استهلاك بنزين الانترا2009

**ahmedd_alsaify** · 13-04-2013 09:45 PM

مساء الخير عليكم اخوكم جديد فى الانترا انا اشتريت الانترا موديل 2009 كاملة اتوماتيك خليجى انا حاسس انى استهلاك البنزين عالى جدا بس انا لسه محسبتش لكن بلاحظ الموشر عند الفول تنك بينزل على طول الى الشرطه التانية كنت عايز اعرف معدل الاستهلاك فى الانترا انا كنت راكبي ميجان قبل الانترا

**seri0us** · 13-04-2013 11:40 PM

المشاركة الأصلية كتبت بواسطة ahmedd_alsaify

مساء الخير عليكم اخوكم جديد فى الانترا انا اشتريت الانترا موديل 2009 كاملة اتوماتيك خليجى انا حاسس انى استهلاك البنزين عالى جدا بس انا لسه محسبتش لكن بلاحظ الموشر عند الفول تنك بينزل على طول الى الشرطه التانية كنت عايز اعرف معدل الاستهلاك فى الانترا انا كنت راكبي ميجان قبل الانترا

الف مبروك عليك و كويس انك جبت الخليجي منها لانك هتبقى فارق عن المصري في عفشتك و طلاء السيارة و جودة عزل الكابينة او الصالون عن الصوت الخارجي سواء الموتور او العربيات اللي جنبك :)

المهم انت ما قولتلناش حضرتك هل عملت الصيانة اللازمة بعد شراء اي سيارة مستعملة ؟؟

و الصيانة دي عبارة عن تغيير فلتر هواء و بوجيهات و سيور دينامو و كاتينة و تكييف و تنظيف الحساسات عن طريق مثلا منظف انجكشن بتاع شركة ليكوي مولي و تنظيف البوابة باسبراي مخصوص ليها و طبعا تغيير زيت الماكنة و الفتيس و انصحك في الزيوت امارات مصر للفتيس و الموتور لانه اكثر من رائع و خاصة ان بتاع الماكنة متعبي في الامارات نفسها ...

لو عملت الحاجات دي صح لازم هتحس بفرق رهيييييييييييييييب ... لاني جايب زيك ماتريكس خليجي 2006 و ما شاء الله على سحبها دلوقتي و توفيرها في البنزين و التكييف شغال كمان ...

ابقى طمنا يا باشا و الف مبروك السيارة :))

**ahmedd_alsaify** · 14-04-2013 02:13 PM

متشكرين يا باشا على الاهتمام انا اشترتها كانت عمل صيانة 60 فى التوكيل علشان كده لسه معملتش حاجة من اللى انت قولت عليها هى عمل دلوقتى 66000 باقى 4000 وعمل صيانة