
مافيش حد بياخد عموله من هنا ولا من هنا
ولو العربية مش ناجحه الى حد كبير مش هتلاقيلها نقاد .
زي الفنان لو مالهوش اعمال مش هيلاقيله نقاد
في النهاية أرجو عدم التحامل على النقاد من أجل استفادة اكبر عدد ممكن وتحقيق النقد البناء ليفيد الاعضاء المالكين والمقبلين .
المهم يبقى بناء .. مش شتيمة وخلاص وكمان من ناس عمرها مركبت العربية مع حد حتى! مش هقول سافتها كمان!
عشان تقيم العربية النيو صني قارن بينها وبين أي عربية تانية فيها نفس الأوبشنز اللي فيها
قارنوا بينها وبين الالنترا 2012 البيز لاين اللي دلوقتي وصلت ل 156 ألف .. مفيهاش ولا ايرباج واحدة ومفيهاش ebd وعفشتها انشف من الصني وصاجها ضعيف جدا وتصميمها يخلي أي حكة تحصل في الباب يبقى لازم يتغير عشان السوكة اللي فيه ولو أي رفرف اتحك يبقى وش الفانوس كمان طار كمان صالونها وشنطتها مش بوسع النيو صني وتقريبا نفس خامة المواد المصنوع منها التابلوه ..
يجي حد يقولي بس شكلها .. أقولك تمام والصني شكلها مش وحش خصوصا لو سوبر صالون لان الاسبويلر بيظبط شكلها جدا وأنا رأيي إن العربية من قدام شكلها جميل جدا .. السوكتين اللي في الكبوت جملوا شكله جدا
السؤال بقى لو أنا بختار ومعايا فلوس الالنترا .. اجيب صني مع العيوب اللي موجودة واللي التوكيل بيحلها في الضمان ولا اجيب الالنترا اللي بيبقى برضه فيها مشاكل .. أخويا معاه النترا و غير مساعد خلفي في أول 10000 كم ..
وعلى فكرة المشاكل دي كانت في الدفعات الأولى والمصنع حلها خلاص
يعني لو حد هيركب النترا كوري فيها نفس اوبشن الصني مش هيدفع اقل من 165 ألف ..
العربية دي فيها اوبشن موجودة في عربيات ب 150 و 160 ألف
العربية مناسبة جدا لسعرها وفي رأيي انها تستاهل اكتر من سعرها كمان ولو فعلا كانت متجمعة بره مصر حتى لو في الهند كانت هتكسر ال 160 ألف ..
بالنسبة لأداء العربية اللي الناس بتقول ان تسارعها ضعيف وثباتها خفيف .. اركب العربية واجري بيها وبعدين احكم .. انا بركب العربية وإذ فجأة ألاقي نفسي على 80 كم .. وأنا شخصيا وصلت بيها ل 180 كم وثباتها كان كويس لدرجة ان اللي كانوا راكبين معايا مخدوش بالهم أصلا اني كنت بجري وجايب السرعة دي وكمان الكاوتش الماكسيس لسه راكب فيها يعني لو عرضت شوية هتجيب ال 220 مستريحة لأن ال RPM كان بين ال 3500 وال 4000 لفة وأنا جايب 170 كم
قولولي بقى على عربية فيها الاوبشن دي وبالسعر ده
أنا ما ركبتش العربية و هيه ماشية بس بصراحة سعر وكماليات و توكيل ممتاز ..كمان أسعار قطع الغيار من التوكيل معقولة جدا و أستجابة التوكيل لحل مشاكل العربية ممتازة ..
فعلا بعض المواضيع الى أتكتبت عن العربية أثرت على ناس كتير.. أنا شخصيا كنت ناوى أجيبها بس زنقت نفسى جامد فى الفلوس (حوالى 30 ألف زيادة عن السوبر صالون) و حجزت ألنترا ABS/Air Bag بعد ما قريت موضوع ضعف الصاج تحديدا ..:019F3B~14: